२ पत्रुस 1:6 - कोन्छ्‌योककी सुङ

⁶ रिक्‍पा थोप्‍सिमा डेकला दे गोकिवी, डेकला देसिमा हम क्‍या दे गोकिवी, हम क्‍या देसिमा ख्‍यिराङ खोरो सेमगी दिङ नेज्‍युनी कोन्‍छ्‍योककी सुङला युक गोकिवी,

२ पत्रुस 1:6 Iomraidhean Croise

लूका 21:19

ख्‍यिराङ हम क्‍या देसिन ख्‍यिराङला नाम्‍साङ मिशिवु मिजी ङ्‍येकितो।”

लूका 8:15

तमा स ल्‍यामुला ख्‍येलुपतिवा ति दिवा राङ यिन। तिवा सेम टेङ्‍बु ताङ ल्‍यामु क्‍यानी सुङ ङ्‍येन्‍नी ती सुङ ति नरी सेमला ज्‍याक्‍नी हम क्‍यान देनी डेलु गोर्किवी।”

लोमा छ्‍येतिवी लाका 24:25

पावलकी टेङ्‍बु वोतुप ताङ खोरुङला डेकला ज्‍योकुप ताङ ज्‍युक्‍थमाला कोन्‍छ्‍योककी जम्‍बुलिङकी मीतिवाला ठिम क्‍या नङ्‍गुप कोर्ला ताम्‍ङे किसालेन्‍सिन फेलिक्‍स ति ज्‍यिवा क्‍यानी पावलला “तन्‍दा ति ख्‍युरुङ ग्‍युक, खोम वोतुप पेला ङ ख्‍युरुङला लोङ कतोङ्‍गुप्‍नो।” सिनी सिक्‍यासुङ।

रोमी 15:4

तुक क्‍यानी तोङ्‍ला कोन्‍छ्‍योककी सुङला टिवु ताम्‍ङेतिवा दाक्‍पी थोक्‍ला येन्‍देन तेरुप च्‍युङ वे। ती सुङगी नाङ्‍ला वोतुप हम क्‍यानी देतुप ताङ टोङ्‍गु नेसुर दाक्‍पुला रेवा ङ्‍येकिवी।

रोमी 2:7

छेटाङ ख्‍येल्‍सिनाङ हम क्‍यानी लाका ल्‍यामु कितुप ताङ कोन्‍छ्‍योककी थोक्‍ला मोवा ताङ ताङ्‍देन क्‍यानी खोकी मिङला नाम्‍साङ मिशिवु मिजी छोलुपतिवाला खोकी नाम्‍साङ मिशिवु मिजी नङ्‍गिवी।

रोमी 8:25

यिने दाक्‍पु मिककी मोथोङ्‍गुप च्‍यालकला रेवा किवी सिसिन ती रेवा क्‍यावु ति माथोपा सेक हम क्‍यानी गुनी दे गोकिवी।

१ कोरिन्‍थी 9:25

चिर्मु चेपला वुङ्‍गुप मीतिवा तेरी छ्‍यक्‍तक थोपुपला डेकला देनी तालिम किवी। तिवा ना डोप छ्‍यक्‍तक थोपुपला तुक किवी, यिने दाक्‍पु ति नाम्‍साङ ना मोडोवु छ्‍यक्‍तक थोपुपला डेकला देनी तालिम किवी।

२ कोरिन्थी 6:4

बोरु चुका लाका कितुप पेला साङ ङ्‍यिराङ ति कोन्‍छ्‍योकला शब्‍ज्‍यी कितुप मीतिवा यिन्‍दुप छ्‍या देन्‍दुपला छेटाङला ख्‍येल्‍सिनाङ, दुक्‍पाला ख्‍येल्‍सिनाङ, कले ख्‍येल्‍सिनाङ,

गलाती 5:23

कुसु ज्‍यम्‍बु ताङ डेकला देतुप तेरी लाकातिवा वुङ्‍गिवी। तीकी तेन्‍दोकला लङ्‍गुप ति काङ साङ ठिम मे।

कलस्सी 1:11

तमा कोन्‍छ्‍योककी मोवा वोतुप ङार नेसुर ख्‍यिराङ रम्‍बु च्‍युङ्‍गिवी। तुक क्‍यासिन ख्‍यिराङ तेरी ताम्‍ङेला गा क्‍यानी डेकला देतुप ताङ हम क्‍यानी दे थुप्‍किवी।

१ थेसलोनिकी 1:3

च्‍यिलासिसिन दाक्‍पी पपा कोन्‍छ्‍योककी थोङ्‍दाङला ख्‍यिरा लाका खोङ्‍तेर्मु क्‍यावु ताङ मी यम्‍बाला ङ्‍यिङ्‍ज्‍ये क्‍यावु ताङ चोवो येशू ख्रीष्‍टला रेवा क्‍यानी गुन देतुप तप्‍की यिन।

२ थेसलोनिकी 1:4

ख्‍यिराङ चो छेटाङ ताङ शैतानकी खोक्‍पा ल्‍हाप ताम्‍ङेतिवा ख्‍येल्‍सिनाङ येशूला तेपा रम्‍बु क्‍या देतुप ताङ हम क्‍यानी देतुप तप्‍की ङ्‍यिराङ कोन्‍छ्‍योकला तेपा कितुप चर्चकी मीतिवी पर्ला तेके कियी वे।

२ थेसलोनिकी 3:5

कोन्‍छ्‍योककी ख्‍यिराङला चुक क्‍यानी ङ्‍यिङ्‍ज्‍ये क्‍या नङ्‍गुप ताङ ख्रीष्‍टकी चो छेटाङ ख्‍येल्‍सिनाङ हम क्‍या देतुप ति ख्‍यिरा सेमला ल्‍यामो क्‍यानी हाक्‍कोवुला गोमा किशी।

१ तिमोथी 2:10

यिने किताङ नालु ल्‍यामु वुङ गोकिवी। तुक कितुप ति कोन्‍छ्‍योकला मोवा कितुप पुम्‍पेजातिवाला पोमु गिवी।

१ तिमोथी 2:2

तमा ग्‍येल्‍वुतिवा ताङ ग्‍येल्‍वी ओङला लाका कितुप मी छ्‍येतिवा तेरीकी थोक्‍ला साङ मोपोर की। तुक क्‍यासिन दाक्‍पु लोदिमु क्‍यानी कोन्‍छ्‍योकला सोवा देकुप ताङ ल्‍यामु वोतुप मिजी क्‍योङ थुप्‍शी।

१ तिमोथी 3:16

वुतुङ के छ्‍याकला वोतुप दाक्‍पी क्‍यावु तेपाकी तेन्‍दोक ति छासे छ्‍ये वे। “येशू ख्रीष्‍ट ति मी जुजमला दी जम्‍बुलिङला फेप्‍सुङ। तमा कोन्‍छ्‍योककी थु चाङ्‍माकी खोला टेङ्‍बु वोतुप सिनी चिसुङ। खो देवाच्‍येनकी लेन क्‍योलुप थुतिवी पर्ला थोङ्‍सुङ। तमा खोकी कोर्ला लुङ्‍बा लुङ्‍बाला ख्‍याप्‍टाक क्‍यासुङ। जम्‍बुलिङकी मीतिवी खोला तेपा क्‍यासुङ। येलुङ कोन्‍छ्‍योककी खोला ताङ्‍देन ताङ क्‍यानी देवाच्‍येन ने तेक्‍नी फेप्‍सुङ।”

१ तिमोथी 6:11

यिने ख्‍युरुङ ति कोन्‍छ्‍योककी गिपा यिन्‍दुप तप्‍की तुका ताम्‍ङे मेलोवातिवा नासाम माताङ्‍नी टेङ्‍बु ताङ मोवा ताङ तेपा ताङ ङ्‍यिङ्‍ज्‍ये ताङ हम क्‍यानी देतुप ताङ कुसु ज्‍यम्‍बु कितुप छोल।

१ तिमोथी 6:3

दोजो मी ललाइकी येन्‍देन मेटेङ्‍बुतिवा लोप्‍किवी, यिने दाक्‍पी चोवो येशू ख्रीष्‍टकी खक्‍छ्‍येवु सुङ ताङ दाक्‍पी मोवा कि गोवु येन्‍देनकी मुला मिडिकिवी सिसिन,

१ तिमोथी 6:6

यिन्‍सिनाङ सेमला लो दिवु क्‍यानी कोन्‍छ्‍योकला मोवा कितुप ति ख्‍येप्‍साङ यिन।

२ तिमोथी 3:5

मी मिङ्‍गाला ति कोन्‍छ्‍योकला तेपा कितुप दोके जेवी, यिने कोन्‍छ्‍योकला तेपा क्‍यानी वुङ्‍गुप ओङला ति मेङ्‍येन्‍दुप गिवी। तुका मीतिवा नेसुर कुतुक देता।

तीतस 1:1

दी यिकी ति कोन्‍छ्‍योककी लावा ताङ चोवो येशूकी लोमा छ्‍ये ङ पावलकी तङ्‍गुप यिन। कोन्‍छ्‍योककी पेतुपतिवाला टेङ्‍बुला तेपा कि ज्‍यितुप ताङ खोकी रिक्‍पा वोतुप सुङ ति ल्‍यामु क्‍यानी हाक्‍को ज्‍यितुपला कोन्‍छ्‍योककी ङला लोमा छ्‍ये जो नाङ्‍सुङ।

तीतस 1:8

यिने डेन्‍बुला ल्‍यामु कितुप ताङ ङ्‍यिङ्‍ज्‍ये च्‍यङ्‍च्‍यु वोतुप ताङ खुरुङला डेकला देतुप ताङ टेङ्‍बु वोतुप ताङ चाङ्‍मा वोतुप ताङ हम क्‍यानी देतुप ताङ

तीतस 2:2

मी गावातिवाला कुसुमी देतुप ताङ ताङ्‍देन कि छ्‍योवु ताङ खुरुङला डेकला ज्‍योक थुपुप जो। तमा तिवाला तेपा रम्‍बु ताङ ङ्‍यिङ्‍ज्‍ये कितुप ताङ हम क्‍यानी दे थुपुप वुङ गोकिवी सिनी लोप।

हिब्रू 10:36

तमा कोन्‍छ्‍योककी नोवाला वोतुप ति तेरी डुप्‍सिमा खोकी ख्‍यिरा थोक्‍ला थाक्‍छ्‍येन नङ्‍गुप ति थोपुपला ख्‍यिराङ नरी हम क्‍यानी दे गोकिवी।

हिब्रू 12:1

दाक्‍पी गारी गुरीला कोन्‍छ्‍योकला तेपा कितुप कोर्ला पङ्‍बु तेरुप मीतिवा छासे मङ्‍मु वे। तुक क्‍यानी दाक्‍पी मिजीला तोक्‍सा छोकुपतिवा ताङ दाक्‍पुला क्‍येक्‍नी ज्‍योकुप दिक्‍पातिवा क्‍युर ज्‍यकुप, तमा दाक्‍पु लेप गोवु थाकाला तिराङ ल्‍हानी हम क्‍यानी छ्‍योङ्‍बाल ग्‍यकुप।

हिब्रू 6:12

ख्‍यिराङ छेरा माकी, यिने खोला तेपा कितुप ताङ हम क्‍या देनी खोकी थाक्‍छ्‍येन नङ्‍गुप ति थोपुप मीतिवा दोके च्‍युङ्‍शी सिरुप ति ङ्‍यिरा नोवा वे।

हिब्रू 6:15

तमा अब्राहामकी कोन्‍छ्‍योककी कला ङ्‍येन्‍नी हम क्‍यानी गुनी देतुप तप्‍की अब्राहामला खोकी थाक्‍छ्‍येन नङ्‍गुप मोलाम ति तेरी थोप्‍सुङ।

२ पत्रुस 1:3

ओङ छ्‍येवु वोतुप कोन्‍छ्‍योककी दाक्‍पुला मिजी टेङ्‍बु क्‍योङ्‍गुपला गोवु ति तेरी नाङ्‍सुङ। ती मोलाम ति कोन्‍छ्‍योककी मोवा ताङ च्‍यङ्‍च्‍यु सेम्‍बा नेसुर थल्‍माला दाक्‍पुला कताङ नङ्‍गुप यिन सिनी दाक्‍पी हाक्‍कोसिमा खोकी दाक्‍पुला नङ्‍गुप यिन।

२ पत्रुस 3:11

दी तेरी च्‍यालकतिवा ना डिवी सिरुप हाक्‍कोनी ख्‍यिरा मिजी ति चुक क्‍यानी टेङ्‍बु ताङ कोन्‍छ्‍योककी सुङला युक गोकिवी सिरुप ति नासाम तोङ।

ज्‍यल्‍का 1:9

ङ यूहन्‍ना ति ख्‍यिराङ दोके येशू ख्रीष्‍टला तेपा कितुप अच्‍यु यिन। ङ साङ ख्‍यिरा मुला राङ खोकी ग्‍येल्‍खापला दे छ्‍योवु च्‍युङ्‍गुपला छेटाङ दुङल खुरुप ताङ हम क्‍यानी देनी वे। ङे कोन्‍छ्‍योककी सुङ ख्‍याप्‍टाक क्‍यावु ताङ येशू ख्रीष्‍टकी थोक्‍ला पङ्‍बु बिन्‍दुप तप्‍की छ्‍येर्पा बिन्‍नी ग्‍येम्‍छो पर्ला वोतुप पत्‍मोस सिरुप ग्‍येम्‍छो परकी स कम्‍बुला वोतुप पेला

ज्‍यल्‍का 13:10

“दोजो सु चोन्‍खाङला डो गोवु नोके, ती ति चोन्‍खाङला टिनी डिवी। दोजो सुला खुर्पा थ्‍वोनी से गोवु नोके, तीला खुर्पा थ्‍वोनी सेकिवी।” तीकी थोक्‍ला कोन्‍छ्‍योककी गिपातिवा ति हम क्‍यानी देतुप ताङ तेपा रम्‍बु क्‍यानी दे गोकिवी।

ज्‍यल्‍का 14:12

तीकी थोक्‍ला कोन्‍छ्‍योककी कला ङ्‍येन्‍दुप ताङ येशूला तेपा कितुपतिवा डेकला दे गोकिवी।

ज्‍यल्‍का 2:2

ख्‍योरो क्‍यावु लाकातिवा ताङ ख्‍योरो हुर्ताक क्‍यावु ताङ हम क्‍या देतुप ति ङला छ्‍या वे। मी दुक्‍टातिवी थोक्‍ला ख्‍युरुङ हम क्‍या दे मुथुपी। तमा ङ येशूकी लोमा छ्‍ये यिन सिरुप मीतिवाला ख्‍योरो ल्‍यामु मेलोवा ल्हानी तिवा ति लोमा छ्‍ये मिन, यिने जिनोक जोप मी यिन सिनी तेन्‍तेन क्‍यावु साङ ङला तेरी छ्‍या वे।