२ यूहन्‍ना 1:8 - कोन्छ्‌योककी सुङ

⁸ च्‍याङ्‍से देता, ख्‍यिराङ काङगी थोक्‍ला लाका किवे, ती ति ख्‍यिरा तोर ज्‍यितुप मिन, यिने तिङ्‍ला कोन्‍छ्‍योककी नङ्‍गुप छ्‍यक्‍तक तेरी थोपुप वुङ गोकितो।

२ यूहन्‍ना 1:8 Iomraidhean Croise

मत्ती 24:4

तमा येशूकी तिवाला सुङ्‍सुङ, “च्‍याङ्‍से क्‍यानी देता, सी साङ ख्‍यिराङला मुलुशी।

मर्कूस 13:23

तुक क्‍यानी ख्‍यिराङ च्‍याङ्‍से देता। ङ ती तेरी ताम्‍ङेतिवा गोमाला के ख्‍यिराङला सिरिन वे।”

मर्कूस 13:9

तुक क्‍यानी ख्‍यिराङ त वुङ्‍गुप दुक्‍पी थोक्‍ला च्‍याङ्‍से क्‍यानी दे। मीतिवी ख्‍यिराङला ठिम्‍खाङला चेक तेकितो, तमा यहूदी छ्‍योखाङला ख्‍यिराङला दुङ्‍गितो। ख्‍यिरा ङला तेपा क्‍यावु तप्‍की ठिम कितुप मी छ्‍येतिवा ताङ ग्‍येल्‍वुतिवी दोङ्‍ला लानी ङे थोक्‍ला पङ्‍बु तेर्कितो।

लूका 19:19

तीला साङ ज्‍यिन्‍दाककी सिक्‍यासुङ, ‘ख्‍योरो साङ ग्‍येसा ङकी खला ग्‍येला कितुप ङ्‍येकितो।’

लूका 21:8

येशूकी तिवाला सुङ्‍सुङ, “च्‍याङ्‍से देता, मीतिवी ख्‍यिराङला मुलुशी। मी बङीकी ङे मिङला वानी, ‘ङ ख्रीष्‍ट यिन।’, ‘तुजे चाला राङ लेम वे।’ सिनी सिवितो। यिने ख्‍यिराङ तिवी तिङ्‍ला तिङ माङ्‍योक।

यूहन्‍ना 4:36

सप्‍ले दुतुपतिवाला ल थोप्‍किवी, तमा तिवी ति नाम्‍साङ मिशिवु मिजी थोपुप डुमा दुकिवी। तमा सप्‍ले देपुप ताङ दुतुप ङ्‍यिकर मुला राङ गा किवी।

१ कोरिन्‍थी 15:8

तमा तेरी सिनाङ ज्‍युक्‍ला खो ङे चाला साङ छ्‍यार्सुङ। ङ ति ल माछेनी क्‍येवु आङा दोके यिन।

१ कोरिन्‍थी 3:14

मेला र्‍हेनी ल्‍हासिमा ती खाङ्‍बातिवा माछिक्‍सुङ सिसिन, तीला कोन्‍छ्‍योककी छ्‍यक्‍तक नङ्‍गिवी।

१ कोरिन्‍थी 3:8

तमा जुवु ताङ छ्‍यु लुकुप ति छ्‍ये साङ मिन, छ्‍युङा साङ मिन, तिवा च्‍यिक्‍पा राङ यिन। कोन्‍छ्‍योककी तिवा रे रेला तिवी चो हुर्ताक क्‍यावे, तोजोयी राङ ल नङ्‍गिवी।

गलाती 3:4

काङ गोमाला ख्‍यिरा छेटाङ दुङल खुरुप ति तेर्मे गल रो? वुतुङ के तेर्मेला गाल्‍सुङ रो?

गलाती 4:11

ङे दुक्‍पा क्‍यानी क्‍यावु लाका ति तेर्मेला डिते सिनी ङला पप लङ्‍गिनोक।

फिलिप्पी 3:16

काङ यिन्‍सिनाङ दाक्‍पु दे सेक लेप्‍नी वे, तीला राङ रम्‍बु क्‍यानी मिजी क्‍योङ्‍गुप।

हिब्रू 10:32

ख्‍यिराङ थल्‍माला ख्रीष्‍टला तेपा क्‍यावु पेलाकी ताम्‍ङेतिवा नरी नासाम तोङ। ती पेला ख्‍यिरा चो दुक्‍पा खुर्सिनाङ हम क्‍यानी देसुङ।

हिब्रू 10:35

तुक क्‍यानी ख्‍यिरा तेन्‍तेन क्‍यावु ति क्‍युर्नी माज्‍योक। तमा कोन्‍छ्‍योककी ख्‍यिराङला छासे खक्‍छ्‍येवु छ्‍यक्‍तक ग्‍येर्पु नङ्‍गिवी।

हिब्रू 12:15

नासाम तोङा, ख्‍यिराङ सु साङ कोन्‍छ्‍योक नेमा थोपुप कटिनला क्‍युर्नी मोज्‍योक्‍शिता, तमा सेमला लाका मेलोवा कितुप नासाम माज्‍योक। नासाम मेलोवा ज्‍याक्‍सिन तीकी मङ मङ फेल्‍नी मी बङीला मेटेङ्‍बु जेवी।

ज्‍यल्‍का 3:11

ल्‍होसा, ङ ङमु राङ वुङ्‍यिनो। ख्‍योरो ङला क्‍यावु तेपा ति र्‍होक्‍नी ज्‍योक। तमा ख्‍युरुङला ङे तेरिन सिक्‍यावु छ्‍यक्‍तक ति सी साङ ठोक मुथुप्‍तो।