२ पत्रुस 1:20 - कोन्छ्‌योककी सुङ

²⁰ खक्‍छ्‍येवुला ख्‍यिरा दी ताम्‍ङे ति हाक्‍को गोकिवी, कोन्‍छ्‍योककी सुङला वोतुप लुङ्‍तेम्‍बाकी ताम्‍ङेतिवाला सी साङ दुकै ताङ तुकै यिन सिनी खोरो ओङ्‍ज्‍येन नेमा यम्‍बा ताम्‍ङे सि मुथुपी।

२ पत्रुस 1:20 Iomraidhean Croise

रोमी 12:6

तुक क्‍यानी कोन्‍छ्‍योककी दाक्‍पुला कटिन नेमा नङ्‍गुप ङ्‍येम्‍बा साङ कुतुक कुतुक वे। दोजो खोकी दाक्‍पुला नङ्‍गुप ङ्‍येम्‍बा ति लुङ्‍तेम्‍बाकी लाका यिन्‍सिन कोन्‍छ्‍योककी दाक्‍पुला नङ्‍गुप तेपाकी ओङ नेसुर लुङ्‍तेम्‍बाकी लाका कि गोकिवी

रोमी 13:11

दी ताम्‍ङे ति नासाम तोङ। तसाम पेला चुका तुजे यिन सिरुप ति ख्‍यिराङला छ्‍या राङ वे। त याङ ङ्‍यिलोकुप ने लङ्‍गुप तुजे यिन। च्‍यिलासिसिन दाक्‍पु गोमाला तेपा क्‍यावु पेला सिनाङ तसाम पेला मङ दाक्‍पुला दिक्‍पा ने थरुप ति चिप्‍ला राङ वे।

रोमी 6:6

दाक्‍पी दिक्‍पा वोतुप मिजी ति ना डोशी, तमा येलुङ दाक्‍पु दिक्‍पी ओङला मेख्‍येल्‍शी सिनी दाक्‍पी मिजी ङ्‍यिङ्‍बा ति खो ताङ मुला राङ ग्‍यङ्‍शिङ लोला कल्‍नी शेप यिन सिरुप ति दाक्‍पुला छ्‍या वे।

१ तिमोथी 1:9

ती ठिम ति मी टेङ्‍बुकी थोक्‍ला मिन, यिने ठिमला मुयुकुपतिवा ताङ सिक्‍यावु ताम्‍ङेला मेङ्‍येन्‍दुपतिवा ताङ कोन्‍छ्‍योकला मेतेन्‍दुपतिवा ताङ दिक्‍छेनतिवा ताङ मेटेङ्‍बुतिवा ताङ कोन्‍छ्‍योकला मारे तोङ्‍गुपतिवा ताङ पपाआमा ताङ मी यम्‍बाला सेतुप मीतिवी थोक्‍ला ताङ

२ तिमोथी 3:16

दी तेरी कोन्‍छ्‍योककी सुङ ति खोकी थु चाङ्‍मा नेमा टेङ्‍बु जोवु यिन। दी ति लाप्‍नी तेरुपला ताङ लाका मेलोक्‍पा कितुपतिवाला वोरु देन्‍दुप ताङ ङ्‍येवुतिवाला ल्‍यामु जोप ताङ टेङ्‍बुकी कोर्ला येन्‍देन तेरुपला छासे खक्‍छ्‍येवु वे।

याकूब 1:3

च्‍यिलासिसिन येशूला तेपा क्‍यावु तप्‍की खोक्‍पा ल्‍हापला ख्‍येलुप पेला ख्‍यिराङ मङ मङ हम क्‍या दे थुपुप डिवी सिरुप ति ख्‍यिराङला छ्‍या वे।

२ पत्रुस 3:3

तेरी सिनाङ गोमाला ख्‍यिरा दी ताम्‍ङे ति हाक्‍को गोकिवी। ती ताम्‍ङे ति काङ यिन सिसिन जम्‍बुलिङकी तिङ्‍मी तुजेला खोरो सेमगी नासाम मेलोक्‍पाकी ओङला वोतुप मीतिवी ख्‍यिराङला मर्च्या क्‍यानी दुक सिनी टिवी,