२ कोरिन्थी 9:2 - कोन्छ्‌योककी सुङ

² च्‍यिलासिसिन ख्‍यिराङ दाल्‍जा किटे कितुपला छासे सेम वे सिरुप ति ङला छ्‍या वे। तीकी कोर्ला माकेडोनियाकी तेपा कितुप मीतिवी चिप्‍ला “ननिङगी लो नेज्‍युनी ख्‍यिराङ अखैयाकी मीतिवी बुल्‍वा तेरुपला टडिक क्‍या वे।” सिनी ङे तेके क्‍यानी सिक्‍या वे। ख्‍यिरा सेमला छासे दाल्‍जा किटे कितुप नो वोतुप तप्‍की तिवी पर्ला मी बङीकी सेमला ङाडेङ ङ्‍येनी वे।

२ कोरिन्थी 9:2 Iomraidhean Croise

लोमा छ्‍येतिवी लाका 18:12

तमा गलियोन ति अखैया लुङ्‍बा ओङ्‍ज्‍येन कितुप मी छ्‍ये वोतुप पेला यहूदीतिवा ख च्‍यिक क्‍यानी पावलकी तेन्‍दोकला लानी पावलला ठिम्‍खाङला टिन गल्‍सिमा

लोमा छ्‍येतिवी लाका 24:17

लो अलायी ज्‍युक्‍ला ङ ङे गिपातिवी पर्ला दुक्‍पाला ख्‍येलुप मीतिवी थोक्‍ला टङ्‍गा बिन्‍नी दाल्‍जा कितुप ताङ कोन्‍छ्‍योकला बुल्‍वा बुलुपला ङ यरूशलेमला वायिन।

रोमी 15:26

च्‍यिलासिसिन यरूशलेमला वोतुप तेपा कितुप मी पेराङ्‍बुतिवी थोक्‍ला माकेडोनिया ताङ अखैयाकी तेपा कितुप मीतिवी गा ताङ क्‍यानी टङ्‍गा चेयी दुम्‍नी कल ताङ वे।

१ कोरिन्‍थी 16:15

अच्‍युनुपतिवा, अखैयाला तेरी सिनाङ गोमाला कोन्‍छ्‍योकला तेपा क्‍यावु स्‍तिफनासकी खाङ्‍बी मीतिवा तेरीला याङ ख्‍यिरा ङो शेकिवी। तिवी कोन्‍छ्‍योकला तेपा कितुप मीतिवाला छासे क्‍यानी दाल्‍जा किटे क्‍यासुङ।

२ कोरिन्थी 1:1

टसी देलेक! दी यिकी ति कोन्‍छ्‍योककी नोवा नेमा ख्रीष्‍ट येशूकी लोमा छ्‍ये च्‍युङ्‍गुप ङ पावल ताङ दाक्‍पी नुप तिमोथी नेसुर कोरिन्‍थीला वोतुप कोन्‍छ्‍योककी चर्चकी मीतिवा ताङ अखैया लुङ्‍बाला वोतुप तेरी कोन्‍छ्‍योकला तेपा कितुप मीतिवाला टिवु यिनो।

२ कोरिन्थी 7:14

तीतस ख्‍यिरा चाला डोप सिनाङ गोमाला ङे तीला ख्‍यिरा थोक्‍ला छासे तेके क्‍यायिन। तमा ख्‍यिरा ङला यिछ्‍येता माजो वे। ङ्‍यिरा ख्‍यिराङला नरी ताम्‍ङे टेङ्‍बु लापिन। तुक क्‍यानी तीतसकी मुला ङ्‍यिरा ख्‍यिरा थोक्‍ला तेके क्‍यावु ति टेङ्‍बु वोतुप हाक्‍कोसुङ।

२ कोरिन्थी 7:4

ङ ख्‍यिराङला छासे लो तेन्‍गिवी। ङ ख्‍यिरा थोक्‍ला छासे तेके कितिन। ख्‍यिराङ नेसुर ङला मङ टोङ्‍गु ङ्‍येन वे। ङला चो छेटाङ ख्‍येल्‍सिनाङ सेमला छासे गा लानी वे।

२ कोरिन्थी 8:10

तमा दीकी कोर्ला ङ ख्‍यिराङला टोङ्‍गु तेरिन। लो खोर्मा यी गोमाला ख्‍यिरा सेम्‍बा सेमगी दाल्‍जा कितुप लाका ति गो चुसुङ। यिन्‍सिनाङ ती तेरी मासिन्‍नी सिन्‍दा कितुप ति ख्‍यिरा नो क्‍या वे।

२ कोरिन्थी 8:11

त याङ ख्‍यिरा नो क्‍यावु लाका ति तेरी सिन्‍दा किसा। ख्‍यिरा तेर थुपा सेक बिन्‍नी ती लाका क्‍या सिन्‍सिमा गोमाला गो जुवु पेला ख्‍यिरा मुला वोतुप ङ्‍यिङ्‍ज्‍ये ति छ्‍या तेन।

२ कोरिन्थी 8:19

तोजो तिराङ मिन, दुवु बुल्‍वा खुर्नी यरूशलेमला डोप पेला ङ्‍यिरा मुला राङ युक डोप सिनी ती नुप तीला चर्चतिवी पेतुप यिनो। ती बुल्‍वा खुरुप लाका ति चोवोला मोवा कितुप ताङ ङ्‍यिरा यम्‍बाला दाल्‍जा कितुप छासे नोवा वोतुप ति छ्‍या देन्‍दुपला यिन।

२ कोरिन्थी 8:24

तुक क्‍यानी ख्‍यिरा तिवाला ङ्‍यिङ्‍ज्‍ये क्‍यानी पङ्‍बु छ्‍या तेन। तुक क्‍यासिन ङ्‍यिरा च्‍यिला ख्‍यिरा कोर्ला तेके क्‍यानोक सिरुप ति चर्चतिवी साङ हाक्‍को थुप्‍शी।

२ कोरिन्थी 8:8

दी ताम्‍ङे ति ङे ख्‍यिराङला क तेरुपला सिक्‍यावु मिन। यिने मी यम्‍बी सेम्‍बा सेमगी दाल्‍जा कितुप लाकाला चो ङ्‍यम्‍ले क्‍यासुङ ती ति ख्‍यिराङला सिक्‍यानी ख्‍यिरा ङ्‍यिङ्‍ज्‍ये क्‍यावु ति टेङ्‍बु यिनोक मिनोक हाक्‍कोवुला सिक्‍यावु यिन।

१ थेसलोनिकी 1:7

ती तप्‍की माकेडोनिया ताङ अखैयाकी तेपा कितुपतिवा तेरीकी पर्ला ख्‍यिराङ पे च्‍यिक च्‍युङ्‍सुङ।

हिब्रू 10:24

तमा दाक्‍पु च्‍यिककी च्‍यिकला ङ्‍यिङ्‍ज्‍ये कितुप ताङ लाका ल्‍यामु कितुपला चुक क्‍यानी टोङ्‍गु तेर गोकिवी, तीकी थोक्‍ला नासाम तोङ्‍गुप।