२ पत्रुस 1:11 - कोन्छ्‌योककी सुङ

¹¹ तमा दिक्‍पा ने थर ज्‍यितुप दाक्‍पी चोवो येशू ख्रीष्‍टकी ख्‍यिराङला नाम्‍साङ ना मोडोवु खोकी ग्‍येल्‍खापला छासे ताङ्‍देन ताङ मुला शुक ज्‍यिकिवी।

२ पत्रुस 1:11 Iomraidhean Croise

मत्ती 25:34

तमा ङे यावी थाकाकी मीतिवाला ‘ङे पपा नेमा मोलाम थोपुपतिवा! वानी जम्‍बुलिङ ज्‍येङ्‍गुप पे नेज्‍युनी ख्‍यिरा थोक्‍ला टडिक क्‍या ज्‍यकुप ग्‍येल्‍खापला ओङ्‍ज्‍येन की।

यूहन्‍ना 10:10

कुर्मेन याङ कुन कितुप ताङ सेतुप ताङ ना तोङ्‍गुपला तिराङ गिवी। यिने ङ याङ लुकतिवाला मिजी ङ्‍येशी, तमा छाछिङी ङ्‍येशी सिनी वावु यिन।

रोमी 2:4

याङ्‍ना कोन्‍छ्‍योककी ख्‍युरुङला सेम ग्‍युर च्‍यिनी दिक्‍पा ने थर ज्‍यितुपला गा कितुप ति हाक्‍माकोनी खोकी च्‍यम्‍बा ताङ हम क्‍या देतुप ताम्‍ङेला मो बेप्‍किवी रो?

१ कोरिन्‍थी 15:24

तमा जम्‍बुलिङ ना डोप तिङ्‍मी तुजे वुङ्‍गिवी, ती तुजेला ख्रीष्‍टकी तेरी डेकी ओङ्‍ज्‍येन ताङ जम्‍बुलिङकी ओङ्‍ज्‍येन ताङ ङारतिवा ना तङ्‍नी दी जम्‍बुलिङकी तेरी ओङ्‍ज्‍येनतिवा पपा कोन्‍छ्‍योकला चेक तेकिवी।

२ कोरिन्थी 5:1

दाक्‍पुला छ्‍या वे, दाक्‍पी जु ति ती जम्‍बुलिङला देतुपला ग्‍यावु कुर दोके यिन। दी ति ना डिवी, यिने कोन्‍छ्‍योककी दाक्‍पुला जु सम्‍बा नङ्‍नी वे। ती ति देवाच्‍येनला नरीकी नरी देतुप खाङ्‍बा यिन। ती खाङ्‍बा ति मी लाक्‍पी जोवु मिन।

एफिसी 3:20

कोन्‍छ्‌योककी दाक्‍पी नाङ्‍ला लाका कितुप खोरे ओङ्‍ज्‍येन नेमा राङ दाक्‍पी लङ्‍गुप ताङ नासाम तङ्‍गुप सिनाङ ल्‍हक्‍पा दाक्‍पुला नङ्‍गिवी।

१ तिमोथी 6:17

दी जम्‍बुलिङकी मी छ्‍युक्‍पुतिवाला दुक सिनी क बिन, “अम्‍बारङ्‍शिङ माकी, चेयी पर सेक तिराङ लुवु टोङ्‍बाला मिन, यिने दाक्‍पुला गोवु तेरी च्‍यालकतिवा लोदिमुकी थोक्‍ला ग्‍यक्‍चे क्‍यानी नङ्‍गुप कोन्‍छ्‍योकला तिराङ रेवा की।”

२ तिमोथी 4:18

तमा चोवो कोन्‍छ्‍योककी ङला तेरी दुक्‍टा नेसुर साङ र्‍होक्‍नी देवाच्‍येनकी ग्‍येल्‍खापला टिनी डिवी। तुक क्‍यानी खोला नरीकी नरी मोवा वुङ्‍शी। आमिन।

२ तिमोथी 4:8

त याङ कोन्‍छ्‍योककी चिप्‍ला ङे लाका टेङ्‍बु क्‍यावु छ्‍यक्‍तक ङ्‍ये गोवु तिराङ लुनी वे। ती ति ठिम क्‍या नङ्‍गुप टेङ्‍बु वोतुप कोन्‍छ्‍योककी राङ ङला नङ्‍गिवी। ङला तिराङ मिन, खो फेपुप तुजे सेक तेपा क्‍यानी गु देतुपतिवा तेरीला खोकी नङ्‍गिवी।

हिब्रू 6:17

तुक राङ क्‍यानी कोन्‍छ्‍योककी याङ खोकी थाक्‍छ्‍येन नङ्‍गुप मोलाम थोपुपतिवाला खोकी थाक्‍छ्‍येन नङ्‍गुप ति नाम्‍साङ मोफोवु क्‍यानी तेरुप सिनी तेन्‍तेन कितुपला न क्‍याल्‍सुङ।

२ पत्रुस 1:1

येशू ख्रीष्‍टकी थोक्‍ला शब्‍ज्‍यी कितुप लोमा छ्‍ये ङ सिमोन पत्रुसकी छ्‍योक नेमा टसी देलेक! दी यिकी ति टेङ्‍बु वोतुप दाक्‍पी कोन्‍छ्‍योक ताङ दिक्‍पा ने थर ज्‍यितुप येशू ख्रीष्‍ट नेमा ङ्‍यिरा दोके खक्‍छ्‍येवु तेपा कितुप मीतिवाला टिवु यिनो।

२ पत्रुस 1:5

तुक क्‍यानी ख्‍यिराङ खोला तेपा क्‍यासिमा अछ्‍योता सेक मी यम्‍बाला ख्‍यिरा किताङ नालु ति ल्‍यामु वुङ गोकिवी, किताङ नालु ल्‍यामु वासिमा ख्‍यिराङला मङ रिक्‍पा थोप गोकिवी,

२ पत्रुस 2:20

दोजो तिवी दाक्‍पुला दिक्‍पा ने थर ज्‍यितुप चोवो येशू ख्रीष्‍टला ङो शेनी दी जम्‍बुलिङकी मेटेङ्‍बु वोतुप च्‍यालक नेसुर थेन्‍सिमा येलुङ गोमी किताङ नालुला लोक्‍नी ती दिक्‍पी ओङला राङ डिवी सिसिन तिवा गोमी ति सिनाङ ज्‍युक्‍ला मङ मेलोक्‍पा डिवी।

२ पत्रुस 3:18

तमा दाक्‍पुला दिक्‍पा ने थर ज्‍यितुप चोवो येशू ख्रीष्‍टकी कटिन ताङ खोकी रिक्‍पाला ख्‍यिराङ मङ मङ फरिन ग्‍युक। खोला तन्‍दा ताङ नरीकी नरी मोवा वुङ्‍शी। आमिन।

ज्‍यल्‍का 3:21

सी शैतानकी ओङ्‍ज्‍येनला ग्‍येल्‍गिवे, तीला ङ ङे ग्‍येल्‍ठिकला ङ ताङ मुला राङ देनी ग्‍येला कि ज्‍यितिनो। ङे साङ शैतानकी ओङ्‍ज्‍येनला ग्‍येल्‍नी पपा कोन्‍छ्‍योककी मुला खोकी ग्‍येल्‍ठिकला देनी वे।

ज्‍यल्‍का 5:10

तमा ख्‍योरे तिवाला खोरो मुला राङ ग्‍येला कितुप ताङ कोन्‍छ्‍योककी थोक्‍ला शब्‍ज्‍यी कितुप कोङ्‍यार जो नाङ्‍सुङ। तिवी दी जम्‍बुलिङला ग्‍येला किवी।”