२ पत्रुस 1:1 - कोन्छ्‌योककी सुङ

¹ येशू ख्रीष्‍टकी थोक्‍ला शब्‍ज्‍यी कितुप लोमा छ्‍ये ङ सिमोन पत्रुसकी छ्‍योक नेमा टसी देलेक! दी यिकी ति टेङ्‍बु वोतुप दाक्‍पी कोन्‍छ्‍योक ताङ दिक्‍पा ने थर ज्‍यितुप येशू ख्रीष्‍ट नेमा ङ्‍यिरा दोके खक्‍छ्‍येवु तेपा कितुप मीतिवाला टिवु यिनो।

२ पत्रुस 1:1 Iomraidhean Croise

मत्ती 10:2

ती लोमा च्‍यिङ्‍ङीतिवी मिङ ति दिवा राङ यिन। गोमाला पत्रुस सिरुप सिमोन ताङ तीकी नुप अन्‍द्रियास, जब्‍दियाकी पुज्‍युङ याकूब ताङ तीकी नुप यूहन्‍ना,

मत्ती 4:18

ङ्‍यिम्‍ज्‍यिक येशू गालीलकी ग्‍येम्‍छो गारी नेमा फेपिन वोतुप पेला पत्रुस सिरुप सिमोन ताङ तीकी नुप अन्‍द्रियास ति ग्‍येम्‍छो नाङ्‍ला जाल क्‍युरिन वोतुप थोङ्‍सुङ। तिवा ति ङ्‍या जिम्‍बुप मीतिवा यिनोक।

लूका 1:47

तमा ङे सेमगी दिङ नेज्‍युनी ङला थर ज्‍यितुप कोन्‍छ्‍योकला गा किवी,

लूका 11:49

तुक क्‍यानी तेरी ताम्‍ङे हाक्‍कोवु कोन्‍छ्‍योककी दुक सुङ्‍गिवी, ‘ङ ङे लुङ्‍तेम्‍बातिवा ताङ लोमा छ्‍येतिवाला मीतिवी ते तोङ्‍यिनो। यिने तिवी ङे तङ्‍गुपतिवी पर्ला ललाइला ति सेकिवी, ललाइला ति छेटाङ तेर्किवी।’

यूहन्‍ना 1:42

तमा तीकी खोरो उज्‍यु सिमोनला येशूकी चाला टिनी वासुङ। सिमोनला थोङ्‍नी येशूकी तीला “ख्‍युरुङ ति योआनेसकी पुज्‍युङ सिमोन यिन, यिने त याङ ख्‍युरुङला केफास सिनी मिङ ज्‍योकितो।” सिनी सुङ्‍सुङ। (केफासकी ग्रीक ताम्‍ङे ति पत्रुस यिन।)

यूहन्‍ना 12:26

चुका मी तीकी ङला शब्‍ज्‍यी कितुप नो किवे, ती ति ङे तिङ्‍ला तिङ्‍योक गोकिवी। तमा ङ कनी नोके, ङला शब्‍ज्‍यी कितुप ती साङ ङे मुला राङ तेराङ गिवितो। सी ङला शब्‍ज्‍यी किवे, तीला ङे पपी छ्‍ये जेवितो।”

यूहन्‍ना 20:21

येलुङ येशूकी तिवाला “ख्‍यिराङला लोदिमु वुङ्‍शी। पपी ङला तङ्‍गुप दोके ङ ख्‍यिराङला तोङ्‍यिनो।” सिनी सुङ्‍सुङ।

लोमा छ्‍येतिवी लाका 15:14

यहूदी मिन्‍दुप मिरिक यम्‍बाकी मीतिवी पर नेमा कोन्‍छ्‍योककी खोरो थोक्‍ला गिपा मिरा च्‍यिक पेतुप ताम्‍ङे ति सिमोन पत्रुसकी सिक्‍या वे।

रोमी 1:1

रोमला वोतुप मीतिवा तेरीला टसी देलेक! दी यिकी ति येशू ख्रीष्‍टकी थोक्‍ला लावा च्‍युङ्‍गुप ङ पावलकी टिवु यिनो। ङ ति कोन्‍छ्‍योककी लेन ल्‍यामु ख्‍याप्‍टाक कितुप ताङ लोमा छ्‍ये च्‍युङ्‍गुपला खोकी पेन नङ्‍गुप यिन।

रोमी 1:12

तुक क्‍यासिन ख्‍यिरा क्‍यावु तेपाकी ङला ङाडेङ ङ्‍येशी, ङे क्‍यावु तेपाकी ख्‍यिराङला ङाडेङ ङ्‍येशी सिनी ङला रेवा वे।

रोमी 1:17

ती लेन ल्‍यामु ति कोन्‍छ्‍योककी थोङ्‍दाङला दाक्‍पु दिक्‍छेनतिवाला चुक क्‍यानी टेङ्‍बु वोतुप जोवु ति छ्‍या तेन्‍सुङ। ती टेङ्‍बु ति दाक्‍पी येशूला तेपा क्‍यासिमा तिराङ गिवी। कोन्‍छ्‍योककी सुङला साङ “खोला तेपा क्‍यानी टेङ्‍बु च्‍युङ्‍गुप मीतिवा ति तिवी क्‍यावु तेपा नेमा मिजी ङ्‍येकिवी।” सिनी टि वे।

१ कोरिन्‍थी 1:30

यिने कोन्‍छ्‍योककी ख्‍यिराङला येशू ख्रीष्‍ट ताङ मुला जु च्‍यिक राङ जो नङ्‍गुप यिन। खोकी ख्रीष्‍ट नेमा दाक्‍पुला खोकी रिक्‍पा नाङ्‍सुङ। तमा खोकी थोङ्‍दाङला दाक्‍पुला चाङ्‍मा ताङ टेङ्‍बु वोतुप जोनी दिक्‍पा ने थर च्‍यिसुङ।

१ कोरिन्‍थी 15:9

ङ ति लोमा छ्‍येतिवी पर्ला छासे छ्‍युङा यिन। ङ ति लोमा छ्‍ये वुङ छ्‍योवु साङ मे, च्‍यिलासिसिन कोन्‍छ्‍योकला तेपा कितुप खोकी चर्चकी मीतिवाला ङे कशेन छेटाङ बिन्‍दुप यिन।

१ कोरिन्‍थी 9:1

ङ ख्‍यिराङला सिरिन, काङ ङला काङ साङ कितुप मेङ्‍येवी रो? काङ ङ ति लोमा छ्‍ये मिन रो? काङ ङे चोवो येशूला माथोङ वे रो? काङ ङे ख्‍यिराङला ख्‍याप्‍टाक क्‍यावु सुङ थ्‍वोनी ख्‍यिरा ति सुङला तेपा क्‍यावु मिन रो?

२ कोरिन्थी 4:13

कोन्‍छ्‍योककी सुङला “ङे तेपा क्‍यायी, तुक क्‍यानी ङ लपिन।,” सिरुप तीला कोन्‍छ्‍योककी थु चाङ्‍मा वोतुप दोके ङ्‍यिराङला साङ ती थु चाङ्‍मा वे। तुक क्‍यानी ङ्‍यिराङ साङ कोन्‍छ्‍योकला तेपा क्‍यानी ती ताम्‍ङे लप्‍किवी।

२ कोरिन्थी 5:21

ख्रीष्‍टला दिक्‍पा मे, यिन्‍सिनाङ कोन्‍छ्‍योककी दाक्‍पी क्‍यावु दिक्‍पी थोक्‍ला खोला पर्च्या नाङ्‍सुङ। तुक क्‍यानी ख्रीष्‍ट नेसुर दाक्‍पु ति खोकी थोङ्‍दाङला टेङ्‍बु च्‍युङ्‍सुङ।

गलाती 2:8

च्‍यिलासिसिन कोन्‍छ्‍योककी पत्रुसला यहूदीतिवी पर्ला लेन ल्‍यामु ख्‍याप्‍टाक कितुपला लोमा छ्‍ये जो नङ्‍गुप दोके ङला ति यहूदी मिन्‍दुप मिरिक यम्‍बाकी मीतिवी पर्ला लेन ल्‍यामु ख्‍याप्‍टाक कितुपला लोमा छ्‍ये जोनी ताङ्‍सुङ।

एफिसी 3:5

तोङगी गिपाकी मीतिवाला हाक्‍को माच्‍यिवु ताम्‍ङे ति खोकी लोमा छ्‌येतिवा ताङ कोन्‍छ्‌योककी लुङ्‍तेम्‍बातिवाला खोरे थु चाङ्‍मा नेसुर तसाम ठछ्‍येली छ्‌या तेन वे।

एफिसी 4:11

तमा खोकी मी ललाइला ति लोमा छ्‌ये, ललाइला ति खोरे लुङ्‍तेम्‍बा, ललाइला ति ख्‍याप्‍टाक कितुप मी, ललाइला ति चर्चला गोमा कितुप गेकेन, ललाइला ति खोकी सुङ लोपुप गेकेन जो नाङ्‍सुङ।

एफिसी 4:5

चोवो कोन्‍छ्‌योक ताङ तेपा ताङ बप्‍तिस्‍मा च्‍यिक राङ यिन।

फिलिप्पी 1:1

टसी देलेक! दी यिकी ति ख्रीष्‍ट येशूकी थोक्‍ला शब्‍ज्‍यी कितुप ङ पावल ताङ तिमोथी नेसुर फिलिप्‍पीला वोतुप येशूला तेपा कितुप मीतिवा तेरी ताङ चर्चला गोमा कितुप मीतिवा ताङ चर्चला ल्हाटे कितुप मीतिवाला टिवु यिनो।

फिलिप्पी 1:29

च्‍यिलासिसिन ख्‍यिराङ ख्रीष्‍टला तेपा कितुप तिराङ मिन, यिने खोकी थोक्‍ला दुक्‍पा साङ खुर गोकिवी। तुक कितुप ति ख्रीष्‍टकी नङ्‍गुप कटिन यिन।

फिलिप्पी 3:9

तमा खो ताङ मुला च्‍यिक्‍पा राङ च्‍युङ थुप्‍शी। येलुङ ठिमला तेन्‍नी टेङ्‍बु यिन सिनी ङ नो मिकी, यिने तन्‍दा येशू ख्रीष्‍टला तेपा क्‍यासिमा वुङ्‍गुप ति वुतुङ के टेङ्‍बु यिन। ती ति येशूला तेपा क्‍यासिमा कोन्‍छ्‍योक नेमा वुङ्‍गुप टेङ्‍बु यिन।

२ तिमोथी 1:5

ख्‍योरो सेम टेङ्‍बु क्‍यानी तेपा क्‍यावु ति ङला नासाम शर्किनोक। ती तेपा ति तोङ्‍ला ख्‍योरो गाका लोइसला ताङ ख्‍योरो आमा युनिसला साङ वे, तमा तन्‍दा ख्‍योरो मिजीला साङ वोतुप ति ङला तेन्‍तेन वे।

तीतस 1:1

दी यिकी ति कोन्‍छ्‍योककी लावा ताङ चोवो येशूकी लोमा छ्‍ये ङ पावलकी तङ्‍गुप यिन। कोन्‍छ्‍योककी पेतुपतिवाला टेङ्‍बुला तेपा कि ज्‍यितुप ताङ खोकी रिक्‍पा वोतुप सुङ ति ल्‍यामु क्‍यानी हाक्‍को ज्‍यितुपला कोन्‍छ्‍योककी ङला लोमा छ्‍ये जो नाङ्‍सुङ।

तीतस 1:4

येशू ख्रीष्‍टला तेपा कितुप च्‍यिक राङ वोतुप ङे आङ तीतसला दी यिकी टिवु यिनो। पपा कोन्‍छ्‍योक ताङ दाक्‍पुला दिक्‍पा ने थर ज्‍यितुप येशू ख्रीष्‍टकी कटिन ताङ लोदिमु ख्‍युरुङला नङ्‍शी।

तीतस 2:13

ती तप्‍की चोछ्‍येवु कोन्‍छ्‍योक ताङ दिक्‍पा ने थर ज्‍यितुप चोवो येशू ख्रीष्‍ट फेपुप मोवाकी थोक्‍ला दाक्‍पु रेवा क्‍यानी गुनी देकिवी।

याकूब 1:1

टसी देलेक! कोन्‍छ्‍योक ताङ चोवो येशू ख्रीष्‍टला शब्‍ज्‍यी बुलुप ङ याकूबकी छ्‍योक नेमा जम्‍बुलिङकी दासा दासाला टम्‍नी देतुप कोन्‍छ्‍योकला तेपा कितुप मीतिवा तेरीला दी यिकी ति टिवु यिनो।

१ पत्रुस 1:1

टसी देलेक! ङ येशूकी लोमा छ्‍ये पत्रुसकी छ्‍योक नेसुर पोन्‍टस ताङ गलातिया ताङ कापाडोकिया ताङ एशिया ताङ बिथिनिया लुङ्‍बातिवा नेवा थरा थुरा गल्‍नी छ्‍यिग्‍यपकी मी दोके टम देतुप कोन्‍छ्‍योककी पेन नङ्‍गुप मीतिवाला दी यिकी ति टिवु यिनो।

१ पत्रुस 1:7

ती छेटाङ ति ख्‍यिरा तेपा टेङ्‍बु वोतुप छ्‍या देन्‍दुपला यिन। ख्‍यिरा क्‍यावु तेपा ति सेर मे नाङ्‍ला र्‍हेनी ङोमा जोवु सिनाङ छासे खक्‍छ्‍येवु वोतुप तप्‍की येशू ख्रीष्‍ट फेपुप तुजेला ख्‍यिराङला खोकी ग्‍येल्‍खापला सोवा ताङ मोवा ताङ ताङ्‍देन क्‍या नङ्‍गिवी।

१ पत्रुस 2:7

तुक क्‍यानी ख्‍यिराङ सी खोला तेपा किवे, तीकी थोक्‍ला खो गोङ नावु वे, यिने तेपा मिकिवुतिवी थोक्‍ला ति कोन्‍छ्‍योककी सुङला साङ दुक सिनी टि वे, “ती दो ति खाङ्‍बा जोप मीतिवी फेन मोथोवु सिनी क्‍युर वे, यिन्‍सिनाङ ती ति सुरकी दो च्‍युङ्‍गिवी।”

१ पत्रुस 5:1

तमा ख्‍यिराङ चर्चकी मीतिवी पर्ला गोमा कितुपतिवाला ङ गोङ्‍बा शोयी। ङ साङ चर्चकी गोमा कितुप मी यिन, तमा ख्रीष्‍टकी छेटाङ खुरुप थोक्‍ला साङ पङ्‍बु तेरुप मी यिन। ज्‍युक्‍ला ख्रीष्‍टकी मोवा छ्‍या देन्‍दुप पेला ख्‍यिरा मुला राङ ङला साङ ती मोवा ति थोप्‍किवी।

२ पत्रुस 1:4

खो ति मोवा ताङ च्‍यङ्‍च्‍यु सेम्‍बा वोतुप तप्‍की दाक्‍पुला छासे चोछ्‍येवु ताङ खक्‍छ्‍येवु ताम्‍ङे थाक्‍छ्‍येन नङ वे। तीकी तेन्‍दोक ति दाक्‍पु दुक्‍टा वोतुप सेम नेसुर वुङ्‍गुप दी जम्‍बुलिङकी नोवा मेलोवा नेसुर थर्नी कोन्‍छ्‍योक दोके टेङ्‍बु वोतुप मिजी क्‍योङ्‍गुपला यिन।

यहूदा 1:1

टसी देलेक! ङ यहूदा ति याकूबकी नुप ताङ येशू ख्रीष्‍टला शब्‍ज्‍यी कितुप मी यिन। ङे छ्‍योक नेसुर कोन्‍छ्‍योककी कताङ नङ्‍नी ङ्‍यिङ्‍ज्‍ये क्‍या नङ्‍गुप ताङ येशू ख्रीष्‍टकी र्‍होकुप मीतिवाला दी यिकी ति टिवु यिनो।