२ पत्रुस 1:10 - कोन्छ्‌योककी सुङ

¹⁰ तुक क्‍यानी अच्‍युनुपतिवा, ख्‍यिराङला कोन्‍छ्‍योककी कताङ्‍नी पेन नङ्‍गुप लाका ति मङ तेन्‍तेन कितुपला ङार छ्‍येवु की। तुक क्‍यासिन ख्‍यिराङला नाम्‍साङ नर्तुक माग्‍यकिवी।

२ पत्रुस 1:10 Iomraidhean Croise

मत्ती 22:14

तुक क्‍यानी कोन्‍छ्‍योककी कताङ्‍गुपतिवा बङी वे, यिने खोकी ग्‍येल्‍खापला शुक छ्‍योवुला पेतुपतिवा ङ्‍युङ्‍मु वे।”

रोमी 11:29

च्‍यिलासिसिन कोन्‍छ्‍योककी मीतिवाला ङ्‍येम्‍बा नङ्‍गुप ति नाम्‍साङ लोक्‍नी मेफेपी। तमा खोरे पेतुपतिवाला नाम्‍साङ क्‍युर्नी साङ मोज्‍योकिवी।

२ तिमोथी 2:19

यिन्‍सिनाङ कोन्‍छ्‍योककी डम्‍ज्‍यी रम्‍बु जोसुङ। ती डम्‍ज्‍यीला “कोन्‍छ्‍योककी खोरे पेतुप मीतिवाला ङो शेकिवी।” सिनी टि वे। तमा “चोवो कोन्‍छ्‍योकला तेपा किवी सिनी सिरुप मी तेरीकी दिक्‍पा कितुप क्‍युर गोकिवी।” सिनी टि वे।

हिब्रू 6:11

ख्‍यिराङ रे रेकी रेवा क्‍यावु ति तेरी च्‍युङ्‍गुपला तुक क्‍यावु ति तिङ्‍ला सेक तुकै राङ क्‍यानी देकिवी सिरुप ति ङ्‍यिरा नोवा वे।

हिब्रू 6:19

ती रेवाला राङ दाक्‍पी मिजी ति रेन्‍नी देन वे। दी रेवा ति ग्‍येम्‍छो नाङ्‍ला वोतुप टुला लङ्‍गर ग्‍यप्‍सिमा टु ति र्‍होकुप दोके दाक्‍पी सेमला रम्‍बु ताङ र्‍होकुप च्‍युङ्‍नी वे। तमा ती रेवा ति यहूदी ल्‍हङाङला ग्‍यपुप गोयोल नङगी छासे चाङ्‍मा वोतुप दासा सेक लेपुपला दाल्‍जा किवी।

याकूब 2:10

ललाइ मीतिवी कोन्‍छ्‍योककी नङ्‍गुप ठिमला सिक्‍यावु दोके तेरी किवी, यिने ती ठिमकी नाङ्‍ला वोतुप ताम्‍ङे च्‍यिक ति मेङ्‍येन्‍दिवी सिसिन तीकी ती ठिम तेरी माङ्‍येन्‍दुप यिन।

१ पत्रुस 1:2

पपा कोन्‍छ्‍योककी थल्‍माला ख्‍यिराङला ल्‍यामो हाक्‍कोनी पेन नङ्‍सुङ, तमा खोकी थु चाङ्‍मा नेसुर ख्‍यिराङ चाङ्‍मा च्‍युङ्‍सुङ। तुक क्‍यानी ख्‍यिरा येशू ख्रीष्‍टकी सुङला ङ्‍येन्‍नी तेपा क्‍यासिमा खोकी ठक नेसुर चाङ्‍मा च्‍युङ्‍सुङ। ख्‍यिराङ तेरीला कोन्‍छ्‍योककी कटिन ताङ लोदिमु वुङ्‍शी।

१ पत्रुस 1:5

ख्‍यिरा कोन्‍छ्‍योकला तेपा क्‍यावु तप्‍की खोकी ख्‍यिराङला थर्वा नङ्‍गुप पर सेक खोकी ङार नेसुर ख्‍यिराङला र्‍होक्‍नी वे। ती थर्वा ति खोकी मी तेरीला ठिम क्‍या नङ्‍गुपला फेवु पेला खोकी ख्‍यिराङला छ्‍या देन्दुपला टडिक क्‍या वे।

२ पत्रुस 1:3

ओङ छ्‍येवु वोतुप कोन्‍छ्‍योककी दाक्‍पुला मिजी टेङ्‍बु क्‍योङ्‍गुपला गोवु ति तेरी नाङ्‍सुङ। ती मोलाम ति कोन्‍छ्‍योककी मोवा ताङ च्‍यङ्‍च्‍यु सेम्‍बा नेसुर थल्‍माला दाक्‍पुला कताङ नङ्‍गुप यिन सिनी दाक्‍पी हाक्‍कोसिमा खोकी दाक्‍पुला नङ्‍गुप यिन।

२ पत्रुस 1:5

तुक क्‍यानी ख्‍यिराङ खोला तेपा क्‍यासिमा अछ्‍योता सेक मी यम्‍बाला ख्‍यिरा किताङ नालु ति ल्‍यामु वुङ गोकिवी, किताङ नालु ल्‍यामु वासिमा ख्‍यिराङला मङ रिक्‍पा थोप गोकिवी,

२ पत्रुस 3:14

ती तप्‍की ङे ङ्‍यिङ्‍ज्‍येवु अच्‍युनुपतिवा, ख्‍यिराङ ती तुजेला गुनी देतुप तप्‍की खोकी थोङ्‍दाङला ख्‍यिराङ मङ टेङ्‍बु ताङ क्‍येन मेतुप ताङ खोकी मुला तम्‍जी ल्‍यामु वोतुप मिजी क्‍योङ।

२ पत्रुस 3:17

तुक क्‍यानी ङे ङ्‍यिङ्‍ज्‍येवु अच्‍युनुपतिवा, ख्‍यिराङ गोमाला के दी ताम्‍ङे ल्‍यामु हाक्‍कोनी च्‍याङ्‍से देता। मी दुक्‍टातिवी ताम्‍ङेला येनी मादे, तमा रङगी हाक्‍कोवु सुङला रम्‍बु क्‍यानी डेकला देता।

यहूदा 1:24

दाक्‍पी कोन्‍छ्‍योककी ख्‍यिराङला दिक्‍पा ने र्‍होकुप ताङ क्‍येन मेतुप जोनी खोकी मोवाकी चिप्‍ला लोदिमु क्‍यानी टिनी डिवी।

ज्‍यल्‍का 22:14

मिजीकी दोङ्‍बी डेलु थोपुप ताङ ग्‍येसाकी गे नाङ्‍ला शुकुप ओङ थोपुपला खोप्‍रे मज्‍या टुवु दोके क्‍यानी सेम टेङ्‍बु जोपतिवा मोलाम थोपुप यिनो।