२ यूहन्‍ना 1:6 - कोन्छ्‌योककी सुङ

⁶ ती ङ्‍यिङ्‍ज्‍ये ति काङ यिन सिसिन दाक्‍पु खोकी सुङला युकुप यिन। ती क ति ख्‍योरो तोङ नेज्‍यु थोवु साङ यिन। ख्‍युरुङ ति कला वोतुप दोके ङ्‍यिङ्‍ज्‍ये कि गोकिवी।

२ यूहन्‍ना 1:6 Iomraidhean Croise

यूहन्‍ना 14:15

“दोजो ख्‍यिरा ङला ङ्‍यिङ्ज्‍ये क्‍यावु यिन्‍सिन ङे कला ङ्‍येन्‍गिवी।

यूहन्‍ना 14:21

सी ङे कतिवाला ङ्‍येन्‍नी ती कतिवाला युकिवे, ती ति ङला ङ्‍यिङ्‍ज्‍ये कितुप मी यिन। सी ङला ङ्‍यिङ्‍ज्‍ये किवे, ङे पपी तीला ङ्‍यिङ्ज्‍ये क्‍या नङ्‍गिवी। तमा ङ साङ तीला ङ्‍यिङ्‍ज्‍ये क्‍यानी तीला ङ सु यिन सिरुप छ्‍या देनिनो।”

यूहन्‍ना 14:23

तमा येशूकी तीला सुङ्‍सुङ, “सी ङला ङ्‍यिङ्‍ज्‍ये किवे, तीकी ङे सिक्‍यावु ताम्‍ङेला ङ्‍येन्‍गिवी। तमा ङे पपी तीला ङ्‍यिङ्ज्‍ये क्‍या नङ्‍गिवी, तमा ङे पपा ताङ ङ ति तीकी चाला गल्‍नी तीकी मुला राङ देतिनो।

यूहन्‍ना 15:10

ङ पपी कला ङ्‍येन्‍नी खोकी ङ्‍यिङ्‍ज्‍येला देतुप दोके ख्‍यिराङ ङे कला ङ्‍येन्‍सुङ सिसिन ङे ङ्‍यिङ्‍ज्‍येला देकिवी।

यूहन्‍ना 15:14

दोजो ख्‍यिरा ङे कला ङ्‍येन्‍सुङ सिसिन ख्‍यिराङ ङे दाल्‍जातिवा यिनो।

१ यूहन्‍ना 2:24

चुका ताम्‍ङे ति ख्‍यिरा थल्‍मा नेज्‍यु थोवे, ती ताम्‍ङे ति नरी ख्‍यिरा सेमला ज्‍योक। दोजो थल्‍मा नेज्‍यु हाक्‍कोवु ताम्‍ङे ति ख्‍यिरा सेमला ज्‍याक्‍सुङ सिसिन, पपा कोन्‍छ्‍योक ताङ खोकी सेवु येशू ख्रीष्‍टकी मुला ख्‍यिरा तम्‍जी ल्‍यामु लुकिवी।

१ यूहन्‍ना 2:5

यिने चुका मी ति कोन्‍छ्‍योककी सुङला युकिवे, तीकी कोन्‍छ्‍योकला सेम ने ङ्‍यिङ्‍ज्‍ये क्‍यावु ति वुतुङ के तेरी छेकिवी। तुक क्‍यासिन दाक्‍पी मिजीला कोन्‍छ्‍योक वे सिरुप ति हाक्‍कोकिवी।

१ यूहन्‍ना 2:7

ङे ङ्‍यिङ्‍ज्‍येवुतिवा, ङ ख्‍यिराङला यम्‍बा क सम्‍बा मिन, क ङ्‍यिङ्‍बा राङ टिकिन वोतो। ती क ङ्‍यिङ्‍बा ति थल्‍मा नेजु ख्‍यिरा मुला वे। तमा ती क ति ख्‍यिरा थोवु साङ यिन।

१ यूहन्‍ना 5:15

तुक क्‍यानी दाक्‍पी मोपोर क्‍यानी काङ लङ्‍सिनाङ कोन्‍छ्‍योककी सेन्‍गिवी सिरुप ति दाक्‍पुला छ्‍या वोतुप तप्‍की दाक्‍पी खोला काङ लाङ्‍वे, ती ति ङ्‍येनिङ वे सिनी तेन्‍तेन गिवी।

१ यूहन्‍ना 5:3

कोन्‍छ्‍योककी कला ङ्‍येन्‍दुप ति दाक्‍पी खोला ङ्‍यिङ्‍ज्‍ये क्‍यावु यिन। खोकी कतिवा ङ्‍येन्‍दुप ति कले मे।

२ यूहन्‍ना 1:5

ओ पुमो, त याङ ख्‍युरुङला ङे क सम्‍बा टिवु मिन, तोङ नेज्‍यु वोतुप क ङ्‍यिङ्‍बा राङ टिवु यिनो। दाक्‍पु च्‍यिककी च्‍यिकला ङ्‍यिङ्‍ज्‍ये कितुप सिनी ङ ख्‍युरुङला गोङ्‍बा शोयिनो।