२ कोरिन्थी 7:3 - कोन्छ्‌योककी सुङ

³ ङे ख्‍यिराङला क्‍येन तेरुपला दी ताम्‍ङे सिक्‍यावु मिन। गोमाला साङ ङे सिक्‍यायी, ङ्‍यिरा सेमला ख्‍यिराङ राङ वे। ङ्‍यिराङ शिसिनाङ सेन्‍बु वोसिनाङ ख्‍यिरा मुला नरी तम्‍जी लुकिवी।

२ कोरिन्थी 7:3 Iomraidhean Croise

२ कोरिन्थी 11:11

तुक सिक्‍यावु ति ङे ख्‍यिराङला ङ्‍यिङ्‍ज्‍ये माक्‍यावु तप्‍की यिन रो? ङ ख्‍यिराङला ङ्‍यिङ्‍ज्‍ये कितिन। ती ति कोन्‍छ्‍योकला तेरी छ्‍या वे।

२ कोरिन्थी 12:15

ङ ख्‍यिरा थोक्‍ला छासे गा क्‍यानी ङे मुला वोतुप तेरी डोसुम तोङ्‍गुप ताङ ङे मिजी साङ तेरिन। ङे ख्‍यिराङला तुका मङ्‍मु ङ्‍यिङ्‍ज्‍ये क्‍यासिनाङ ख्‍यिरा ङला ङ्‍यिङ्‍ज्‍ये मिकिवी?

२ कोरिन्थी 13:10

ख्‍यिरा मु नेसुर ङ थाक्‍रिङ्‍बु वोतुप तप्‍की दी यिकी टिकिन वोतो। दीकी तेन्‍दोक ति ङ ख्‍यिरा ते वुङ्‍गुप पेला चोवोकी ङला नङ्‍गुप ओङ्‍ज्‍येन नेसुर ङे ख्‍यिराङला च्‍युरुवु कि मोगोशिता। ती ओङ्‍ज्‍येन ति ख्यिराङला ना तोङ्‍गुपला मिन, तेपा रम्‍बु जोपला यिन।

२ कोरिन्थी 3:2

ख्‍यिराङ ति ङ्‍यिरा थोक्‍ला तेरीकी हाक्‍कोवु ताङ लोप थुपुपला टिवु यिकी यिनो। ती यिकी ति ङ्‍यिरा सेमला राङ टिनी वोतो।

२ कोरिन्थी 7:12

तुक क्‍यानी ङे ती यिकी टिवु ति लाका मेलोवा कितुप मी थोक्‍ला मिन, याङ्‍ना मी यम्‍बी खुरुङला लाका मेलोवा क्‍यानी सेम्‍दुक वोतुप मी थोक्‍ला साङ मिन। यिने कोन्‍छ्‍योककी थोङ्‍दाङला ङ्‍यिराङला ख्‍यिरा चो टेन्‍दा किनोक सिरुप ति छ्‍या देन्‍दुपला टिवु यिन।

फिलिप्पी 1:7

ख्‍यिराङ तेरीकी थोक्‍ला ङे दी नासाम तङ्‍गुप ति टेके यिन। च्‍यिलासिसिन तसाम ङ चोन्‍खाङला वोतुप पेला ताङ चोन्‍खाङ नेमा तेन्‍नी लेन ल्‍यामु ख्‍याप्‍टाक कितुप ताङ तीला तेन्‍तेन कितुप पेला कोन्‍छ्‍योककी नङ्‍गुप कटिनला ख्‍यिरा ङ ताङ मुला लाका क्‍यासुङ। तुक क्‍यानी ख्‍यिराङला नरी ङे सेमला ज्‍याङ वे।

१ थेसलोनिकी 2:8

तुक क्‍यानी ङ्‍यिरा ख्‍यिराङला छासे ङ्‍यिङ्‍ज्‍ये लानी कोन्‍छ्‍योककी लेन ल्‍यामु तिराङ ख्‍याप्‍टाक क्‍यावु मिन, ङ्‍यिरा मिजी साङ ख्‍यिरा थोक्‍ला तेरुप छलिन।