२ पत्रुस 1:16 - कोन्छ्‌योककी सुङ

¹⁶ ङ्‍यिरा ख्‍यिराङला चोवो येशू ख्रीष्‍ट चोछ्‍येवु वोतुप ताङ खो येलुङ फेवु कोर्ला लेन ल्‍यामु ख्‍याप्‍टाक क्‍यावु ति टेङ्‍बु मेतुप जिनोक जोप पे मिन, यिने ङ्‍यिरा वुतुङ के मिककी थोङ्‍गुप खोकी मोवाकी कोर्ला पङ्‍बु बिन्‍दुप यिन।

२ पत्रुस 1:16 Iomraidhean Croise

मत्ती 16:27

ङ मी पुज्‍युङ ङे पपी मोवा थोप्‍नी देवाच्‍येनकी लेन क्‍योलुप थुतिवी मुला लोक्‍नी वुङ्‍गिवी, ती पेला तेरी मीतिवा रे रेकी काङ क्‍यावे, तीकी क्‍यावु दोके राङ ङ छ्‍यक्‍तक तेर्किवी।

मत्ती 16:28

वुतुङ के ङ ख्‍यिराङला सिरिन, दे लानी वोतुपतिवी पर्ला ललाइकी ङ मी पुज्‍युङ खोरो ग्‍येल्‍खापला ग्‍येला कितुपला वुङ्‍गुप माथोङ्‍वा सेक्‍ला मिशिवी।”

मत्ती 17:1

तेमी ङ्‍यिमा टुककी तिङ्‍ला येशूकी पत्रुस ताङ याकूब ताङ तीकी नुप यूहन्‍नाला खोरो मुला टिनी री थेन्‍बो यी ने केला फेप्‍सुङ।

मत्ती 24:27

च्‍यिलासिसिन शरकी थाकाला चिलाम ग्‍यप्‍सिन नुपकी थाकाला सेक ठछ्‍येली थोङ्‍गुप दोके मी पुज्‍युङ वुङ्‍गुप साङ तुकै राङ डितो।

मत्ती 24:3

तेसुर येशू जैतुन पम्‍दोकला ज्‍यु वोतुप पेला लोमातिवा खरक्‍पा सोक सिरा खोकी चाला वानी, “ओ चोवो, ङि्‍यराङला सुङ्‍नी, ती ताम्‍ङे नम पेला च्‍युङ्‍गिवी? तमा चोवो फेवु तुजे ताङ जम्‍बुलिङकी तिङ्‍मी तुजेला चुका ततिवा च्‍युङ्‍गिवी?” सिनी खोला टिसुङ।

मत्ती 28:18

तमा येशू तिवी चाला राङ फेप्‍नी तिवाला दुक सुङ्‍सुङ, “जम्‍बुलिङ ताङ देवाच्‍येनकी तेरी ओङ्‍ज्‍येन ति कोन्‍छ्‍योककी ङला नङ वे।

मर्कूस 13:26

ती पेला मीतिवी ङ मी पुज्‍युङला ओङ ग्‍येर्पु ताङ मोवा थोप्‍नी नामगी मुक्‍पी खला वुङ्‍गुप थोङ्‍गिवी।

मर्कूस 14:62

येशूकी सुङ्‍सुङ, “यिन, ती ति ङ राङ यिन। मी पुज्‍युङ चोछ्‍ये वोतुप कोन्‍छ्‍योककी यावी थाकाला देतुप ताङ देवाच्‍येन नेमा मुक्पी ख नेमा वुङ्‍गुप ति ख्‍यिरा थोङ्‍गितो।”

लूका 1:2

तिवी ती च्‍युङ्‍गुप ताम्‍ङेतिवा थल्‍मा नेज्‍युन खोरो मिककी थोङ्‍गुप ताङ कोन्‍छ्‍योककी सुङ ख्‍याप्‍टाक कितुपतिवा नेसुर ङ्‍यिरा थोवु दोके टि वे।

लूका 9:43

तमा मीतिवा कोन्‍छ्‍योककी चोछ्‍येवु वोतुप ओङ थोङ्‍नी तेरी हलेवा क्‍यासुङ। तमा तेरी मीतिवा येशूकी क्‍या नङ्‍गुप लाका थोङ्‍नी हलेवा कियी वोतुप पेला खोकी खोरे लोमातिवाला सुङ्‍सुङ,

यूहन्‍ना 1:14

तमा ती सुङ ति मी जुजमला दाक्‍पी पर्ला ज्‍युसुङ। खोकी मोवा ङ्‍यिरा थोङ्‍सुङ, तमा ती मोवा ति कोन्‍छ्‍योककी च्‍यिक राङ वोतुप खोकी सेवुकी मोवा यिनोक। खो ति छासे कटिन ताङ टेङ्‍बुकी क्‍येङ नोक।

यूहन्‍ना 17:2

पपी ङ पुज्‍युङला जम्‍बुलिङकी मीतिवा तेरीला ओङ्‍ज्‍येन कितुप ओङ नाङ्‍सुङ। ती ति पपी ङ पुज्‍युङला तेपा कि च्‍यितुप मीतिवा तेरीला ङ नेसुर नाम्‍साङ मिशिवु मिजी थोप्‍शी सिनी यिन।

रोमी 1:4

तमा खो ति कोन्‍छ्‍योककी थु चाङ्‍माकी ताम्‍ङे कितुप पेला टुङ्‍गुप मीतिवी नाङ ने ङोसु लानी ङार छ्‍येवु कोन्‍छ्‍योककी सेवु सिनी पङ्‍बु छ्‍या तेन्‍दुप दाक्‍पी चोवो येशू ख्रीष्‍ट यिन।

१ कोरिन्‍थी 1:17

च्‍यिलासिसिन ख्रीष्‍टकी ङला मीतिवाला बप्‍तिस्‍मा तेरुपला मिन, लेन ल्‍यामु ख्‍याप्‍टाक कितुपला तङ्‍गुप यिन। ती लेन ल्‍यामु ख्‍याप्‍टाक क्‍यावु ति जम्‍बुलिङकी रिक्‍पाकी ताम्‍ङे नेमा मिन। दोजो ङे जम्‍बुलिङकी रिक्‍पा नेमा ख्‍याप्‍टाक क्‍यावु यिन्‍सिन ख्रीष्‍ट ग्‍यङ्‍शिङला टुङ्‍गुप ति तेर्मे जोवु यिन।

१ कोरिन्‍थी 1:23

यिन्‍सिनाङ ङ्‍यिराङ ति ग्‍यङ्‍शिङला कल्‍नी टुङ्‍गुप येशू ख्रीष्‍टकी कोर्ला सुङ ख्‍याप्‍टाक किवी। ती सुङ ङ्‍येन्‍दुप पेला यहूदीतिवी दी ताम्‍ङे ति कोन्‍छ्‍योकला मारे तोङ्‍गुप यिन सिनी सिवी, ग्रीकतिवी दी ताम्‍ङे ति फेन मोथोवु यिन सिनी सिवी।

१ कोरिन्‍थी 1:7

तुक क्‍यानी ख्‍यिराङ दाक्‍पी चोवो येशू ख्रीष्‍ट लोक्‍नी फेवु तुजेला गुनी देतुप तप्‍की कोन्‍छ्‍योककी ख्‍यिराङला खोकी थु चाङ्‍माकी नङ्‍गुप ङ्‍येम्‍बा साङ बङी नङ्‍गिवी।

१ कोरिन्‍थी 2:1

अच्‍युनुपतिवा, ङ ख्‍यिरा ते वानी कोन्‍छ्‍योककी थोक्‍ला पङ्‍बु तेरुप पेला ताम्‍ङे ग्‍येर्पु ग्‍येर्पु क्‍यानी छासे रिक्‍पा वोतुप मीतिवी दोके ख्‍याप्‍टाक माक्‍या।

१ कोरिन्‍थी 2:4

ङे ख्‍याप्‍टाक क्‍यावु सुङ ताङ टोङ्‍गु बिन्‍दुप ति जम्‍बुलिङकी च्‍यु ताङ रिक्‍पा नेसुर मिन, यिने कोन्‍छ्‍योककी थु चाङ्‍माकी ओङ ताङ ङार नेमा क्‍यावु यिन।

१ कोरिन्‍थी 5:4

ख्‍यिराङ दाक्‍पी चोवो येशूकी मिङला जोम्‍बुप पेला ङे सेम साङ ख्‍यिरा पर्ला राङ गिवी। तमा दाक्‍पी चोवो येशूकी ओङ साङ ते गिवी।

२ कोरिन्थी 2:17

मी यम्‍बी दोके ङ्‍यिरा ति कोन्‍छ्‍योककी सुङला ख्‍येमु वोतुप च्‍यालक छोङ कितुप मी दोके मिन। बोरु ङ्‍यिराङ याङ कोन्‍छ्‍योककी तङ्‍गुप तप्‍की खोकी थोङ्‍दाङला ख्रीष्‍टकी थोक्‍ला ताम्‍ङे टेङ्‍बु तिराङ सिवी।

२ कोरिन्थी 4:2

ङ्‍यिराङ तेरी परकी छ्‍याकला वोतुप ताङ ङोछा लङ्‍गुप लाका मेलोवातिवा नाम्‍साङ मिकिवी। तमा जिनोक जोप ताङ कोन्‍छ्‍योककी सुङ ति कुतुक जोप साङ मिकिवी। यिने टेङ्‍बु वोतुप सुङ तिराङ ख्‍याप्‍टाक क्‍यानी कोन्‍छ्‍योककी थोङ्‍दाङला तेरी मीतिवी सेमला ङ्‍यिराङ टेङ्‍बु यिन सिरुप तेन्‍तेन किवी।

एफिसी 4:14

तुक क्‍यानी दाक्‍पु मीतिवी जिनोक ताङ दुक्‍टा ताङ नम्‍बा कुतुककी येन्‍देन मेटेङ्‍बुला फार छुर युकुप आङातिवा दोके मोडोशी।

फिलिप्पी 3:21

खोकी ङारकी राङ जम्‍बुलिङला वोतुप तेरी च्‍यालकतिवा खोकी ओङला ज्‍योक थुप्‍किवी। तमा खोकी ओङ नेमा राङ दाक्‍पी रुलुप जु ति खोकी मोवाला वोतुप जु दोके सम्‍बा फो ज्‍यिकिवी।

१ थेसलोनिकी 2:19

च्‍यिलासिसिन चोवो येशू फेपुप पेला खोकी दोङ्‍ला ङ्‍यिरा रेवा ताङ लोदिमु ताङ तेके क्‍यावु उशाक ति काङ ख्‍यिराङ राङ मिन रो?

२ थेसलोनिकी 2:9

ती दुक्‍टाकी गिपा ति शैतानकी ओङ नेसुर वुङ्‍गुप पेला तीकी मीतिवाला मेटेङ्‍बु वोतुप जिम्‍डुल ताङ त ताङ हलेवु लाकातिवा छ्‍या देन्‍दुप ताङ

१ तिमोथी 1:4

तमा तिवाला यहूदी गिपाकी पगावा हङ्‍गावाकी काङ काङ क्‍यासुङ, तिवा सु सु यिन सिरुप कोर्ला साङ ङ्‍याम अला माकी सिनी क तेरुपला यिन। च्‍यिलासिसिन तुक क्‍यावु ति कोन्‍छ्‍योककी खोरे नोवाला क्‍यावु लाकाकी थोक्‍ला ताम्‍ङे कितुप सिनाङ केवुल तिराङ क्‍यावु यिन।

१ तिमोथी 4:7

कोन्‍छ्‍योकला मोवा मेतुप ताङ तेन्‍दोक मेतुप पेतिवा नेसुर ख्‍युरुङ कुतुक दे। तमा खोला मोवा कितुपला तालिम की।

तीतस 1:14

तमा यहूदीतिवी जोवु फेन मोथोवु पे ताङ ताम्‍ङे मेटेङ्‍बु कितुप मीतिवी योक कुतुप ताम्‍ङेला तिवा ङ्‍याम मिकिशी।

२ पत्रुस 2:3

तिवा देर्पाला ख्‍येल्‍नी ख्‍यिराङला ताम्‍ङे जिनोक जोनी ख्‍यिरा नेसुर ख्‍येप्‍साङ लङ्‍गितो, यिने तिवी खुर गोवु छ्‍येर्पाकी कोर्ला गोमाला के तेन्‍तेन क्‍या वे। तुक क्‍यानी तिवा वुतुङ के ना डिवी।

१ यूहन्‍ना 4:14

ङ्‍यिरा थोङ्‍गुप पङ्‍बु ति काङ यिन सिसिन, कोन्‍छ्‍योककी खोरे सेवु साङ जम्‍बुलिङकी मीतिवा दिक्‍पा ने थर ज्‍यितुपला नाङ्‍सुङ।

यहूदा 1:14

तीकी कोर्ला आदमकी गिपा दिन्‍बा हनोककी साङ दुक सिनी नम्‍दर शेन वे, “ल्‍होसा, छासे देवाच्‍येनकी लेन क्‍योलुप थु मङ्‍मुकी मुला चोवो फेपिन वोतो।

ज्‍यल्‍का 1:7

ल्‍होसा, खो मुक्‍पी ख नेमा फेप्‍कितो। खो फेवु ति मी तेरीकी मिककी थोङ्‍गितो। खोला दुङ सुरुप मीतिवी साङ खो फेवु ति थोङ्‍गितो। तमा जम्‍बुलिङला वोतुप तेरी मिरिककी मीतिवा खो फेपुप तप्‍की ङुप्‍राङ कितो। तुकै राङ वुङ्‍शिता। आमिन।