२ कोरिन्थी 7:9 - कोन्छ्‌योककी सुङ

⁹ त याङ ङ गा लावे, ती ति ख्‍यिराङला पप लानोक सिनी मिन, यिने ती पपकी राङ ख्‍यिराङला सेम ग्‍युरुप जोवु तप्‍की यिन। ख्‍यिरा कोन्‍छ्‍योककी नोवा काङ यिन सिनी नासाम तङ्‍नी रङगी क्‍यावु लाकाला पप क्‍यावु तप्‍की ङ्‍यिरा नेसुर ख्‍यिराङला काङ साङ मेलोवा माच्‍युङ्‍सुङ।

२ कोरिन्थी 7:9 Iomraidhean Croise

मत्ती 3:8

ख्‍यिराङ ‘दाक दाक्‍पु दिक्‍छेन यिन।’ सिनी सेम ग्‍युर्नी कोन्‍छ्‍योकला वावु यिन्‍सिन तीकी पङ्‍बु ति छ्‍या तेन।

लूका 15:10

ङ ख्‍यिराङला सिरिन, दी दोके दिक्‍पा ने खोरो सेम ग्‍युरुप दिक्‍छेन मिरा च्‍यिककी थोक्‍ला कोन्‍छ्‍योककी लेन क्‍योलुप थुतिवा गा किवी।”

लूका 15:32

यिने दी ख्‍योरो नुप याङ शिसुङ, यिने येलुङ सेन्‍बु लासुङ। तोर्सुङ, यिने त याङ ङ्‍येसुङ। तुक क्‍यानी दाक्‍पी गा ताङ किर्मु कि राङ गोकिवी।’”

लूका 15:7

ङ ख्‍यिराङला सिरिन, दी दोके दिक्‍पा ने सेम ग्‍युर मोगोवु मी टेङ्‍बु मिरा खाल गु ताङ गु सिनाङ दिक्‍पा ने सेम ग्‍युरुप मी मिरा च्‍यिककी थोक्‍ला देवाच्‍येनला मङ गा किवी।”

लोमा छ्‍येतिवी लाका 20:21

ङ दिक्‍छेन यिनोक सिनी सेम ग्‍युर्नी कोन्‍छ्‍योककी सुङला ङ्‍येन्‍दुप ताङ येशूला तेपा कि गोकिवी सिरुप ताम्‍ङे ति यहूदीतिवा ताङ ग्रीकतिवाला ङे पङ्‍बु बिनिन।

२ कोरिन्थी 1:12

ङ्‍यिराङ दी ताम्‍ङेला तेके किवी, तमा ङ सेम टेङ्‍बुकी पङ्बु तेरिन। दी जम्‍बुलिङला देनी क्‍यावु ङ्‍यिरा किताङ नालु ताङ खक्‍छ्‍येवुला ख्‍यिरा मुकी तम्‍जीला ताम्‍ङे जिनोक माजोनी कोन्‍छ्‍योक नेमा वावु टेङ्‍बुला क्‍यावु यिन। ङ्‍यिरा तुक क्‍यावु ति जम्‍बुलिङकी रिक्‍पा नेमा वावु मिन, कोन्‍छ्‍योककी कटिन नेमा वावु यिन।

२ कोरिन्थी 2:16

ती टी जङ्‍बु ति ना डोपतिवी थोक्‍ला नरीकी नरी शेप तेन्‍दोक यिन, दिक्‍पा ने थरुपतिवी थोक्‍ला मिजी थोपुप तेन्‍दोक यिन। तमा तुका लाका ग्‍येर्पु कितुप ति सु वे रो?

२ कोरिन्थी 7:8

ङे ख्‍यिराङला यिकी टिन तङ्‍नी ख्‍यिराङला सेम्‍दुक लासिनाङ तीकी कोर्ला ङे लाका मेलोवा क्‍यायिन सिनी नासाम मोतोङ, च्‍यिलासिसिन ती यिकीकी चेयी पर सेक तिराङ ख्‍यिराङला सेम ना च्‍यिनी वे सिरुप ति ङला छ्‍या वे।