२ कोरिन्थी 7:4 - कोन्छ्‌योककी सुङ

⁴ ङ ख्‍यिराङला छासे लो तेन्‍गिवी। ङ ख्‍यिरा थोक्‍ला छासे तेके कितिन। ख्‍यिराङ नेसुर ङला मङ टोङ्‍गु ङ्‍येन वे। ङला चो छेटाङ ख्‍येल्‍सिनाङ सेमला छासे गा लानी वे।

२ कोरिन्थी 7:4 Iomraidhean Croise

लोमा छ्‍येतिवी लाका 5:41

तमा लोमा छ्‍येतिवा येशूकी मिङला छेटाङ दुङल खुर छ्‍योवु च्‍युङ थुप्‍सुङ सिनी गा कियी सिरा छ्‍योखाङ नेमा पाङ्‍ला थेन गाल।

रोमी 5:3

तोजो तिराङ मिन, दाक्‍पु छेटाङला ख्‍येलुप पेला साङ गा क्‍यानी दे थुप्‍किवी। च्‍यिलासिसिन छेटाङ ख्‍येल्‍सिमा ती छेटाङकी राङ दाक्‍पुला हम क्‍या दे थुपुप जेवी।

१ कोरिन्‍थी 1:4

ङ ख्‍यिरा थोक्‍ला कोन्‍छ्‍योकला नरी थुचिछे बुलिन, च्‍यिलासिसिन येशू ख्रीष्‍ट नेसुर खोकी ख्‍यिराङला कटिन नङ वे।

२ कोरिन्थी 1:14

यिने तिङ्‍ला ति ख्‍यिरा तेरी हाक्‍को थुप्‍किवी सिनी ङ रेवा कितिन। तुक क्‍यानी दाक्‍पी चोवो येशू फेवु तुजेला ङ्‍यिरा ख्‍यिरा थोक्‍ला तेके क्‍यावु दोके ख्‍यिरा ङ्‍यिरा थोक्‍ला तेके किवितो।

२ कोरिन्थी 1:4

खोकी ङ्‍यिराङला तेरी परकी दुक्‍पा ख्‍येलुप पेला टोङ्‍गु नङ्‍गिवी। तुक क्‍यानी ङ्‍यिरा साङ खोकी नङ्‍गुप टोङ्‍गु नेमा मी ललाइला दुक्‍पा ख्‍येल्‍सिन तिवाला टोङ्‍गु तेर थुप्‍किवी।

२ कोरिन्थी 10:8

च्‍यिलासिसिन चोवो येशूकी ङ्‍यिराङला चो ओङ्‍ज्‍येन नङ वे, तीकी कोर्ला ङे ल्‍हक्‍पा तेके क्‍यासिनाङ ङ तीकी थोक्‍ला ङोछा मिकी। ती ओङ्‍ज्‍येन ति ख्‍यिराङला ना तोङ्‍गुपला मिन, ख्‍यिरा तेपा रम्‍बु जोपला नङ्‍गुप यिन।

२ कोरिन्थी 11:21

ङ ङोछा लासिनाङ ती ताम्‍ङे किवी, ङ्‍यिरा याङ तिवी दोके काङ साङ कि मुथुपी। यिने मी ललाइकी तेके किवी सिसिन, ङ साङ तेके राङ कितिन। ङला ती तेके कितुप ति अम्‍बारङ्‍शिङ यिन सिनी छ्‍या वे।

२ कोरिन्थी 2:14

यिने कोन्‍छ्‍योकला थुचिछे, च्‍यिलासिसिन खोकी ङ्‍यिराङला शैतानकी खला ओङ्‍ज्‍येन कितुपला नरी ख्रीष्‍ट नेसुर गोमा किवी। तमा खोकी ख्रीष्‍टकी कोर्ला वोतुप रिक्‍पा ति छो ज्‍यीला फेल ज्‍यितुपला ङ्‍यिराङला दाल्‍जा किवी। ती रिक्‍पा ति टी जङ्‍बु खाप यिन।

२ कोरिन्थी 3:12

तुक क्‍यानी ङ्‍यिराङला तुका रेवा वोतुप तप्‍की ङ्‍यिराङ छासे ङाडेङ कितुप गल वे।

२ कोरिन्थी 7:14

तीतस ख्‍यिरा चाला डोप सिनाङ गोमाला ङे तीला ख्‍यिरा थोक्‍ला छासे तेके क्‍यायिन। तमा ख्‍यिरा ङला यिछ्‍येता माजो वे। ङ्‍यिरा ख्‍यिराङला नरी ताम्‍ङे टेङ्‍बु लापिन। तुक क्‍यानी तीतसकी मुला ङ्‍यिरा ख्‍यिरा थोक्‍ला तेके क्‍यावु ति टेङ्‍बु वोतुप हाक्‍कोसुङ।

२ कोरिन्थी 8:24

तुक क्‍यानी ख्‍यिरा तिवाला ङ्‍यिङ्‍ज्‍ये क्‍यानी पङ्‍बु छ्‍या तेन। तुक क्‍यासिन ङ्‍यिरा च्‍यिला ख्‍यिरा कोर्ला तेके क्‍यानोक सिरुप ति चर्चतिवी साङ हाक्‍को थुप्‍शी।

फिलिप्पी 1:14

ङ चोन्‍खाङला शोर्सिमा माङ्‍शोक तेपा कितुप अच्‍युनुपतिवा ङार छ्‍येवु गल्‍नी कोन्‍छ्‍योककी सुङ ङाडेङ क्‍यानी ख्‍याप्‍टाक क्‍यासुङ।

फिलिप्पी 1:20

ङे खक्‍छ्‍येवुला कि राङ गोवु लाका ताङ रेवा ति दी यिन। ङ नाम्‍साङ ङोछाला माख्‍येल्‍नी छासे ङाडेङ ङ्‍येनी शिसिनाङ सेन्‍बु वोसिनाङ नरी दोके तन्‍दा साङ ङे मिजी ति ख्रीष्‍टकी थोक्‍ला मोवा कितुप डोशी।

फिलिप्पी 1:26

तुक क्‍यानी ङ येलुङ ख्‍यिरा ते वुङ्‍गुप पेला ख्‍यिरा ङे थोक्‍ला येशू ख्रीष्‍टला मङ सोवा देक थुप्‍किवी।

फिलिप्पी 2:17

ख्‍यिरा कोन्‍छ्‍योकला तेपा क्‍यावु ताङ शब्‍ज्‍यी क्‍यावु ति जिन्‍बा बुलुप दोके राङ यिन। ती जिन्‍बाकी थोक्‍ला ङ शि राङ गोसिनाङ शि थुप्‍किवी। तमा ख्‍यिराङ तेरीकी मुला ङ छासे गा कितिन।

कलस्सी 1:24

त याङ ङ ख्‍यिरा थोक्‍ला दुक्‍पा खुरुपला गा कितिन। तमा ख्रीष्‍टकी जु यिन्‍दुप चर्चकी थोक्‍ला खुर गोवु दुक्‍पा ताङ छेटाङ ति ङे जुला खुर्नी तेरी कितिन।

१ थेसलोनिकी 2:19

च्‍यिलासिसिन चोवो येशू फेपुप पेला खोकी दोङ्‍ला ङ्‍यिरा रेवा ताङ लोदिमु ताङ तेके क्‍यावु उशाक ति काङ ख्‍यिराङ राङ मिन रो?

१ थेसलोनिकी 2:2

गोमाला ङ्‍यिराङ फिलिप्‍पीला वोतुप पेला छेटाङ खुरुप ताङ तेकी मीतिवी ङ्‍यिराङला ङ्‍यिङ्‍मर क्‍यावु ति ख्‍यिराङला छ्‍या वे। ङ्‍यिराङ थेसलोनिकेला वासिमा साङ तेकी मीतिवा ङ्‍यिरा तेन्‍दोकला लासुङ, यिन्‍सिनाङ कोन्‍छ्‍योककी ङ्‍यिराङला ङाडेङ नङ्‍गुप तप्‍की खोकी लेन ल्‍यामु ति ख्‍यिराङला ख्‍याप्‍टाक क्‍यायिन।

२ थेसलोनिकी 1:4

ख्‍यिराङ चो छेटाङ ताङ शैतानकी खोक्‍पा ल्‍हाप ताम्‍ङेतिवा ख्‍येल्‍सिनाङ येशूला तेपा रम्‍बु क्‍या देतुप ताङ हम क्‍यानी देतुप तप्‍की ङ्‍यिराङ कोन्‍छ्‍योकला तेपा कितुप चर्चकी मीतिवी पर्ला तेके कियी वे।

फिलेमोन 1:7

आङो, ख्‍योरो क्‍यावु ङ्‍यिङ्‍ज्‍येकी ङला छासे गा ताङ सेमला ङाडेङ बङी ङ्‍येनी वे। च्‍यिलासिसिन कोन्‍छ्‍योकला तेपा कितुप मीतिवी सेमला ख्‍योरो लोदिमु जो वे।

याकूब 1:2

ङे ङ्‍यिङ्‍ज्‍येवु अच्‍युनुपतिवा, ख्‍यिरा मिजीला छेटाङ ताङ दुङलतिवा ख्‍येल्‍नी वासिन ती पेला ख्‍यिराङ छासे क्‍यानी गा किसा।