२ कोरिन्थी 8:2 - कोन्छ्‌योककी सुङ

² तिवा चो खोक्‍पा ल्‍हाप दुक्‍पातिवाला ख्‍येल्‍सिनाङ छासे सेम गा कितुप ताङ माङ्‍शोक मीतिवा पेराङ्‍बु वोसिनाङ दुक्‍पाला ख्‍येलुप मीतिवाला सेम्‍बा सेमगी दाल्‍जा किटे क्‍यासुङ।

२ कोरिन्थी 8:2 Iomraidhean Croise

मत्ती 20:15

ङे टङ्‍गाला ङरा काङ कितुप नो वे, तुकै राङ कितुप मेङ्‍येवी रो? ङे च्‍यम्‍बा वोतुप तप्‍की ख्‍युरुङ ठतोक किवी?’

रोमी 12:8

मीला टोङ्‍गु तेरुप यिन्‍सिन ल्‍यामु क्‍यानी टोङ्‍गु तेरुप लाका कि गोकिवी। बुल्‍दिर ग्‍यकुप यिन्‍सिन सेमगी दिङ नेज्‍युनी बुल्‍दिर ग्‍यक गोकिवी। ग्‍येला कितुप यिन्‍सिन टेमु क्‍यानी ग्‍येला कि गोकिवी। च्‍यम्‍बा कितुप यिन्‍सिन गा ताङ क्‍यानी च्‍यम्‍बा कितुप छ्‍या देन गोकिवी।

रोमी 2:4

याङ्‍ना कोन्‍छ्‍योककी ख्‍युरुङला सेम ग्‍युर च्‍यिनी दिक्‍पा ने थर ज्‍यितुपला गा कितुप ति हाक्‍माकोनी खोकी च्‍यम्‍बा ताङ हम क्‍या देतुप ताम्‍ङेला मो बेप्‍किवी रो?

२ कोरिन्थी 1:12

ङ्‍यिराङ दी ताम्‍ङेला तेके किवी, तमा ङ सेम टेङ्‍बुकी पङ्बु तेरिन। दी जम्‍बुलिङला देनी क्‍यावु ङ्‍यिरा किताङ नालु ताङ खक्‍छ्‍येवुला ख्‍यिरा मुकी तम्‍जीला ताम्‍ङे जिनोक माजोनी कोन्‍छ्‍योक नेमा वावु टेङ्‍बुला क्‍यावु यिन। ङ्‍यिरा तुक क्‍यावु ति जम्‍बुलिङकी रिक्‍पा नेमा वावु मिन, कोन्‍छ्‍योककी कटिन नेमा वावु यिन।

२ कोरिन्थी 2:9

ङे सिक्‍यावु ति ङ्‍येन्‍गिवे मेङ्‍येन्‍वे ल्‍हापला ताङ ख्‍यिराङ खला ङ्‍येमु वोतुप मेतुप हाक्‍कोवुला राङ ङे ती यिकी ति ख्‍यिराङला टिवु यिनो।

२ कोरिन्थी 6:10

सेम्‍दुक लासिनाङ नरी गा लानी वे। पेराङ्‍बु वोसिनाङ मी बङीला छ्‍युक्‍पु जो थुपुप वे। काङ मेतुप दोके वोसिनाङ तेरी वोतुप दोके वे।

२ कोरिन्थी 9:11

तमा कोन्‍छ्‍योककी ख्‍यिराङला काङ क्‍यासिनाङ तेरी ताम्‍ङेला मोलाम नङ्‍गिवी, तुक क्‍यासिन ख्‍यिरा नरी सेम्‍बा सेमगी बुल्‍वा तेर थुप्‍किवी। तमा दाक्‍पी ती बुल्‍वा ति गोवु मीतिवाला तेरुप पेला तिवी कोन्‍छ्‍योकला थुचिछे बुल्‍गिवी।

२ कोरिन्थी 9:13

ख्‍यिरा तिवी थोक्‍ला बुल्‍वा बिन्‍नी ख्रीष्‍टकी लेन ल्‍यामुला वोतुप सुङला युसुङ, तमा ख्‍यिरा सेम पेनी कोन्‍छ्‍योकला तेपा कितुप मीतिवा ताङ मी बङीकी थोक्‍ला दाल्‍जा किटे क्‍यानी पङ्‍बु छ्‍या तेन्‍दुप तप्‍की मीतिवी कोन्‍छ्‍योकला मोवा किवी।

१ थेसलोनिकी 1:6

ख्‍यिराङला छेटाङ ताङ दुक्‍पा बङी च्‍युङ्‍सिनाङ कोन्‍छ्‍योककी थु चाङ्‍माकी लोदिमु नङ्‍गुप तप्‍की ख्‍यिरा कोन्‍छ्‍योककी सुङ ल्‍यामु क्‍यानी ङ्‍येन्‍सुङ। तुक क्‍यानी ख्‍यिरा ङ्‍यिराङ ताङ चोवो येशूकी दोके लुमु सेतुप च्‍युङ्‍सुङ।

१ थेसलोनिकी 2:14

अच्‍युनुपतिवा, ख्‍यिराङ यहूदियाला वोतुप तेपा कितुप कोन्‍छ्‍योककी चर्चकी मीतिवी दोके लुमु सेतुप च्‍युङ्‍सुङ। च्‍यिलासिसिन यहूदियाला वोतुप तेपा कितुप मीतिवाला तेपा मिकिवु यहूदीतिवी छेटाङ बिन्‍दुप दोके ख्‍यिरा साङ ख्‍यिरा लुङ्‍बी मीतिवा नेसुर छेटाङ खुरिन वे।

याकूब 2:5

तुक क्‍यानी ङे ङ्‍यिङ्‍ज्‍येवु अच्‍युनुपतिवा, दी ताम्‍ङे ङ्‍येना। जम्‍बुलिङला वोतुप पेराङ्‍बुतिवाला कोन्‍छ्‍योककी पेनी तिवी क्‍यावु तेपाला छ्‍युक्‍पु जोनी खोला ङ्‍यिङ्‍ज्‍ये कितुपतिवाला तेरिन सिनी खोकी थाक्‍छ्‍येन नङ्‍गुप ग्‍येल्‍खापला दे छ्‍योवु जो मनङ्‍गिवी रो?

ज्‍यल्‍का 2:9

ख्‍युरुङ छेटाङला ख्‍येलुप ताङ पेराङ्‍बु वोतुप ति ङला छ्‍या वे। यिने ख्‍युरुङ याङ पेराङ्‍बु मिन, छ्‍युक्‍पु यिन। ख तिराङकी ङ यहूदी यिन सिरुप मीतिवी ख्‍यिराङला क्‍येन बिन्‍नी ख्‍यिरा तेन्‍दोकला लावु साङ ङला छ्‍या वे। तिवा ति शैतानकी छ्‍योक्‍पाकी मीतिवा यिन।