२ पत्रुस 1:19 - कोन्छ्‌योककी सुङ

¹⁹ तुक क्‍यानी कोन्‍छ्‍योककी लुङ्‍तेम्‍बातिवी ङ्‍यिराङला नम्‍दर शेतुप सुङ टेङ्‍बुला साङ ङ्‍यिराङ तेन्‍तेन वे। ती सुङ ति नक्‍तोमीला दिप्‍ली च्‍येतुप दोके यिन। ती दिप्‍ली ति नक्‍तोमी गल्‍नी कर्ज्याङ माशरुप पे सेक बरुप दोके ङ्‍यिरा सेमला ज्‍याक्‍नी ल्‍यामु क्‍यानी हाक्‍कोवा की।

२ पत्रुस 1:19 Iomraidhean Croise

मत्ती 4:16

कोन्‍छ्‍योकला ङो माशेनी दिक्‍पी ओङला देतुपतिवी वोसिर ग्‍येर्पु यी थोङ्‍सुङ। तमा कोन्‍छ्‍योकला ङो माशेनी शेपकी र्‍हिपला देतुपतिवी खला दिक्‍पा ने थर ज्‍यितुप वोसिर यी ग्‍यप्‍सुङ।”

यूहन्‍ना 5:35

यूहन्‍ना ति बर्नी ठछ्‍येली जोप दिप्‍ली दोके यिन, तमा ख्‍यिरा चेयी पर सेक तीकी ठछ्‍येलीला गा क्‍यासुङ।

यूहन्‍ना 5:39

ख्‍यिरा कोन्‍छ्‍योककी सुङ लोपुप ति ती सुङ नेमा नाम्‍साङ मिशिवु मिजी ङ्‍येकिवी सिनी नासाम ताङ्‍नी यिन। तमा ती सुङगी ङे कोर्ला पङ्‍बु तेर्किवी।

यूहन्‍ना 8:12

येलुङ येशूकी मीतिवाला “ङ जम्‍बुलिङकी मीतिवाला मिजी तेरुप वोसिर यिन। ङला तिङ्‍योकुपतिवा तफेन्‍ला नक्‍तोमीला मुयुकिवी, यिने तिवाला मिजी तेरुप वोसिर थोप्‍किवी।” सिनी सुङ्‍सुङ।

लोमा छ्‍येतिवी लाका 15:29

ती ताम्‍ङे ति काङ यिन सिसिन, ख्‍यिराङ ल्‍हला पुलुप च्‍यालक ताङ ज्‍यिङ्‍बा बाक्‍यम तङ्‍नी सेतुप सेम्‍ज्‍येनकी श ताङ ठक साप ताङ शम्‍डेन कितुप लाकातिवा माक्‍यानी देसुङ सिसिन ख्‍यिराङला ल्‍यामु गितो। हारिङ ति दोजोयी राङ गोङ्‍बा शोप्‍नो।”

लोमा छ्‍येतिवी लाका 17:11

तेकी यहूदीतिवा ति थेसलोनिके यहूदीतिवा सिनाङ हाक्‍कोमु नोक। तुक क्‍यानी तिवा पावलकी ख्‍याप्‍टाक कितुप पेला सेम गा क्‍यानी ङ्‍येन्‍गिनोक। तमा येशूकी कोर्ला तिवी बिन्‍दुप येन्‍देन ति टेङ्‍बु यिन्‍ताङ मिन्‍ताङ सिनी ङ्‍यिमी टेङ कोन्‍छ्‍योककी सुङ लोप्‍किनोक।

हिब्रू 2:2

तोङ्‍ला देवाच्‍येनकी लेन क्‍योलुप थुतिवी दाक्‍पी हङ्‍गावातिवाला सिक्‍यावु सुङ ति वुतुङ के टेङ्‍बु च्‍युङ्‍सुङ। तमा ती सुङला मेङ्‍येन्‍दुप ताङ ती सुङला मुयुकुपतिवाला ङ्‍ये गोवु पर्च्या ति ङ्‍येसुङ।

याकूब 2:8

कोन्‍छ्‍योककी सुङला साङ “खोरो युल्‍वातिवाला रङला दोके ङ्‍यिङ्‍ज्‍ये की।” सिनी टि वे। वुतुङ के ख्‍यिरा ती कोन्‍छ्‍योककी सुङला वोतुप खक्‍छ्‍येवु कला ङ्‍येन्‍सुङ सिसिन ख्‍यिरा ल्‍यामु राङ क्‍यावु यिन।

१ पत्रुस 1:10

ती थर्वाकी थोक्‍ला कोन्‍छ्‍योककी लुङ्‍तेम्‍बातिवी साङ ल्‍यामो क्‍यानी हाक्‍कोवु छाल्‍सुङ। तमा तिवी कोन्‍छ्‍योककी ख्‍यिराङला थर्वा नङ्‍गुप कटिनकी कोर्ला नम्‍दर शेसुङ।

१ यूहन्‍ना 5:10

सी कोन्‍छ्‍योककी सेवुला तेपा किवे, तीकी सेमला ति पङ्‍बु ज्‍यकुप गिवी। यिने कोन्‍छ्‍योककी सेवुला तेपा मिकिवु तीकी खोला मेटेङ्‍बु जोवु गिवी। च्‍यिलासिसिन कोन्‍छ्‍योककी खोरे सेवुकी कोर्ला पङ्‍बु नङ्‍गुप ताम्‍ङेला तीकी तेपा मिकिवी।

३ यूहन्‍ना 1:6

तिवा वानी तेपा कितुपतिवी पर्ला ख्‍योरो ङ्‍यिङ्‍ज्‍ये क्‍यावु ताम्‍ङेकी कोर्ला पङ्‍बु बिन्‍सुङ। तुक क्‍यानी तिवा लोक्‍नी वुङ्‍गुप पेला साङ ख्‍योरो कोन्‍छ्‍योककी थोङ्‍दाङला तिवाला ल्‍यामो क्‍यानी दाल्‍जा किसा।

ज्‍यल्‍का 2:28

ङ तीला टोपकी कर्मा साङ तेरिनो।

ज्‍यल्‍का 22:16

“ङ येशू यिन, ङे राङ दी ताम्‍ङेतिवा चर्चतिवाला पङ्‍बु तेरुपला ङरा लेन क्‍योलुप थुतिवा तिवी ते तङ्‍गुप यिन। ङ ग्‍येल्‍वु दाऊदकी गिपा नेसुर वावु मी यिन, टोपला शरुप वो ग्‍यकुप कर्ज्याङ साङ यिन।”