२ पत्रुस 1:4 - कोन्छ्‌योककी सुङ

⁴ खो ति मोवा ताङ च्‍यङ्‍च्‍यु सेम्‍बा वोतुप तप्‍की दाक्‍पुला छासे चोछ्‍येवु ताङ खक्‍छ्‍येवु ताम्‍ङे थाक्‍छ्‍येन नङ वे। तीकी तेन्‍दोक ति दाक्‍पु दुक्‍टा वोतुप सेम नेसुर वुङ्‍गुप दी जम्‍बुलिङकी नोवा मेलोवा नेसुर थर्नी कोन्‍छ्‍योक दोके टेङ्‍बु वोतुप मिजी क्‍योङ्‍गुपला यिन।

२ पत्रुस 1:4 Iomraidhean Croise

रोमी 9:4

तिवा ति इस्राएलकी मीतिवा यिन। कोन्‍छ्‍योककी तिवाला खोरो पुज्‍युङ जो नाङ्‍सुङ, खोकी तिवाला खोरे मोवा छ्‍या तेन्‍सुङ, खोकी तिवी मुला थाक्‍छ्‍येवु ताम्‍ङे जो नाङ्‍सुङ, मोशा नेसुर ठिम साङ जो नाङ्‍सुङ, खोकी तिवाला यहूदी ल्‍हङाङला सोवा देकुप ताङ थाक्‍छ्‍येन नङ्‍गुप ताम्‍ङे साङ तिवाला राङ नाङ्‍सुङ।

२ कोरिन्थी 1:20

कोन्‍छ्‍योककी थाक्‍छ्‍येन नङ्‍गुप सुङतिवा तेरी ख्रीष्‍टकी ओङला च्‍युङ्‍गिवी। तुक क्‍यानी कोन्‍छ्‍योककी मोवाकी थोक्‍ला ख्रीष्‍ट नेमा दाक्‍पी “आमिन” सिनी सिवी।

२ कोरिन्थी 3:18

तमा दाक्‍पु तेरीकी गुकुर पेतुप ङुतुङला चोवो कोन्‍छ्‍योककी वोसिर ति ठछ्‍येली थोङ्‍गिवी। खो नेसुर वुङ्‍गुप वोसिरकी दाक्‍पुला खो दोके जोनी मङ मङ वोसिर ग्‍यकुप जो नङ्‍गिवी। ती तेरी चोवो कोन्‍छ्‍योककी थु चाङ्‍माकी क्‍यावु यिन।

२ कोरिन्थी 6:17

येलुङ चोवो कोन्‍छ्‍योककी सुङ्‍गिवी, “ती तप्‍की ती दुक्‍टा कितुप मीतिवा नेसुर थेन्‍नी शोक। तमा तिवा नेसुर कुतुक दे। मेचेङ्‍गा वोतुप च्‍यालकतिवा काङ साङ थो मातोङ। तुक क्‍यासिन ङ ख्‍यिराङला सेमला लङ्‍यिन।”

गलाती 3:16

कोन्‍छ्‍योककी अब्राहाम ताङ तीकी गिपाला थाक्‍छ्‍येन नङ्‍गुप पेला “ख्‍योरो गिपातिवाला” सिनी मी बङीला मासुङ, यिने “ख्‍योरो गिपा च्‍यिक राङला” सिनी सुङ्‍नी वे। ती च्‍यिक राङ वोतुप गिपा ति ख्रीष्‍ट यिन।

गलाती 6:8

तुक क्‍यानी ख्‍युरुङ खोरो जुकी थोक्‍ला तिराङ जुकिवी सिसिन ख्‍योरो जु नेसुर मेलोक्‍पा तिराङ ङकिवी, यिने कोन्‍छ्‍योककी थु चाङ्‍माकी थोक्‍ला जुकिवी सिसिन खोकी थु चाङ्‍मा नेसुर नाम्‍साङ मिशिवु मिजीकी थोक्‍ला ङकिवी।

एफिसी 4:13

तमा दाक्‍पु तेरी कोन्‍छ्‌योककी सेवुला तेपा कितुप ताङ खोला ङो शेवुला च्‍यिक राङ च्‍युङ्‍नी ख्रीष्‍टला छाछिङी वोतुप दोके दाक्‍पु साङ खोकी छाछिङीला लेपुप सेक मङ मङ फरिन डिवी।

कलस्सी 3:10

ख्‍यिरा रङगी मिजी सम्‍बा फोनी वे। तुक क्‍यानी ख्‍यिराङ जो नङ्‍गुप कोन्‍छ्‍योककी ख्‍यिरा मिजी साङ खोकी किताङ नालु दोके मङ मङ सम्‍बा जो नङ्‍गिवी। तमा ख्‍यिरा खोकी रिक्‍पाकी कोर्ला ल्‍यामो क्‍यानी हाक्‍कोकिवी।

हिब्रू 12:10

च्‍यिलासिसिन जम्‍बुलिङकी पपी खोप्‍रे नोवाला वोतुप दोके क्‍यानी दाक्‍पुला ङ्‍यिमा चेयी पर सेक लाम ल्‍यामुला युक ज्‍यितुपला छालेन बिन्‍सुङ, यिने कोन्‍छ्‍योककी याङ दाक्‍पु ति खो दोके टेङ्‍बु च्‍युङ थुप्‍शी, तमा दाक्‍पुला ल्‍यामु च्‍युङ्‍शी सिनी छालेन नङ्‍गिवी।

हिब्रू 9:15

तुक क्‍यानी ख्रीष्‍ट ति कोन्‍छ्‍योक ताङ मीतिवी पर्ला थाक्‍छ्‍येतुप ताम्‍ङे सम्‍बाला डिङ तेरुप लाका क्‍या नङ्‍गिवी। खोकी तुक क्‍या नङ्‍गुप ति कोन्‍छ्‍योककी कतङ्‍गुप मीतिवाला नरीकी थोक्‍ला खोकी थाक्‍छ्‍येन नङ्‍गुप मोलाम ति थोप्‍शी सिनी यिन। च्‍यिलासिसिन खो मीतिवी गोमी थाक्‍छ्‍येतुप ठिमला क्‍यावु दिक्‍पा ने थर ज्‍यितुपला टुङ्‍सुङ।

याकूब 1:27

पपा कोन्‍छ्‍योककी थोङ्‍दाङला टेङ्‍बु वोतुप ताङ क्‍येन मेतुप किताङ नालु ति तप्‍रुक ताङ युक्‍सिमतिवाला कतुकारला ख्‍येलुप पेला ल्‍हटे कितुप ताङ दी जम्‍बुलिङकी दुक्‍टा नेसुर खुरुङला राङ कुतुक ज्‍योकुप यिन।

२ पत्रुस 1:1

येशू ख्रीष्‍टकी थोक्‍ला शब्‍ज्‍यी कितुप लोमा छ्‍ये ङ सिमोन पत्रुसकी छ्‍योक नेमा टसी देलेक! दी यिकी ति टेङ्‍बु वोतुप दाक्‍पी कोन्‍छ्‍योक ताङ दिक्‍पा ने थर ज्‍यितुप येशू ख्रीष्‍ट नेमा ङ्‍यिरा दोके खक्‍छ्‍येवु तेपा कितुप मीतिवाला टिवु यिनो।

२ पत्रुस 3:13

यिने दाक्‍पु याङ खोकी थाक्‍छ्‍येन नङ्‍गुप दोके देवाच्‍येन सम्‍बा ताङ जम्‍बुलिङ सम्‍बाकी थोक्‍ला लाम ल्‍हयी वे। ते कोन्‍छ्‍योककी थोङ्‍दाङला टेङ्‍बु वोतुपतिवा तिराङ दे थुप्‍किवी।

२ पत्रुस 3:9

चोवोकी थाक्‍छ्‍येन नङ्‍गुप सुङ ति फिमु क्‍या नङ्‍गिवी सिनी ललाइकी सिक्‍यासिनाङ खो नाम्‍साङ फिमु मिकिवी। यिने मी सु साङ ना मोडोशी, तेरी मीतिवी सेम ग्‍युर्शी सिनी ख्‍यिरा थोक्‍ला खो हम क्‍यानी ज्‍युवु यिन।

१ यूहन्‍ना 2:25

खोकी ख्‍यिराङला थाक्‍छ्‍येन नङ्‍गुप ति ती नाम्‍साङ मिशिवु मिजी यिन।

१ यूहन्‍ना 3:2

ङे ङ्‍यिङ्‍ज्‍येवुतिवा, तन्‍दा दाक्‍पु कोन्‍छ्‍योककी पुज्‍युङपुम यिन। दाक्‍पुला ज्‍युक्‍ला काङ ख्‍येल्‍गिवी सिरुप ति तन्‍दा सेक छ्‍या मे, यिने येशू फेवु पेला खो चुकै नोक सिरुप ति दाक्‍पी मिककी राङ थोङ्‍गिवी। तमा दाक्‍पु खो दोके राङ डिवी।