२ पत्रुस 2:1 - कोन्छ्‌योककी सुङ

¹ गोमाला इस्राएलकी मीतिवी पर्ला लुङ्‍तेम्‍बा मेटेङ्‍बुतिवा वोतुप दोके ख्‍यिरा पर्ला साङ गेकेन मेटेङ्‍बुतिवा थेन्‍गितो। तिवी ख्‍यिराङला छ्‍याकला ना डोप येन्‍देन मेटेङ्‍बुतिवा लोप्‍किवी, तमा येशू ति दिक्‍पा ने थर्वा नङ्‍गुप चोवो मिन सिनी तिवा खोप्‍राङ ङमु राङ ना डोप लाका कितो।

२ पत्रुस 2:1 Iomraidhean Croise

मत्ती 10:33

यिने सी मीतिवी मिङ्‍गाला ङला ङो मेशेवी सिनी सिवे, ङ साङ देवाच्‍येनला ज्‍यु वोतुप ङे पपी मिङ्‍गाला तीला ङो मेशेवी सिनी सिरिन।”

मत्ती 24:11

तमा लुङ्‍तेम्‍बा मेटेङ्‍बुतिवा बङी वानी मीतिवा बङीला लुकितो।

मत्ती 24:24

च्‍यिलासिसिन ख्रीष्‍ट जुमातिवा ताङ लुङ्‍तेम्‍बा मेटेङ्‍बुतिवा वानी त ग्‍येर्पु ताङ हलेवु लाकातिवा छ्‍या देनिन सिरा कोन्‍छ्‍योककी पेतुपतिवाला साङ अछ्‍योता सेक लुकिवी।

मत्ती 24:5

च्‍यिलासिसिन मी बङीकी ङे मिङ लानी ‘ङ ख्रीष्‍ट यिन।’ सिनी मी बङीला लुकितो।

मत्ती 7:15

“लुङ्‍तेम्‍बा मेटेङ्‍बुतिवा नेसुर च्‍याङ्‍से देता। तिवा फिला ल्‍हासिन लुक दोके ल्‍यामु थोङ्‍गिवी, यिने सेम ति ज्‍यिवा लङ्‍गुप खटमु दोके गिवी।

मर्कूस 13:22

तुका ख्रीष्‍ट जुमातिवा ताङ लुङ्‍तेम्‍बा मेटेङ्‍बुतिवा वुङ्‍गिवी, तमा तिवी ततिवा ताङ हलेवु लाकातिवा छ्‍या तेन्‍नी अछ्‍योता सेक कोन्‍छ्‍योककी पेतुपतिवाला लुतुप छोल्‍गिवी।

लूका 12:9

यिने चुका मी तीकी मीतिवी मिङ्‍गाला ङला तेपा मिकिवी सिवे, ङ साङ कोन्‍छ्‍योककी लेन क्‍योलुपतिवी मिङ्‍गाला तीला ङे मी मिन सिनी सिरिन।

लूका 21:8

येशूकी तिवाला सुङ्‍सुङ, “च्‍याङ्‍से देता, मीतिवी ख्‍यिराङला मुलुशी। मी बङीकी ङे मिङला वानी, ‘ङ ख्रीष्‍ट यिन।’, ‘तुजे चाला राङ लेम वे।’ सिनी सिवितो। यिने ख्‍यिराङ तिवी तिङ्‍ला तिङ माङ्‍योक।

लूका 6:26

ख्‍यिराङ मीतिवा तेरीकी चिताङ क्‍यावुतिवाला मोताप सुकुप यिनो, च्‍यिलासिसिन तिवी हङ्‍गावातिवी लुङ्‍तेम्‍बा मेटेङ्‍बुतिवाला तुकै राङ क्‍यासुङ।”

रोमी 16:18

च्‍यिलासिसिन तुका मीतिवी दाक्‍पी चोवो येशू ख्रीष्‍टकी थोक्‍ला शब्‍ज्‍यी कितुप मिन, यिने खोरो सुप सोपला तिराङ कोन्‍छ्‍योकला शब्‍ज्‍यी किवी। तिवा ताम्‍ङे ल्‍यामु ल्‍यामु क्‍यानी क्‍योक्‍पु लोक्‍पु मिकिवु मीतिवाला साङ जिनोक जेवी।

१ कोरिन्‍थी 11:19

ख्‍यिरा पर्ला कोन्‍छ्‍योककी थोङ्‍दाङला मी टेङ्‍बु मेटेङ्‍बु सु यिन सिरुप ति हाक्‍कोवुला तुका ताम्‍ङेतिवा वुङ राङ गोकिवी।

१ कोरिन्‍थी 6:20

ख्‍यिराङ ति खोकी गोङ तेनी ङ्‍योवु यिन। तुक क्‍यानी ख्‍यिरा रङगी मिजी ने कोन्‍छ्‍योकला मोवा की।

१ कोरिन्‍थी 7:23

कोन्‍छ्‍योककी ख्‍यिराङला येशू ख्रीष्‍टकी ठककी गोङ तेनी ङ्‍योवु तप्‍की ख्‍यिराङ मीतिवी योक्‍पुला मादे।

गलाती 2:4

च्‍यिलासिसिन मेटेङ्‍बु शेतुप अच्‍युनुपतिवी दाक्‍पुला च्‍येतुप लुक्‍सु कि गोकिवी सिनी सिक्‍यासुङ। तुक क्‍यावु तेन्‍दोक ति तिवी दाक्‍पु ख्रीष्‍टला तेपा क्‍यानी रङ्‍ज्‍येन थोपुपतिवाला खोरो योक्‍पु जोपला यिन।

गलाती 3:13

ख्रीष्‍टकी ग्‍यङ्‍शिङला कल्‍नी दाक्‍पी थोक्‍ला पर्च्या खुर्नी दाक्‍पुला मोशाकी ठिम तेरी मातेन्‍नी वुङ्‍गुप पर्च्या ने र्‍होक्‍सुङ। च्‍यिलासिसिन ग्‍यङ्‍शिङला कलुप ति तेरी पर्च्या फोकुप यिन सिनी सुङला टि वे।

गलाती 4:17

यम्‍बा लेन ल्‍यामु मेटेङ्‍बुला क्‍योकुप मीतिवी ख्‍यिराङला ताम्‍ङे ल्‍यामु जोनी लुकिवी। ती ति तिवी सेम टेङ्‍बु क्‍यानी मिन, ङे मु नेसुर कुतुक पेनी खोप्‍रे ताम्‍ङेला ङर्मा जोपला यिन।

गलाती 5:20

ल्‍हलुला तेन्‍दुप ताङ ङ ग्‍यकुप ताङ डला जोप ताङ थमु ग्‍यकुप ताङ ठतोक कितुप ताङ ङ्‍यिर्मु कितुप ताङ खुरुङला तिराङ च्‍युङ्‍शी नो कितुप ताङ ख्‍ये पेनी दाक दाक्‍पी छोक्‍पा जोप ताङ

एफिसी 1:7

तमा खोकी ग्‍यक्‍चेकी कटिन नेसुर येशू ख्रीष्‍ट दाक्‍पी दिक्‍पी थोक्‍ला टुङ्‍नी खोकी ठककी दाक्‍पी दिक्‍पा ता च्‍यिनी दाक्‍पुला थर्वा ङ्‍येन वे।

एफिसी 4:14

तुक क्‍यानी दाक्‍पु मीतिवी जिनोक ताङ दुक्‍टा ताङ नम्‍बा कुतुककी येन्‍देन मेटेङ्‍बुला फार छुर युकुप आङातिवा दोके मोडोशी।

फिलिप्पी 3:19

तिवा डोप लाम ति ङ्‍येलाला ना डोप यिन। च्‍यिलासिसिन तिवा कोन्‍छ्‍योकला मिन, साप ताङ थुङ्‍गुपकी थोक्‍ला तिराङ सेम नोजु किवी। तिवी खोप्‍रे क्‍यावु लाकातिवाला छासे ल्‍यामु यिन सिनी सिवी, यिने तिवी क्‍यावु लाका ति ङोछा लोङ्‍गुप लाका यिन। तिवी जम्‍बुलिङकी च्‍यालकतिवाला तिराङ नासाम तोङ्‍गिवी।

कलस्सी 2:18

ङ्‍यिरा ज्‍यल्‍का थोङ्‍गुप यिन सिनी मी यम्‍बाला छ्‍या देन्‍दुपला कुसु ज्‍यम्‍बु जोप दुक्‍टातिवा ताङ देवाच्‍येनकी लेन क्‍योलुप थुला तेन्‍दुप मीतिवा सी साङ ख्‍यिराङला थोपुप छ्‍यक्‍तक तोर्नी डोप मोजोशी। तिवा ति सेम दुक्‍टा नेसुर तेन्‍दोक मेताला ङ राङ छ्‍ये यिन सिनी सिवी,

कलस्सी 2:8

ख्‍यिराङ च्‍याङ्‍से देता! सी साङ खोप्‍रे च्‍यु ताङ रिक्‍पा नेसुर जिनोक जोवु ताम्‍ङेतिवा लाप्‍नी ख्‍यिराङला मुलुशिता। तुका ताम्‍ङेतिवा ख्रीष्‍ट नेमा वावु मिन, यिने मीतिवी लुक्‍सु ताङ जम्‍बुलिङला वोतुप ङार नेसुर वावु यिन।

१ तिमोथी 5:8

ललाइ ललाइकी याङ खोरो छेङ्‍गाछालीतिवा ताङ खक्‍छ्‍येवुला खोरो मिछाङला साङ ल्‍हाटे मिकिवी। तुकातिवी तेपा कितुप साङ क्‍युर्नी ज्‍यकुप गिवी, तमा तिवा तेपा मिकिवुतिवा सिनाङ मङ दुक्‍टा डिवी।

२ तिमोथी 4:3

च्‍यिलासिसिन तुका तुजे यी गितो। ती तुजेला मीतिवा येन्‍देन टेङ्‍बुला सेमला मोडोवु ताङ खुरुङला सेमला गलुप ताम्‍ङे तिराङ ङ्‍येन्‍दुप नो कितुप ताङ दाक दाक्‍पुला सेमला डोप येन्‍देन लोपुप गेकेनतिवा तिराङ बङी कतोङ्‍गिवी।

तीतस 1:11

तिवाला ख चुम्‍नी दे ज्‍यि गोकिवी, च्‍यिलासिसिन तिवा रङगी ख्‍येप्‍साङकी थोक्‍ला तेरुप मेङ्‍गुप येन्‍देन लाप्‍नी तेरी मिछाङतिवी पर्ला मेलोक्‍पा जेवी।

तीतस 3:10

ख्‍ये बेतुप मीला ति थेङ्‍मा च्‍यिक चोयी ङ्‍यी चोयी टोङ्‍गु बिन, तमा तीकी मुला काङ साङ लिङ्‍गु तेङ्‍गु माकी।

हिब्रू 10:29

कोन्‍छ्‍योककी सेवुला मारे तोङ्‍गुपतिवा ताङ खुरुङला चाङ्‍मा जोवु कोन्‍छ्‍योककी थाक्‍छ्‍येतुप ठकला मेचेङ्‍गा जोप ताङ कटिन नङ्‍गुप खोकी थु चाङ्‍माला मारे तोङ्‍गुपतिवाला मङ छासे पर्च्या फोकिवी। ती ति ख्‍यिराङ राङ नासाम तोङ।

१ पत्रुस 1:8

ख्‍यिरा खोला नाम्‍साङ माथोङ्‍सिनाङ खोला ङ्‍यिङ्‍ज्‍ये किवी, तन्‍दा ख्‍यिरा खोला माथोङ्‍सिनाङ ख्‍यिरा खोला तेपा किवी, तमा ख्‍यिराङला नाम्‍साङ ताम्‍ङे क्‍या मिसिन्‍दुप गा ताङ किर्मु गिवी।

२ पत्रुस 2:3

तिवा देर्पाला ख्‍येल्‍नी ख्‍यिराङला ताम्‍ङे जिनोक जोनी ख्‍यिरा नेसुर ख्‍येप्‍साङ लङ्‍गितो, यिने तिवी खुर गोवु छ्‍येर्पाकी कोर्ला गोमाला के तेन्‍तेन क्‍या वे। तुक क्‍यानी तिवा वुतुङ के ना डिवी।

१ यूहन्‍ना 2:26

दी ताम्‍ङे ति ख्‍यिराङला जिनोक जोपतिवी थोक्‍ला ङे टिवु यिनो।

१ यूहन्‍ना 4:1

ङे ङ्‍यिङ्‍ज्‍येवुतिवा, थु चाङ्‍मा नेमा वावु ताम्‍ङे क्‍यासिन ख्‍यिराङ तिवा तेरीला तेपा माकी, यिने ती ति कोन्‍छ्‍योक नेमा वावु थु चाङ्‍मा यिनोक मिनोक सिनी हाक्‍कोवा की। च्‍यिलासिसिन लुङ्‍तेम्‍बा मेटेङ्‍बुतिवा बङी दी जम्‍बुलिङला थेन वोतो।

यहूदा 1:18

तिवी ख्‍यिराङला दुक सिक्‍या वे, “जम्‍बुलिङकी तिङ्‍मी तुजेला कोन्‍छ्‍योकला मोवा माक्‍यानी खोप्‍रे नोवा मेलोक्‍पाला युनी ख्‍यिराङला मर्च्या कितुप मीतिवा वुङ्‍गितो।”

यहूदा 1:4

च्‍यिलासिसिन ललाइ ललाइ मीतिवा ख्‍यिरा पर्ला खरक्‍पा सोक शुनी वे। तिवी कोन्‍छ्‍योकला मेतेन्‍वी। तमा खोकी दाक्‍पुला कटिन नङ्‍नी दाक्‍पु चाङ्‍मा जोवु तप्‍की दाक्‍पी लाका मेलोवा क्‍यासिनाङ गिवी सिनी मीतिवाला लोप्‍किवी। तोजो तिराङ मिन, येशू ख्रीष्‍टला च्‍यिक राङ वोतुप चोवो ताङ ज्‍यिन्‍दाक सिनी तेपा साङ मिकिवी। तुका मीतिवाला क्‍येन फोकुप कोर्ला गोमाला के कोन्‍छ्‍योककी सुङगी नाङ्‍ला टिनी नोक।

ज्‍यल्‍का 13:14

गोमाला थेन्‍दुप सेम्‍ज्‍येनकी छापला बिन्‍दुप ती ओङ्‍ज्‍येन नेसुर त छ्‍या तेन्‍सिमा जम्‍बुलिङकी मीतिवाला तीकी जिनोक जोसुङ। तमा तीकी गोला म थेन्‍सिनाङ टेकुप सेम्‍ज्‍येन तीला मी तेरीकी तेन ज्‍यितुपला मीतिवाला तीकी कु जो सिनी क बिन्‍सुङ।

ज्‍यल्‍का 2:13

ख्‍यिराङ देतुप ग्‍येसा ति शैतानकी ग्‍येला कितुप दासा यिन सिरुप ति ङला छ्‍या वे। यिन्‍सिनाङ ख्‍यिराङ ङे थोक्‍ला तेपा रम्‍बु क्‍यानी डेकला देसुङ। तमा ख्‍यिराङ देतुप शैतानकी ग्‍येसाला ङे थोक्‍ला खोङ्‍तेर्मु क्‍यानी पङ्‍बु तेरुप एन्‍टिपासला सेसिनाङ ख्‍यिरा ङला तेपा कितुप क्‍युर्नी माज्‍याक।

ज्‍यल्‍का 2:9

ख्‍युरुङ छेटाङला ख्‍येलुप ताङ पेराङ्‍बु वोतुप ति ङला छ्‍या वे। यिने ख्‍युरुङ याङ पेराङ्‍बु मिन, छ्‍युक्‍पु यिन। ख तिराङकी ङ यहूदी यिन सिरुप मीतिवी ख्‍यिराङला क्‍येन बिन्‍नी ख्‍यिरा तेन्‍दोकला लावु साङ ङला छ्‍या वे। तिवा ति शैतानकी छ्‍योक्‍पाकी मीतिवा यिन।

ज्‍यल्‍का 3:8

ख्‍योरो लाकातिवा ङला छ्‍या वे। ल्‍होसा, ख्‍योरो चिप्‍ला ङे गो पेनी ज्‍याङ वे, ती गो ति सी साङ च्‍ये मुथुपी। ख्‍युरुङला ङार अला मेसिनाङ ङे सुङला सिक्‍यावु दोके मिजी क्‍याङ वे, तमा ङे मिङ हाक्‍माको सिनी सिमाक्‍या वे।

ज्‍यल्‍का 5:9

तिवा दुक सियी लु सम्‍बा यी लङ्‍गिनोक, “ख्‍युरुङ दी शुकी बिटप लङ्‍गुप ताङ तीकी लज्‍युरतिवा तोल छ्‍योवु वे। ख्‍युरुङ सेतुप यिन, यिन्‍सिनाङ शेप ने ङोसु लानी ख्‍योरे ठककी गोङ तेनी कोन्‍छ्‍योककी थोक्‍ला तेरी गिपा ताङ ग्‍येताम ताङ मिरिककी मीतिवा ताङ लुङ्‍बाला ङ्‍योसुङ।

ज्‍यल्‍का 6:10

तिवा ति “ओ चाङ्‍मा ताङ टेङ्‍बु वोतुप चोछ्‍येवु चोवो, नम पेला सेक ख्‍योरे दी जम्‍बुलिङला लुनी वोतुपतिवाला ठिम क्‍या नङ्‍गुप ताङ ङ्‍यिराङला सेतुप छ्‍येर्पा ति मलाङ्‍गिवी?” सिनी कशेन च्‍यार ग्‍यप्‍सुङ।