२ कोरिन्थी 8:1 - कोन्छ्‌योककी सुङ

¹ अच्‍युनुपतिवा, माकेडोनिया लुङ्‍बाला वोतुप चर्चतिवाला कोन्‍छ्‍योककी कटिन नङ्‍गुप कोर्ला ङ्‍यिराङ ख्‍यिराङला सिरिन।

२ कोरिन्थी 8:1 Iomraidhean Croise

मत्ती 25:22

ती ज्‍युक्‍ला सेरकी डप्‍बु ङ्‍यी ङ्‍येतुप लावा ति साङ वानी, ‘ज्‍यिन्‍दाक, ज्‍यिन्‍दाककी ङला सेरकी डप्‍बु ङ्‍यी तेन ज्‍याक्‍सुङ। ल्हो ताङ, ङे यम्‍बा सेरकी डप्‍बु ङ्‍यी ल्‍हक्‍पा शमिन।’ सिनी सिक्‍यासुङ।

लोमा छ्‍येतिवी लाका 11:23

बारनाबास ते लेप्‍सिमा तेकी मीतिवाला कोन्‍छ्‍योककी कटिन थोपुप थोङ्‍नी गा क्‍यासुङ। तमा सेमगी दिङ नेज्‍युनी चोवो येशूला तेपा रम्‍बु क्‍यानी दे गोकितो सिनी तिवाला टोङ्‍गु बिन्‍सुङ।

लोमा छ्‍येतिवी लाका 16:9

ती नुपला माकेडोनियाकी मी यी पावलकी चाला वानी, “माकेडोनियाला वानी ङ्‍यिराङला दाल्‍जा किटे की!” सिनी गोङ्‍बा शुवु ति पावलकी ज्‍यल्‍का थोङ्‍नोक।

लोमा छ्‍येतिवी लाका 24:17

लो अलायी ज्‍युक्‍ला ङ ङे गिपातिवी पर्ला दुक्‍पाला ख्‍येलुप मीतिवी थोक्‍ला टङ्‍गा बिन्‍नी दाल्‍जा कितुप ताङ कोन्‍छ्‍योकला बुल्‍वा बुलुपला ङ यरूशलेमला वायिन।

रोमी 15:26

च्‍यिलासिसिन यरूशलेमला वोतुप तेपा कितुप मी पेराङ्‍बुतिवी थोक्‍ला माकेडोनिया ताङ अखैयाकी तेपा कितुप मीतिवी गा ताङ क्‍यानी टङ्‍गा चेयी दुम्‍नी कल ताङ वे।

१ कोरिन्‍थी 15:10

यिन्‍सिनाङ ङ तन्‍दा दुकै च्‍युङ्‍गुप ति कोन्‍छ्‍योककी कटिन नेसुर राङ च्‍युङ्‍गुप यिन। खोकी ङला नङ्‍गुप कटिन ति तेर्मेला मागल। ङे याङ यम्‍बा लोमा छ्‍येतिवा सिनाङ मङ टेमु क्‍यायिन। ती ति ङे राङ क्‍यावु मिन, यिने ङे मुला वोतुप कोन्‍छ्‍योककी कटिन नेमा क्‍यावु यिन।

२ कोरिन्थी 11:9

ख्‍यिरा मुला वोतुप पेला ङला टङ्‍गी कतुकार ख्‍येल्‍सुङ, यिन्‍सिनाङ ङे ख्‍यिराङ सुला साङ कले मालाङ। च्‍यिलासिसिन माकेडोनिया नेसुर वावु तेपा कितुप अच्‍युनुपतिवी राङ ती ङे कतुकारला दाल्‍जा किटे क्‍यासुङ। ती तप्‍की ङे चुका पर यी क्‍यासिनाङ ख्‍यिराङला कले मेख्‍येल्‍शी सिनी हम क्‍या देतिन। ज्‍युक्‍ला सेक साङ ङ तुक राङ कितिन।

२ कोरिन्थी 9:12

ती ख्‍यिरा बिन्‍दुप बुल्‍वा तीकी यरूशलेमला वोतुप कोन्‍छ्‍योककी पुज्‍युङपुमतिवी कतुकार क्‍योङ्‍गिवी। तोजो तिराङ मिन, तिवा बङीकी कोन्‍छ्‍योकला मङ थुचिछे बुल्‍गिवी।

२ कोरिन्थी 9:2

च्‍यिलासिसिन ख्‍यिराङ दाल्‍जा किटे कितुपला छासे सेम वे सिरुप ति ङला छ्‍या वे। तीकी कोर्ला माकेडोनियाकी तेपा कितुप मीतिवी चिप्‍ला “ननिङगी लो नेज्‍युनी ख्‍यिराङ अखैयाकी मीतिवी बुल्‍वा तेरुपला टडिक क्‍या वे।” सिनी ङे तेके क्‍यानी सिक्‍या वे। ख्‍यिरा सेमला छासे दाल्‍जा किटे कितुप नो वोतुप तप्‍की तिवी पर्ला मी बङीकी सेमला ङाडेङ ङ्‍येनी वे।

२ कोरिन्थी 9:4

दोजो ललाइ माकेडोनियाकी तेपा कितुप मीतिवा ङ ताङ मुला ख्‍यिरा ते वुङ्‍गुप पेला ख्‍यिराङ बुल्‍वा दुतुप टडिक मेतुप हाक्‍कोसिन ख्‍यिराङ ङोछाला ख्‍येल्‍गितो, ङ्‍यिराङ साङ ङोशी मारेला ख्‍येल्‍गितो। च्‍यिलासिसिन ङ्‍यिरा ख्‍यिराङला छासे रेवा ग्‍येर्पु क्‍या वे।

एफिसी 3:8

खोला तेपा कितुप मीतिवा तेरीकी पर्ला ङ ति तेरी सिनाङ छ्‍युङा यिन्‍सिनाङ ख्रीष्‍टकी मोलाम नङ्‍गुप ग्‍यक्‍चेकी लेन ल्‍यामु ति यहूदी मिन्‍दुप मिरिक यम्‍बातिवाला ख्‍याप्‍टाक कितुपला ङला दी कटिन ति नङ्‍गुप यिन।

कलस्सी 1:29

ख्रीष्‍टकी ङे सेमगी दिङ्‍ला ङार नङ्‍गुप तप्‍की राङ ङ दी लाका ति छासे टेमु क्‍यानी कितिन।

१ थेसलोनिकी 4:10

माकेडोनियाकी तेरी अच्‍युनुपतिवाला ख्‍यिराङ वुतुङ के ङ्‍यिङ्‍ज्‍ये कियी वे। अच्‍युनुपतिवा, तरोङ साङ मङ ल्‍हक्‍पा तुक राङ क्‍यानी ङ्‍यिङ्‍ज्‍ये की सिनी ङ ख्‍यिराङला टोङ्‍गु तेरिन।