२ कोरिन्थी 8:4 - कोन्छ्‌योककी सुङ

⁴ तोजो तिराङ मिन, यरूशलेमला वोतुप कोन्‍छ्‍योककी चाङ्‍मा वोतुप मीतिवी थोक्‍ला टङ्‍गा बुल्‍वा कल ताङ्‍नी मुला राङ दाल्‍जा कितुप ङ्‍येशी सिनी तिवी ङ्‍यिराङला गोङ्‍बा शुसुङ।

२ कोरिन्थी 8:4 Iomraidhean Croise

मत्ती 10:42

सी दी छ्‍युङातिवी पर्ला मिरा च्‍यिकला ङे लोमा यिन सिनी छ्‍यु टङ्‍गा फर्वा काङ यिन्‍सिनाङ तेर्किवे, तीला थोपुप छ्‍यक्‍तक ति वुतुङ के तोर्नी मोडोवी।”

मत्ती 12:50

सु देवाच्‍येनला ज्‍यु वोतुप ङे पपी नोवाला युकिवे, तिवा राङ ङे नुप ताङ नुम ताङ आमा यिन।”

मत्ती 25:40

तमा ङे तिवाला दुक सिवी, ‘वुतुङ के ङ ख्‍यिराङला सिरिन, ख्‍यिरा दे वोतुपतिवी पर्ला तेरी सिनाङ छ्‍युङा मिरा च्‍यिकला काङ क्‍यावे, ती ति ङला राङ क्‍यावु यिन।’

मर्कूस 14:7

पेराङ्‍बुतिवा याङ ख्‍यिरा मुला नरी लुकिवी। तुक क्‍यानी नम पेला ख्‍यिरा नो लङ्‍गिवे, ती पेला राङ तिवाला दाल्‍जा कि थुप्‍किवी। यिने ङ याङ नरी ख्‍यिरा मुला मुलुवी।

लोमा छ्‍येतिवी लाका 11:29

तुक क्‍यानी एन्‍टिओखियाला देतुप तेपा कितुप मीतिवी दाक दाक्‍पी काङ अछ्‍योवु ति टङ्‍गा दुनी यहूदियाला देतुप तेपा कितुपतिवी थोक्‍ला कल तोङ्‍गुप सिनी तेन्‍तेन क्‍यासुङ।

लोमा छ्‍येतिवी लाका 16:15

तमा ती पुम्‍पेजा ताङ तीकी खाङ्‍बी मीतिवा तेरीकी बप्‍तिस्‍मा लासिमा तीकी “दोजो ख्‍यिरा ङ्‍यिराङ येशूला तेपा कितुप यिन सिनी नासाम वोसिन ङ्‍यिरा खाङ्‍बाला फेप्‍नी ज्‍यु।” सिनी ङ्‍यिराङला कार क्‍यानी टिसुङ।

लोमा छ्‍येतिवी लाका 24:17

लो अलायी ज्‍युक्‍ला ङ ङे गिपातिवी पर्ला दुक्‍पाला ख्‍येलुप मीतिवी थोक्‍ला टङ्‍गा बिन्‍नी दाल्‍जा कितुप ताङ कोन्‍छ्‍योकला बुल्‍वा बुलुपला ङ यरूशलेमला वायिन।

रोमी 15:31

ङ यहूदियाला वोतुप तेपा मिकिवु मीतिवी लक नेसुर थर थुप्‍शी, तमा यरूशलेमला वोतुप कोन्‍छ्‍योकला तेपा कितुप मीतिवी थोक्‍ला ङे शब्‍ज्‍यी क्‍यावु ति मीतिवी सेमला डोशी।

१ कोरिन्‍थी 16:1

त कोन्‍छ्‍योकला तेपा कितुप यरूशलेमकी मीतिवी थोक्‍ला बुल्‍वा तेरुप कोर्ला गलातियाला वोतुप चर्चतिवाकी मीतिवाला ङे क बिन्‍दुप दोके ख्‍यिराङ साङ किसा।

१ कोरिन्‍थी 16:15

अच्‍युनुपतिवा, अखैयाला तेरी सिनाङ गोमाला कोन्‍छ्‍योकला तेपा क्‍यावु स्‍तिफनासकी खाङ्‍बी मीतिवा तेरीला याङ ख्‍यिरा ङो शेकिवी। तिवी कोन्‍छ्‍योकला तेपा कितुप मीतिवाला छासे क्‍यानी दाल्‍जा किटे क्‍यासुङ।

२ कोरिन्थी 9:1

यरूशलेमला वोतुप तेपा कितुपतिवी थोक्‍ला दाल्‍जा किटे क्‍यावु बुल्‍वाकी कोर्ला याङ ख्‍यिराङला ङे यिकी टिक मोगोवी।

गलाती 2:10

ते तिवी ङ्‍यिराङला पेराङ्‍बुतिवाला दाल्‍जा किटे की सिनी टोङ्‍गु बिन्‍सुङ, ती लाका ति ङला साङ कितुप गा वोतुप्‍जा।

गलाती 6:10

तुक क्‍यानी च्‍यु वोतुप पेला राङ मी तेरीला लाका ल्‍यामु की। खक्‍छ्‍येवुला तेपा कितुपतिवी मिछाङतिवाला मङ ल्‍यामु कि गोकिवी।

१ तिमोथी 5:10

तीकी पुज्‍युङपुमतिवा ल्‍यामु क्‍यानी र्‍होलुप ताङ खोरो खाङ्‍बा वुङ्‍गुप डेन्‍बुतिवाला ताङ्‍देन क्‍यावु ताङ कोन्‍छ्‍योकला तेपा कितुपतिवाला शब्‍ज्‍यी क्‍यावु ताङ दुक्‍पाला ख्‍येलुपतिवाला दाल्‍जा किटे कितुप ताङ लाका काङ साङ ल्‍यामु क्‍यानी मी यम्‍बाला खोरो किताङ नालु ल्‍यामु वोतुप ति छ्‍या तेन्‍दुप वुङ गोकिवी।

हिब्रू 6:10

ख्‍यिरा यम्‍बा तेपा कितुपतिवाला शब्‍ज्‍यी क्‍यासुङ, तमा तरोङ साङ कियी वे। कोन्‍छ्‍योक ति मीला ख्‍ये मापेवा क्‍यानी ठिम क्‍या नङ्‍गुप कोन्‍छ्‍योक यिन। खोला तेपा कितुपतिवाला ख्‍यिरा शब्‍ज्‍यी क्‍यावु ताङ ङ्‍यिङ्‍ज्‍ये क्‍यावु ति खोकी मेज्‍येवी।