२ पत्रुस 1:9 - कोन्छ्‌योककी सुङ

⁹ यिने ती ताम्‍ङेतिवा ख्‍यिरा मिजीला मेसुङ सिसिन थाक्‍रिङ्‍बोला वोतुप च्‍यालक मोथोङ्‍गुप ताङ मिक शर्वा दोके गल्‍नी गोमाला क्‍यावु दिक्‍पा ने थरुप ताम्‍ङेतिवा साङ टोक ज्‍येकिवी।

२ पत्रुस 1:9 Iomraidhean Croise

मर्कूस 10:21

तमा येशूकी तीला ल्‍हानी ङ्‍यिङ्‍ज्‍ये लानी सुङ्‍सुङ, “तरोङ साङ ख्‍युरुङला ताम्‍ङे च्‍यिक ङ्‍युङ्‍मु वे। त गल्‍नी ख्‍योरे मुला वोतुप ति तेरी चोनी पेराङ्‍बुतिवाला बिन। तुक क्‍यासिन ख्‍युरुङला देवाच्‍येनकी नोर थोप्‍किवी। तमा वानी ङे तिङ्‍ला तिङ्‍यो।”

लूका 18:22

ती थोसिमा येशूकी तीला सुङ्‍सुङ, “ख्‍युरुङला तरोङ साङ ताम्‍ङे च्‍यिक ङ्‍युङ्‍मु वे। ख्‍योरो मुला वोतुप टोङ्‍बातिवा तेरी चोनी पेराङ्‍बुतिवाला गोनी बिन। तुक क्‍यासिन ख्‍युरुङला देवाच्‍येनला टोङ्‍बा थोप्‍किवी। तमा वानी ङे तिङ्‍ला तिङ्‍योक।”

रोमी 6:11

तुक राङ क्‍यानी ख्‍यिराङ साङ दाक दाक्‍पी दिक्‍पी थोक्‍ला शेप यिन, यिने त याङ येशू ख्रीष्‍ट ताङ मुला राङ कोन्‍छ्‍योककी थोक्‍ला सेन्‍बु लावु यिन सिनी नासाम तोङ गोकिवी।

गलाती 5:13

ङे अच्‍युनुपतिवा, कोन्‍छ्‍योककी ख्‍यिराङला कताङ नङ्‍गुप तेन्‍दोक ति ख्‍यिराङला रङ्‍ज्‍येन नङ्‍गुपला यिन। तुक क्‍यानी ख्‍यिराङ दिक्‍पा कितुप क्‍युर्नी च्‍यिककी च्‍यिकला ङ्‍यिङ्‍ज्‍ये क्‍यानी शब्‍ज्‍यी की।

गलाती 5:6

दाक्‍पु ख्रीष्‍टला तेपा क्‍यासिन च्‍येतुप लुक्‍सु तेन्‍सिनाङ मातेन्‍सिनाङ काङ साङ ख्‍येपर मे, यिने ताम्‍ङे च्‍यिक ति काङ यिन सिसिन ङ्‍यिङ्‍ज्‍ये नेसुर दाक्‍पी मिजीला तेपा छ्‍या देन गोकिवी।

एफिसी 5:26

खोकी तुक क्‍या नङ्‍गुप ति चर्चला खोकी सुङ नेसुर चाङ्‍मा ताङ टेङ्‍बु जो नाङ्‍शी,

तीतस 2:14

ती ख्रीष्‍टकी राङ दाक्‍पुला रङगी तेरी दुक्‍टातिवा नेसुर थर ज्‍यितुपला खोरे मिजी साङ दाक्‍पी थोक्‍ला नाङ्‍सुङ। तमा लाका ल्‍यामु कितुप खक्‍छ्‍येवु मिरिक जोपला सेम टेङ्‍बु जो नाङ्‍सुङ।

हिब्रू 9:14

नरीकी नरी लुवु कोन्‍छ्‍योककी थु चाङ्‍माकी ओङला खुरुङ राङ क्‍येन मेतुप बुल्‍वा च्‍युङ्‍नी कोन्‍छ्‍योकला बुलुप ख्रीष्‍टकी ठककी याङ मङ छासे क्‍यानी शेप ते क्‍योलुप लाकातिवा नेसुर दाक्‍पी सेम ति टेङ्‍बु जोनी ङोसु वोतुप कोन्‍छ्‍योकला शब्‍ज्‍यी कि थुपुप मोजोवी रो?

१ पत्रुस 3:21

ती छ्‍यु ति तन्‍दा ख्‍यिराङला साङ र्‍होकुप बप्‍तिस्‍माकी थोक्‍ला गोमाला के छ्‍या तेन्‍दुप त यिन। ती बप्‍तिस्‍मा ति जुकी टेमा शलुप मिन, यिने ख्‍यिरा सेम टेङ्‍बुकी कोन्‍छ्‍योक ताङ मुला थाक्‍छ्‍येतुप त यिन। च्‍यिलासिसिन कोन्‍छ्‍योककी येशू ख्रीष्‍टला टुङ्‍गुप नेसुर ङोसु लाङ्‍नी ख्‍यिराङला शेप ने थर च्‍यिसुङ।

१ यूहन्‍ना 1:7

यिने खो ठछ्‍येलीला वोतुप दोके दाक्‍पु साङ खो मुला राङ ठछ्‍येलीला युकिवी सिसिन दाक्‍पु डिक्‍जोम ल्‍यामु च्‍युङ्‍गिवी। तमा खोकी सेवु येशू ग्‍यङ्‍शिङला कल्‍नी तेन्‍दुप ठक नेसुर दाक्‍पी दिक्‍पातिवा तेरी ताकिवी।

ज्‍यल्‍का 3:17

ख्‍यिरा याङ ङ छ्‍युक्‍पु वे, ङला नोर टोङ्‍बा बङी वे, ङला काङ साङ मोगोवी सिवी। यिने ख्‍युरुङला छ्‍या मे, ख्‍युरुङ याङ दुक्‍पा ङ्‍येतुप ताङ ल्‍हासिनाङ ङ्‍यिङ्‍ज्‍ये लङ्‍गुप ताङ पेराङ्‍बु ताङ मिक मोथोङ्‍गुप ताङ पेर्तुङ्‍बा गल वे।