२ यूहन्‍ना 1:1 - कोन्छ्‌योककी सुङ

¹ ङ चर्चला गोमा कितुप मी छ्‍येकी छ्‍योक नेसुर कोन्‍छ्‍योककी पेन नङ्‍गुप आम्‍पुम ताङ तीकी पुज्‍युङपुमतिवाला दी यिकी ति टिवु यिनो। वुतुङ के ङ ख्‍यिराङला ङ्‍यिङ्‍ज्‍ये कितिन। ङ तिराङ मिन, यिने कोन्‍छ्‍योककी सुङ टेङ्‍बु काङ यिन सिनी हाक्‍कोवु मीतिवा तेरीकी साङ ङ्‍यिङ्‍ज्‍ये कितो।

२ यूहन्‍ना 1:1 Iomraidhean Croise

लूका 1:3

तमा थियोफिलस ला, ङ साङ तीकी कोर्ला थल्‍मा नेज्‍युन ल्‍यामो क्यानी तेरी ल्‍हावु तप्‍की ती ति ख्‍युरुङला रिम्‍बा क्‍यानी टिकुप ति ल्‍यामु यिन सिनी नासाम तङ्‍यिन।

यूहन्‍ना 8:32

तमा ख्‍यिरा टेङ्‍बुकी कोर्ला हाक्‍कोकितो, तमा ती टेङ्‍बुकी ख्‍यिराङला पि तोङ्‍गितो।”

लोमा छ्‍येतिवी लाका 11:30

तमा तिवी दुवु टङ्‍गा ति बारनाबास ताङ शाऊलकी लक नेवा क्‍यानी यरूशलेमला वोतुप चर्चकी गोमा कितुप मी छ्‍येतिवाला कल्‍नी ताङ्‍सुङ।

रोमी 16:13

चोवो येशूकी खोरे थोक्‍ला शब्‍ज्‍यी कितुपला पेतुप रूफस ताङ तीकी आमाला साङ टसी देलेक वोतो सिनी सिसा। च्‍यिलासिसिन खोकी आमा साङ ङे आमा दोके राङ यिनो।

गलाती 2:14

तिवा कोन्‍छ्‍योककी सुङ टेङ्‍बुला मायुकुप थोङ्‍सिमा ङे पत्रुसला मी तेरीकी पर्ला “ख्‍युरुङ यहूदी गिपाकी मी यिन्‍सिनाङ यहूदी मिन्‍दुप मिरिक यम्‍बाकी मी दोके च्‍येर्पा किसिन चुक क्‍यानी मिरिक यम्‍बाला यहूदी दोके च्‍येर्पा कि गोकिवी सिनी सि थुप्‍किवी?” सिनी सिक्‍यायी।

गलाती 2:5

तुक क्‍यानी ख्‍यिराङ नरी ख्रीष्‍टकी टेङ्‍बु वोतुप लेन ल्‍यामुला देशी सिनी तिवी सिक्‍यावु ताम्‍ङेला उकुर च्‍यिक साङ ङ्‍यिरा माङ्‍येन।

गलाती 3:1

ओ गलातीकी मी अम्‍बारङ्‍शिङतिवा, ख्‍यिराङला सी लुसुङ? येशू ख्रीष्‍ट ग्‍यङ्‍शिङला कलुप ति ख्‍यिरा मिककी राङ थोङ्‍गुप मिन?

गलाती 5:7

ख्‍यिरा तेपा ति रम्‍बु डोयी नोक, यिने सी ख्‍यिराङला दी लाका टेङ्‍बु कितुप नेसुर क्‍येक्‍सुङ?

कलस्सी 1:5

तुका तेपा ताङ ङ्‍यिङ्‍ज्‍ये क्‍यावु ति ख्‍यिरा थोक्‍ला देवाच्‍येनला ज्‍यकुप रेवा नेसुर वुङ्‍गुप यिन। ती रेवाकी कोर्ला गोमाला के ख्‍यिरा सुङ टेङ्‍बु वोतुप कोन्‍छ्‍योककी लेन ल्‍यामु थोवु पेला हाक्‍को वे।

१ तिमोथी 2:4

मीतिवा तेरी दिक्‍पा ने थर्नी टेङ्‍बु वोतुप कोन्‍छ्‍योककी रिक्‍पा ङ्‍येशी सिरुप ति कोन्‍छ्‍योककी नोवा यिन।

हिब्रू 10:26

दोजो दाक्‍पी टेङ्‍बु काङ यिन सिरुप ति छ्‍या वोसिनाङ दिक्‍पा क्‍या क्‍यावा राङ देकिवी सिसिन तफेन्‍ला दाक्‍पी क्‍यावु दिक्‍पा तावुला यम्‍बा जिन्‍बाकी काङ साङ कि मुथुपी।

१ पत्रुस 1:2

पपा कोन्‍छ्‍योककी थल्‍माला ख्‍यिराङला ल्‍यामो हाक्‍कोनी पेन नङ्‍सुङ, तमा खोकी थु चाङ्‍मा नेसुर ख्‍यिराङ चाङ्‍मा च्‍युङ्‍सुङ। तुक क्‍यानी ख्‍यिरा येशू ख्रीष्‍टकी सुङला ङ्‍येन्‍नी तेपा क्‍यासिमा खोकी ठक नेसुर चाङ्‍मा च्‍युङ्‍सुङ। ख्‍यिराङ तेरीला कोन्‍छ्‍योककी कटिन ताङ लोदिमु वुङ्‍शी।

१ पत्रुस 5:1

तमा ख्‍यिराङ चर्चकी मीतिवी पर्ला गोमा कितुपतिवाला ङ गोङ्‍बा शोयी। ङ साङ चर्चकी गोमा कितुप मी यिन, तमा ख्रीष्‍टकी छेटाङ खुरुप थोक्‍ला साङ पङ्‍बु तेरुप मी यिन। ज्‍युक्‍ला ख्रीष्‍टकी मोवा छ्‍या देन्‍दुप पेला ख्‍यिरा मुला राङ ङला साङ ती मोवा ति थोप्‍किवी।

१ पत्रुस 5:13

बेबिलोनकी चर्चला वोतुप कोन्‍छ्‍योककी पेन नङ्‍गुप तेपा कितुपतिवा ताङ ङे पुज्‍युङ दोके राङ यिन्‍दुप मर्कूसकी साङ ख्‍यिराङला टसी देलेक सिनी ताङ वोतो।

१ यूहन्‍ना 2:21

ख्‍यिरा टेङ्‍बुला छ्‍या मे सिनी दी यिकी टिवु ति मिन। यिने ख्‍यिरा टेङ्‍बुला छ्‍या वे, तमा टेङ्‍बु नेसुर जिनोक जोप मेङ्‍गिवी सिरुप ति ख्‍यिरा हाक्‍कोवु तप्‍की दी यिकी ति ङे ख्‍यिराङला टिवु यिनो।

१ यूहन्‍ना 3:18

ङे ङ्‍यिङ्‍ज्‍येवु आङातिवा, ख्‍यिराङ ख तिराङकी ङ्‍यिङ्‍ज्‍ये कितिन सिरुप मिन, यिने लाका टेङ्‍बु क्‍यानी ङ्‍यिङ्‍ज्‍ये छ्‍या तेन।

२ यूहन्‍ना 1:13

यम्‍बा चर्चकी तेपा कितुप मीतिवी साङ ख्‍यिराङला टसी देलेक सिनी तङ वोतो।

२ यूहन्‍ना 1:5

ओ पुमो, त याङ ख्‍युरुङला ङे क सम्‍बा टिवु मिन, तोङ नेज्‍यु वोतुप क ङ्‍यिङ्‍बा राङ टिवु यिनो। दाक्‍पु च्‍यिककी च्‍यिकला ङ्‍यिङ्‍ज्‍ये कितुप सिनी ङ ख्‍युरुङला गोङ्‍बा शोयिनो।

३ यूहन्‍ना 1:1

ङे ङ्‍यिङ्‍ज्‍येवु येशूला तेपा कितुप दाल्‍जा गायसला टसी देलेक! ङ चर्चकी गोमा कितुप मी छ्‍येकी छ्‍योक नेसुर ख्‍युरुङला वुतुङ के ङ्‍यिङ्‍ज्‍ये क्‍यानी दी यिकी टिवु यिनो।