२ पत्रुस 1:7 - कोन्छ्‌योककी सुङ

⁷ कोन्‍छ्‍योककी सुङला युसिमा तेपा कितुप अच्‍युतुपतिवाला च्‍यम्‍बा कि गोकिवी, तेपा कितुप अच्‍युतुपतिवाला च्‍यम्‍बा क्‍यासिमा ङ्‍यिङ्‍ज्‍ये की।

२ पत्रुस 1:7 Iomraidhean Croise

रोमी 12:10

च्‍यिककी च्‍यिकला अच्‍युनुप दोके क्‍यानी ङ्‍यिङ्‍ज्‍ये की। रङला सिनाङ मी यम्‍बाला मङ ताङ्‍देन की।

गलाती 6:10

तुक क्‍यानी च्‍यु वोतुप पेला राङ मी तेरीला लाका ल्‍यामु की। खक्‍छ्‍येवुला तेपा कितुपतिवी मिछाङतिवाला मङ ल्‍यामु कि गोकिवी।

कलस्सी 3:14

दी तेरी सिनाङ मङ खक्‍छ्‍येवुला ख्‍यिराङ च्‍यिककी च्‍यिकला ङ्‍यिङ्‍ज्‍ये की। ख्‍यिराङ च्‍यिककी च्‍यिकला ङ्‍यिङ्‍ज्‍ये क्‍यासिन ख्‍यिरा तेरी सेम ति वुतुङ के च्‍यिक्‍पा राङ च्‍युङ्‍गिवी।

१ थेसलोनिकी 3:12

चुक क्‍यानी ङ्‍यिरा ख्‍यिराङला ङ्‍यिङ्‍ज्‍ये क्‍यावे, तुक राङ क्‍यानी कोन्‍छ्‍योककी ख्‍यिराङला च्‍यिककी च्‍यिकला ताङ मी तेरीला मङ मङ ङ्‍यिङ्‍ज्‍ये कितुप जो नङ्‍शी।

१ थेसलोनिकी 5:15

ख्‍यिराङ सी साङ मेलोक्‍पाकी थोक्‍ला मेलोक्‍पा माकी, यिने च्‍यिककी च्‍यिकला ताङ तेरीला ल्‍यामु कितुप नासाम तोङा।

हिब्रू 13:1

ख्‍यिराङ च्‍यिककी च्‍यिकला रङगी अच्‍युनुपतिवा दोके क्‍यानी ङ्‍यिङ्‍ज्‍ये किसा।

१ पत्रुस 1:22

त ख्‍यिराङ खोकी सुङ टेङ्‍बुला युनी ख्‍यिरा मिजी ति टेङ्‍बु च्‍युङ्‍गुप तप्‍की रङगी अच्‍युनुपतिवाला खोनक्‍पा माक्‍यानी ङ्‍यिङ्‍ज्‍ये कियी वे, तरोङ साङ सेमगी दिङ नेज्‍यु च्‍यिककी च्‍यिकला छासे ङ्‍यिङ्‍ज्‍ये की।

१ पत्रुस 2:17

मी तेरीला ताङ्‍देन की, तेपा कितुप अच्‍युनुपतिवाला ङ्‍यिङ्‍ज्‍ये की, कोन्‍छ्‍योककी थोक्‍ला ज्‍यिवा की, चोछ्‍येवु ग्‍येल्‍वुला ताङ्‍देन की।

१ पत्रुस 3:8

तेरी सिनाङ तिङ्‍ला ङ काङ सिरिन सिसिन, ख्‍यिराङ सेम च्‍यिक्‍पा राङ च्‍युङ्‍गुप ताङ च्‍यिककी च्‍यिकला दुक्‍पाला ख्‍येलुप पेला ङाडेङ तेरुप ताङ ङ्‍यिङ्‍ज्‍ये कितुप ताङ च्‍यम्‍बा कितुप ताङ छ्‍येजु मिकिवु वुङ गोकिवी।

१ यूहन्‍ना 3:14

दाक्‍पुला याङ शेप छ्‍येर्पा मिन, मिजी सम्‍बा थोप्‍नी वे सिरुप ति छ्‍या राङ वे। च्‍यिलासिसिन दाक्‍पी याङ अच्‍युनुपतिवाला ङ्‍यिङ्‍ज्‍ये क्‍या वे। सी खोरो अच्‍युनुपला ङ्‍यिङ्‍ज्‍ये मिकिवे, ती ति शेप ति शितोक लुकिवी।

१ यूहन्‍ना 3:16

ङ्‍यिङ्‍ज्‍ये काङ यिन सिरुप ति चुक क्‍यानी हाक्‍कोकिवी सिसिन, येशू ख्रीष्‍टकी दाक्‍पी थोक्‍ला मिजी नङ्‍गुप ल्‍हासिमा हाक्‍कोकिवी। तुक क्‍यानी दाक्‍पी साङ रङगी अच्‍युनुपतिवी थोक्‍ला मिजी तेर गोकिवी।

१ यूहन्‍ना 4:21

तुक क्‍यानी सी कोन्‍छ्‍योकला ङ्‍यिङ्‍ज्‍ये किवे, तीकी यम्‍बा अच्‍युनुपतिवाला साङ ङ्‍यिङ्‍ज्‍ये कि गोकिवी सिनी खोकी दाक्‍पुला क नङ वे।