२ पत्रुस 1:13 - कोन्छ्‌योककी सुङ

¹³ ङ दी जम्‍बुलिङला लुता सेक ख्‍यिराङला दी ताम्‍ङे ति टेन ज्‍यितुप ताङ च्‍याङ्‍से दे ज्‍यितुप ति टेके लाका यिन सिरुप ति ङला नोवा वे।

२ पत्रुस 1:13 Iomraidhean Croise

२ कोरिन्थी 5:8

वुतुङ के दाक्‍पु ङार क्‍यानी दाक्‍पी जु ति क्‍युर ज्‍याक्‍नी चोवो येशूकी मुला देवाच्‍येनला देतुपला छासे गा लानी वे।

फिलिप्पी 1:7

ख्‍यिराङ तेरीकी थोक्‍ला ङे दी नासाम तङ्‍गुप ति टेके यिन। च्‍यिलासिसिन तसाम ङ चोन्‍खाङला वोतुप पेला ताङ चोन्‍खाङ नेमा तेन्‍नी लेन ल्‍यामु ख्‍याप्‍टाक कितुप ताङ तीला तेन्‍तेन कितुप पेला कोन्‍छ्‍योककी नङ्‍गुप कटिनला ख्‍यिरा ङ ताङ मुला लाका क्‍यासुङ। तुक क्‍यानी ख्‍यिराङला नरी ङे सेमला ज्‍याङ वे।

फिलिप्पी 3:10

ङला गोवु तेरी ताम्‍ङेतिवा ति दी यिन, ख्रीष्‍टला ङो शेवु ताङ खो टुङ्‍नी ङोसु लावु ओङ ति हाक्‍कोवु ताङ खोकी दाक्‍पी थोक्‍ला दुक्‍पा खुरुप दोके ङे साङ खोकी थोक्‍ला शि राङ गोसिनाङ शि थुप्‍शी।

२ तिमोथी 1:6

तुक क्‍यानी ङ ख्‍युरुङला ताम्‍ङे यी टेन्‍दा लोङ्‍यिन। ती ति काङ यिन सिसिन, ङे ख्‍योरो गोला लाक्‍पा ज्‍याक्‍नी मोपोर क्‍यासिमा कोन्‍छ्‍योककी ख्‍युरुङला नङ्‍गुप कटिनकी ङ्‍येम्‍बा ति टोक माज्‍येनी तीला रम्‍बु जोपला यिन।

हिब्रू 13:3

ख्‍यिराङ खुरुङ साङ चोन्‍खाङला वोतुप दोके नासाम तङ्‍नी चोन्‍खाङला शोरुप तिवाला ङ्‍याम किसा। तमा मीतिवी पाङ्‍शर तङ्‍गुपतिवाला साङ नासाम तोङ, च्‍यिलासिसिन ख्‍यिराङ साङ जुला राङ वे।

२ पत्रुस 1:12

दी ताम्‍ङे ति ख्‍यिराङला छ्‍या वे, तमा ख्‍यिराङ तेपा रम्‍बु क्‍यानी देकिवी, यिन्‍सिनाङ ङ ख्‍यिराङला नरी टेन ज्‍यितुपला दी ताम्‍ङे ति सिरिन।

२ पत्रुस 1:14

च्‍यिलासिसिन ङ दी जम्‍बुलिङला देतुप तुजे अला मे सिरुप ति दाक्‍पी चोवो येशू ख्रीष्‍टकी ङला हाक्‍को च्‍यिन वे।

२ पत्रुस 3:1

ङे ङ्‍यिङ्‍ज्‍येवु अच्‍युनुपतिवा, दी ति ङे ख्‍यिराङला टिवु यिकी ङ्‍यिवा यिनो। दी यिकी ङ्‍यिकरकी नाङ्‍ला माङ्‍शोक ताम्‍ङेतिवा ति ख्‍यिरा सेमला नासाम टेङ्‍बु तोङ ज्‍यितुप सिनी टोङ्‍गु तेरुपला टि वे।