२ पत्रुस 1:17 - कोन्छ्‌योककी सुङ

¹⁷ पपा कोन्‍छ्‍योककी चोवो येशूला ठछ्‍येली वोतुप मोवा नेमा “दी ङे ङ्‍यिङ्‍ज्‍येवु पुज्‍युङ यिनो, दीकी मुला ङ छासे गा लानी वोतो।” सिनी वोरु ग्‍यकुप पेला खोकी नङ्‍गुप ताङ्‍देन ताङ मोवा ति येशूला थोप्‍सुङ।

२ पत्रुस 1:17 Iomraidhean Croise

मत्ती 12:18

“ङे थोक्‍ला पेतुप लावा ति दी राङ यिन। दी ति ङे ङ्‍यिङ्‍ज्‍येवु यिन। दीकी मुला ङ छासे गा लानी वे। ङ ङे थु चाङ्‍मा ति दीला तेरिन। तमा दीकी तेरी मिरिककी मीतिवाला ङे ठिम टेङ्‍बुकी थोक्‍ला ख्‍याप्‍टाक किवी।

मत्ती 17:3

ती पेला शार्क्येक मोशा ताङ एलिया छ्‍यर्नी येशूकी मुला अरा उरा सिक्‍यावु ति लोमातिवी थोङ्‍सुङ।

मत्ती 17:5

पत्रुसकी तुक सियी वोतुप पेला छासे वो ग्‍यकुप मुक्‍पाकी छुप्‍नी तिवाला उप्‍सुङ। तमा मुक्‍पी पर नेमा “दी ङे ङ्‍यिङ्‍ज्‍येवु पुज्‍युङ यिनो, दीकी मुला ङ छासे गा लानी वे। ख्‍यिराङ दीकी ताम्‍ङे ङ्‍येना।” सिरुप वोरु यी ग्‍यप्‍सुङ।

मत्ती 28:19

ती तप्‍की ख्‍यिराङ गल्‍नी लुङ्‍बा तेरीकी मिरिकतिवाला ङे लोमा जो, तमा पपा कोन्‍छ्‍योक ताङ पुज्‍युङ ताङ खोकी थु चाङ्‍माकी मिङला तिवाला बप्‍तिस्‍मा बिन।

मत्ती 3:17

ती पेला देवाच्‍येन नेमा “दी ति ङे ङ्‍यिङ्‍ज्‍येवु पुज्‍युङ यिनो। ङ दीकी मुला छासे गा लानी वे।” सिरुप वोरु यी ग्‍यप्‍सुङ।

मर्कूस 1:11

तमा देवाच्‍येन नेमा दुका वोरु यी ग्‍यप्‍सुङ, “ख्‍युरुङ ङे ङ्‍यिङ्‍ज्‍येवु पुज्‍युङ यिन। ङ ख्‍योरो मुला छासे गा वे।”

मर्कूस 9:7

ती पेला राङ मुक्‍पा छुप्‍नी तिवाला उप्‍सुङ। तमा मुक्‍पी नाङ नेमा “दी ति ङे ङ्‍यिङ्‍ज्‍येवु पुज्‍युङ यिन। ख्‍यिराङ दीकी ताम्‍ङेला ङ्‍येना।” सिरुप वोरु यी थेन्‍सुङ।

लूका 10:22

ङे पपी ङला तेरी ताम्‍ङे चेक तेन नाङ्‍सुङ। पपी मिसिन पुज्‍युङ सु यिन सिनी सी साङ ङो मेशेवी। तमा पुज्‍युङ ताङ पुज्‍युङकी पपाला ङो शे ज्‍यितुपला पेतुपतिवी मिसिन पपा सु यिन सिनी सी साङ ङो मेशेवी।”

लूका 3:22

ती पेला कोन्‍छ्‍योककी थु चाङ्‍मा ति गम्‍देर दोके क्‍यानी खोकी खला पाप्‍सुङ। तमा देवाच्‍येन नेमा “ख्‍युरुङ ङे ङ्‍यिङ्‍ज्‍येवु पुज्‍युङ यिन, ख्‍योरो मुला ङ छासे गा ला वे।” सिरुप वोरु यी वासुङ।

यूहन्‍ना 10:15

ती ति पपी ङला ङो शेवु ताङ ङे पपाला ङो शेवु दोके यिन। ङ रङगी लुकतिवी थोक्‍ला शि राङ गोसिनाङ शिवी।

यूहन्‍ना 10:36

तुकै यिन्‍सिन पपी पेनी दी जम्‍बुलिङला तङ्‍गुप तीकी ‘ङ कोन्‍छ्‍योककी पुज्युङ यिन।’ सिनी सिक्‍यावु ताम्‍ङेला ख्‍यिरा च्‍यिला दीकी कोन्‍छ्‍योकला मारे तङ्‍गुप यिन सिनी क्‍येन बिन्‍दुप यिन?

यूहन्‍ना 14:11

ङ पपी मुला वे, पपा ङे मुला ज्‍यु वे सिनी ङे सिक्‍यावु ताम्‍ङेला ख्‍यिराङ तेपा की। मिसियाङ ङे क्‍यावु लाकातिवा ल्‍हानी ती लाकाला तेपा की।

यूहन्‍ना 14:6

येशूकी तीला सुङ्सुङ, “लाम ताङ टेङ्‍बु ताङ मिजी ति ङ राङ यिन। ङ नेसुर मिसिन सु साङ पपी ते डो मुथुपी।

यूहन्‍ना 17:21

ओ पपा, पपा ङे मुला वोतुप ताङ ङ पपी मुला वोतुप दोके तिवा तेरी च्‍यिक राङ च्‍युङ्‍नी तिवा साङ दाक्‍पी मुला राङ च्‍युङ्‍शी, तमा पपी ङला तङ्‍गुप यिन सिरुप ति जम्‍बुलिङकी मीतिवी तेपा किशी।

यूहन्‍ना 20:17

तमा येशूकी तीला “ङला जिम जिम्‍वा माज्‍योक, च्‍यिलासिसिन ङ तरोङ साङ पपी चाला लोक्‍नी मागल वे। यिने ख्‍युरुङ ङे लोमातिवी चाला गल्‍नी ख्‍यिरा पपा यिन्‍दुप ङे पपा, ख्‍यिरा कोन्‍छ्‍योक यिन्‍दुप ङे कोन्‍छ्‍योककी ते ङ लोक्नी डोयी वे सिनी लोप।” सिनी सुङ्‍सुङ।

यूहन्‍ना 3:35

पपा कोन्‍छ्‍योककी खोरे सेवुला ङ्‍यिङ्‍ज्‍ये क्‍या नाङ्‍नी तेरी ओङ्‍ज्‍येन ति खोला चेक तेन नाङ्‍सुङ।

यूहन्‍ना 5:20

पपी खोरो पुज्‍युङला ङ्‍यिङ्‍ज्‍ये क्‍यानी खोकी क्‍या नङ्‍गुप लाकातिवा तेरी खोरो पुज्‍युङला छ्‍या देन्‍गिवी। यिन, खोकी ती सिनाङ मङ लाका ग्‍येर्पुतिवा खोरो पुज्‍युङला छ्‍या तेन नङ्‍गिवी, ती थोङ्‍नी ख्‍यिराङ हलेवा लङ्‍गितो।

यूहन्‍ना 5:26

पपा खोरे मुला मिजी वोतुप दोके खोकी खोरे पुज्‍युङला साङ मिजी वोतुप जो नाङ्‍सुङ।

यूहन्‍ना 6:27

ख्‍यिराङ रुल्‍नी डोप समी थोक्‍ला लाका माकी, बोरु नाम्‍साङ मिशिवु मिजी तेरुप समी थोक्‍ला लाका की। ती मिजी ति ङ मी पुज्‍युङकी ख्‍यिराङला तेर्किवी, च्‍यिलासिसिन पपा कोन्‍छ्‍योककी ती मिजी तेरुप ओङ ति ङला नाङ्‍सुङ।”

यूहन्‍ना 6:37

ङे पपी ङला चेक तेन नङ्‍गुप मीतिवा तेरी ङे ते वुङ्‍गिवी, तमा ङे ते वुङ्‍गुपतिवाला ङ नाम्‍साङ लोक्‍नी मोतोङ।

यूहन्‍ना 6:39

ङला तोङ्‍गुप खोकी नोवा ति खोकी ङला चेक तेन नङ्‍गुपतिवा सु साङ मोतोर्शी, यिने जम्‍बुलिङकी तिङ्‍मी तुजेला तिवा तेरी सेन्‍बु लङ ज्‍यितुपला यिन।

रोमी 15:6

तमा ख्‍यिराङ तेरी सेम च्‍यिक्‍पा राङ च्‍युङ्‍गुप ताङ ख च्‍यिक क्‍यानी दाक्‍पी चोवो येशू ख्रीष्‍टकी पपा कोन्‍छ्‍योकला सोवा देक थुप्‍शी।

२ कोरिन्थी 1:3

दाक्‍पी चोवो येशू ख्रीष्‍टकी पपा कोन्‍छ्‍योकला सोवा वुङ्‍शी। खो ति च्‍यम्‍बा ताङ टोङ्‍गु तेरी नङ्‍गुप कोन्‍छ्‍योक यिन।

२ कोरिन्थी 11:31

चोवो येशूकी पपा कोन्‍छ्‍योकला नरीकी नरी सोवा वुङ्‍शी। ङे नाम्‍साङ जिनोक मोजोयी सिरुप ति खोला छ्‍या वे।

हिब्रू 1:3

खोकी सेवुकी कोन्‍छ्‍योककी मोवा छासे चोछ्‍येवु वोतुप ति छ्‍या देन्‍गिवी, तमा खो ति वुतुङ के कोन्‍छ्‍योक दोके राङ यिन। खोकी खोरो ङार छ्‍येवु सुङ नेसुर राङ स ताङ नामगी तेरी च्‍यालकतिवी खला ग्‍येला किवी। मीतिवाला दिक्‍पा ने थरुप लाका सिन्‍सिमा खो देवाच्‍येनला चोछ्‍येवु कोन्‍छ्‍योककी छ्‍याक यावी थाकाला ज्‍यु वे।

२ यूहन्‍ना 1:3

दाक्‍पु कोन्‍छ्‍योककी ङ्‍यिङ्‍ज्‍ये ताङ टेङ्‍बु काङ यिन सिनी हाक्‍कोवु तिवाला पपा कोन्‍छ्‍योक ताङ खोकी सेवु येशू ख्रीष्‍ट नेसुर कटिन ताङ च्‍यम्‍बा ताङ लोदिमु ति नरी वुङ्‍शी।

यहूदा 1:1

टसी देलेक! ङ यहूदा ति याकूबकी नुप ताङ येशू ख्रीष्‍टला शब्‍ज्‍यी कितुप मी यिन। ङे छ्‍योक नेसुर कोन्‍छ्‍योककी कताङ नङ्‍नी ङ्‍यिङ्‍ज्‍ये क्‍या नङ्‍गुप ताङ येशू ख्रीष्‍टकी र्‍होकुप मीतिवाला दी यिकी ति टिवु यिनो।