२ यूहन्‍ना 1:9 - कोन्छ्‌योककी सुङ

⁹ ख्रीष्‍टकी सुङ्‍गुप कला मुयुकुप ताङ डेकला मेदेवु मीतिवी मुला कोन्‍छ्‍योक मेवी, यिने खोकी नङ्‍गुप सुङला हम क्‍यानी देतुप मीतिवी मुला कोन्‍छ्‍योक ताङ खोकी सेवु ङ्‍यिकर ज्‍युकिवी।

२ यूहन्‍ना 1:9 Iomraidhean Croise

मत्ती 11:27

पपी ङला तेरी चेक तेन नाङ्‍सुङ। पपी तिराङ पुज्‍युङला ङो शेकिवी। तमा पुज्‍युङ ताङ पुज्‍युङकी खुरुङ सु यिन सिनी छ्‍या देन्‍दुपला पेतुपतिवी मिसिन यम्‍बा सी साङ पपाला ङो मेशेवी।

लूका 10:22

ङे पपी ङला तेरी ताम्‍ङे चेक तेन नाङ्‍सुङ। पपी मिसिन पुज्‍युङ सु यिन सिनी सी साङ ङो मेशेवी। तमा पुज्‍युङ ताङ पुज्‍युङकी पपाला ङो शे ज्‍यितुपला पेतुपतिवी मिसिन पपा सु यिन सिनी सी साङ ङो मेशेवी।”

यूहन्‍ना 14:6

येशूकी तीला सुङ्सुङ, “लाम ताङ टेङ्‍बु ताङ मिजी ति ङ राङ यिन। ङ नेसुर मिसिन सु साङ पपी ते डो मुथुपी।

यूहन्‍ना 15:6

सु ङे मुला मेदेवे, ती ति डेलु मोगोरुप येल्‍का दोके च्‍येनी क्‍युर्किवी, तमा ती ति कम्‍बु डिवी। मीतिवी तुका येल्‍कातिवा दुम्‍नी मेला क्‍युर्नी र्‍हेकिवी।

यूहन्‍ना 5:23

ती ति तेरीकी पपाला ताङ्‍देन कितुप दोके खोकी पुज्‍युङला साङ ताङ्‍देन किशी सिनी यिन। सी खोकी पुज्‍युङला ताङ्‍देन मिकिवे, पुज्‍युङला तोङ्‍गुप पपाला साङ ताङ्‍देन मिकिवी।

यूहन्‍ना 8:31

तमा येशूकी खोला तेपा कितुप यहूदीतिवाला सुङ्‍सुङ, “ख्‍यिराङ ङे येन्‍देनला लुसुङ सिसिन ख्‍यिराङ वुतुङ के ङे लोमातिवा यिनो।

लोमा छ्‍येतिवी लाका 2:42

तमा तिवा यम्‍बा तेपा कितुपतिवा ताङ मुला थिन्‍नी लोमा छ्‍येतिवी येन्‍देन ङ्‍येन्‍दुप ताङ डिक्‍जोम कितुप ताङ चोवोकी डेन साप लाका ताङ मोपोर क्‍या क्‍यावा देकिनोक।

कलस्सी 3:16

ख्रीष्‍टकी सुङ ति छासे क्‍यानी ख्‍यिरा सेमला नरी लुशी। तमा तेरी च्‍यु ताङ रिक्‍पाकी च्‍यिककी च्‍यिकला लोपुप ताङ टोङ्‍गु बिन। कोन्‍छ्‍योकला सोवा देकुप लुतिवा ताङ कोन्‍छ्‍योककी थु चाङ्‍माकी नङ्‍गुप लुतिवा लानी सेमगी दिङ नेज्‍युनी कोन्‍छ्‍योकला थुचिछे पुल।

तीतस 2:10

तिवा कुन कितुप मेङ्‍शी, यिने तेपा कि छ्‍योवु वुङ्‍शी। तुक क्‍यासिन तिवी तेरी ताम्‍ङेला दाक्‍पुला दिक्‍पा ने थर ज्‍यितुप कोन्‍छ्‍योककी कोर्ला लापुप सुङ ति टेङ्‍बु नोक सिनी हाक्‍कोकिवी।

हिब्रू 3:14

दाक्‍पी गोमाला तेपा कितुप पेला तेन्‍तेन क्‍यावु ताम्‍ङेला तिङ्‍ला सेक डेकला देसिन दाक्‍पु ख्रीष्‍टला वोतुप ति तेरी मुला राङ थोप्‍किवी।

हिब्रू 6:1

तुक क्‍यानी दाक्‍पु ख्रीष्‍टकी कोर्ला गोमाला लापुप येन्‍देनतिवा येलुङ लोपुप क्‍युर्नी मङ मङ रम्‍बु हाक्‍को थुपुप च्‍युङ्‍यिन डोप। शेप ते क्‍योलुप लाकातिवा नेसुर सेम ग्‍युरुप ताङ कोन्‍छ्‍योकला तेपा कितुप ताङ

१ यूहन्‍ना 1:3

ङ्‍यिरा काङ थोङ्‍गुप ताङ थोवु ति ख्‍यिराङला सिरिन वे। च्‍यिलासिसिन ख्‍यिराङ ङ्‍यिरा मुला डिक्‍जोम च्‍युङ्‍नी तम्‍जी ल्‍यामु वुङ्‍शी। तमा ङ्‍यिरा डिक्‍जोम ति पपा कोन्‍छ्‍योक ताङ खोकी सेवु येशू ख्रीष्‍टकी मुला जो वे।

३ यूहन्‍ना 1:9

ङे ख्‍योरो चर्चकी तेपा कितुप मीतिवी थोक्‍ला ताम्‍ङे चेयी टिनी तङ्‍यिन, यिने ख्‍यिरा पर्ला छ्‍ये कितुप छोलुप डियोत्रिफसकी ङे सिक्‍यावु ताम्‍ङेला मेङ्‍येन्‍दिवी।