२ पत्रुस 2:18 - कोन्छ्‌योककी सुङ

¹⁸ तिवा अम्‍बारङ्‍शिङ कितुप ताङ तेन्‍दोक मेतुप ताम्‍ङे तिराङ किवी, तमा मलोक लाका मेलोक्‍पा कितुप क्‍युर ज्‍यकुप मीतिवाला साङ सेम नेसुर वुङ्‍गुप नासाम मेलोक्‍पाला ख्‍येल ज्‍यितुपला लुकिवी।

२ पत्रुस 2:18 Iomraidhean Croise

लोमा छ्‍येतिवी लाका 2:40

पत्रुसकी यम्‍बा ताम्‍ङेतिवा साङ बङी सिक्‍यासुङ। तमा तिङ्‍ला तिवाला दुक सिनी टोङ्‍गु बिन्‍सुङ, “ख्‍यिराङ दी दुक्‍टाकी गिपा ने र्‍होकुप लाका किसा।”

लोमा छ्‍येतिवी लाका 8:9

ती पेला ती ग्‍येसाला सिमोन सिरुप मी यी नोक। तीकी गोमा नेज्‍युनी जिम्‍डुल टुलुप लाकातिवा छ्‍या तेन्‍नी सामरियाकी मीतिवा तेरीला हलेवा लङ्‍नी खोरुङ ति ङ राङ यिन सिनी नो किनोक।

रोमी 13:13

तमा ङ्‍यिमी गुङला युकुप दोके मिजी टेङ्‍बु क्‍योङ्‍गुप। ङ्‍याम तोङ्‍गुप ताङ छ्‍याङ्‍गेले कितुप ताङ शम्‍डेन कितुप ताङ छ्‍येवु कितुप ताङ थमु ग्‍यकुप ताङ ठतोक कितुप माकी।

एफिसी 4:17

ती तप्‍की ङ दी ताम्‍ङे ति चोवो येशूकी मिङला ठाकुरे सिरिन। यहूदी मिन्‍दुप मिरिक यम्‍बाकी मीतिवी तेर्मेकी नासामतिवा तङ्‍नी मिजी क्‍यङ्‍गुप दोके ख्‍यिराङ ति तफेन्‍ला तुका मिजी माक्‍योङ।

२ थेसलोनिकी 2:4

ती ना तोङ्‍गुप दुक्‍टाकी गिपा तीकी मीतिवी सोवा देकुपला जोवु तेरी च्‍यालकतिवाला तेन्‍दुप ताङ कोन्‍छ्‍योक दोके जोनी खो ज्‍यु वोतुप दासा चाङ्‍माला देनी खुरुङ राङ कोन्‍छ्‍योक यिन सिनी खोकी तेन्‍दोकला लङ्‍गिवी।

याकूब 5:5

ख्‍यिराङ दी जम्‍बुलिङला गा ताङ किर्मु क्‍यानी किकी तोङ्‍यिन सिरा मिजी क्‍योङ्‍यिन वे। तुक क्‍यानी ख्‍यिराङ सेतुप पेला लेप्‍सिनाङ खोरो मिजी तिराङ नासाम तङ्‍नी ग्‍यामु जो ज्‍याक्‍नी वे।

२ पत्रुस 1:4

खो ति मोवा ताङ च्‍यङ्‍च्‍यु सेम्‍बा वोतुप तप्‍की दाक्‍पुला छासे चोछ्‍येवु ताङ खक्‍छ्‍येवु ताम्‍ङे थाक्‍छ्‍येन नङ वे। तीकी तेन्‍दोक ति दाक्‍पु दुक्‍टा वोतुप सेम नेसुर वुङ्‍गुप दी जम्‍बुलिङकी नोवा मेलोवा नेसुर थर्नी कोन्‍छ्‍योक दोके टेङ्‍बु वोतुप मिजी क्‍योङ्‍गुपला यिन।

२ पत्रुस 2:14

तिवा नरी शम्‍डेन कितुप नासाम तिराङ तोङ्‍गिवी। तिवा चो दिक्‍पा क्‍यासिनाङ सेम लो मिदिवी, तिवी तेपा रम्‍बु मेनी सेम नटेकोटे वोतुप मीतिवाला अलम च्‍योलोम जेवी। तिवी सेम ति देर्पा कितुपला छासे खामु गिवी। तुक क्‍यानी तिवा मोताप सुकुप गिपातिवा यिन।

२ पत्रुस 2:2

तमा मी बङीकी तिवी लापुप येन्‍देन मेटेङ्‍बु ङ्‍येन्‍नी दुक्‍टा किवी। तीकी जोसालेन्‍सिन मी यम्‍बातिवी साङ कोन्‍छ्‍योककी सुङ टेङ्‍बुला मारे तोङ्‍गिवी।

२ पत्रुस 2:20

दोजो तिवी दाक्‍पुला दिक्‍पा ने थर ज्‍यितुप चोवो येशू ख्रीष्‍टला ङो शेनी दी जम्‍बुलिङकी मेटेङ्‍बु वोतुप च्‍यालक नेसुर थेन्‍सिमा येलुङ गोमी किताङ नालुला लोक्‍नी ती दिक्‍पी ओङला राङ डिवी सिसिन तिवा गोमी ति सिनाङ ज्‍युक्‍ला मङ मेलोक्‍पा डिवी।

२ पत्रुस 2:7

यिने ती ग्‍येसाकी मीतिवी सेम नोजु क्‍यानी ङोछा लङ्‍गुप लाका दुक्‍टातिवा क्‍यावु थोङ्‍नी लोतकी सेमला छासे मेलोवा गाल्‍नोक। तुक क्‍यानी खोकी खोरे थोङ्‍दाङला टेङ्‍बु वोतुप लोतला ति र्‍होक्‍सुङ।

२ पत्रुस 3:17

तुक क्‍यानी ङे ङ्‍यिङ्‍ज्‍येवु अच्‍युनुपतिवा, ख्‍यिराङ गोमाला के दी ताम्‍ङे ल्‍यामु हाक्‍कोनी च्‍याङ्‍से देता। मी दुक्‍टातिवी ताम्‍ङेला येनी मादे, तमा रङगी हाक्‍कोवु सुङला रम्‍बु क्‍यानी डेकला देता।

यहूदा 1:13

तिवा ग्‍येम्‍छो नङगी ज्‍यिवा लङ्‍गुप छ्‍यी बालाप दोके वे। तमा रङगी ङोजु मेतुप लाका ति ग्‍येम्‍छोकी बोवा दोके क्‍यानी छ्‍या देन्‍गिवी। तमा तिवा ख्‍यम्‍नी गलुप कर्मा दोके गल वे। तिवा नरीकी नरी सेक ज्‍यिवा लङ्‍गुप नक्‍तोमी दासाकी थोक्‍ला सानी ज्‍याङ वे।

ज्‍यल्‍का 13:11

तमा येलुङ से दिङ ने यम्‍बा सेम्‍ज्‍येन यी साङ थेन्‍दुप ति ङे थोङ्‍सुङ। ती सेम्‍ज्‍येन ति लुक रुककी दोके अर्क्योक ङ्‍यी वोतुप नोक। तमा तीकी वोरु ति डुककी वोरु दोके तेन्‍नी ताम्‍ङे लप्‍किनोक।