२ कोरिन्थी 5:1 - कोन्छ्‌योककी सुङ

¹ दाक्‍पुला छ्‍या वे, दाक्‍पी जु ति ती जम्‍बुलिङला देतुपला ग्‍यावु कुर दोके यिन। दी ति ना डिवी, यिने कोन्‍छ्‍योककी दाक्‍पुला जु सम्‍बा नङ्‍नी वे। ती ति देवाच्‍येनला नरीकी नरी देतुप खाङ्‍बा यिन। ती खाङ्‍बा ति मी लाक्‍पी जोवु मिन।

२ कोरिन्थी 5:1 Iomraidhean Croise

मर्कूस 14:58

“दीकी ‘ङ दी मीकी जोवु ल्‍हङाङ ति र्‍हम्‍नी मीकी माजोवु ल्‍हङाङ यम्‍बा ति ङ्‍यिमा सुमकी नाङ्‍ला राङ जोयी।’ सिनी सिक्‍यावु ति ङ्‍यिरा थोसुङ।”

लोमा छ्‍येतिवी लाका 7:48

क्‍यासिनाङ चोछ्‍येवु कोन्‍छ्‍योक ति मी जोवु खाङ्‍बी नाङ्‍ला मुज्‍युयी। तीकी थोक्‍ला कोन्‍छ्‍योककी लुङ्‍तेम्‍बाकी दुक सिक्‍या वे,

१ कोरिन्‍थी 3:9

ङ्‍यिराङ ति कोन्‍छ्‍योककी थोक्‍ला मुला राङ लाका कितुपतिवा तिराङ यिन। तमा ख्‍यिराङ ति कोन्‍छ्‍योककी शिङ ताङ खोकी जोवु खाङ्‍बा यिन।

२ कोरिन्थी 4:7

यिने ङ्‍यिरा ख्‍याप्‍टाक क्‍यावु खक्‍छ्‍येवु लेन ल्‍यामु ति छ्‍यकुप थली नेक्‍योक नाङ्‍ला ज्‍याङ वे। तीकी तेन्दोक ति तेरी सिनाङ ओङ्‍ज्‍येन छ्‍ये ति ङ्‍यिरा नेसुर वावु मिन, कोन्‍छ्‍योक नेमा वावु यिन सिनी छ्‍या देन्‍दुपला यिन।

२ कोरिन्थी 5:4

दाक्‍पु दी जम्‍बुलिङकी खाङ्‍बाला मिजी क्‍योङ्‍गुप पेला पप क्‍यानी ङ्‍येन्‍बी सोक तोङ्‍गिवी। ती ति जम्‍बुलिङकी जु ति क्‍युर्नी ज्‍योकुपला मिन, देवाच्‍येनकी जु ङ्‍येतुपला यिन। तुक क्‍यासिन दाक्‍पी शिनी डोप जु ति नाम्‍साङ मिशिवु जु सम्‍बाला फोकिवी।

कलस्सी 2:11

ख्‍यिराङ खोला तेपा क्‍यानी यहूदी च्‍येतुप लुक्‍सु क्‍यावु यिन। ती च्‍येतुप लुक्‍सु ति मी लाक्‍पी क्‍यावु मिन, ख्रीष्‍ट नेमा राङ च्‍युङ्‍गुप यिन। ती ति ख्‍यिराङला वोतुप दिक्‍पाकी किताङ नालु क्‍युरुप यिन।

२ तिमोथी 1:12

ती तप्‍की ङला दुक्‍पा वोसिनाङ तीकी थोक्‍ला ङ ङोछा मिकी। च्‍यिलासिसिन ङे सुला तेपा क्‍या वे, ती ति ङला ल्‍यामु क्‍यानी छ्‍या वे। खो माफेवा सेक खोकी ङला चेक तेन नङ्‍गुप लाका ति खोकी राङ र्‍होक्‍नी ज्‍योकिवी सिरुप ति ङला तेन्‍तेन वे।

हिब्रू 11:10

च्‍यिलासिसिन अब्राहामकी नरी लुवु खासा वोतुप ग्‍येसाकी थोक्‍ला रेवा क्‍यानी गु देनोक। ती ग्‍येसाकी थोक्‍ला नासाम तोङ्‍गुप ताङ जो नङ्‍गुप ति कोन्‍छ्‍योक राङ यिन।

हिब्रू 9:11

यिने येशू ख्रीष्‍ट याङ दे वावु ताम्‍ङे ल्‍यामु तेरीकी कोर्ला कोङ्‍यार छ्‍ये दोके च्‍युङ्‍नी फेप्‍सुङ। खो फेवु दासा चाङ्‍मा ति तेरी सिनाङ ग्‍येर्पु ताङ खक्‍छ्‍येवु वोतुप दासा यिन। ती दासा ति मी लाक्‍पी जोवु मिन, दी जम्‍बुलिङकी दासा दोके साङ मिन।

हिब्रू 9:24

तुक क्‍यानी ख्रीष्‍ट याङ मी लाक्‍पी जोवु चाङ्‍मा वोतुप कुरकी नाङ्‍ला फेवु मिन, ती कुर ति देवाच्‍येनकी कुर नेसुर पेशुवु तिराङ यिन। यिने खो ती देवाच्‍येनला राङ फेप्‍सिमा दाक्‍पी छ्‍योकला कोन्‍छ्‍योककी थोङ्‍दाङला ज्‍यु वे।

१ पत्रुस 1:4

ती तिराङ मिन, कोन्‍छ्‍योककी खोरे पेन नङ्‍गुप मीतिवाला थोपुप मोलाम साङ नाङ्‍सुङ। ती मोलाम ति ना मोडोवु ताङ मेटेङ्‍बु मोडोवु ताङ नाम्‍साङ मेसेतुप यिन, तमा ती मोलाम ति दाक्‍पुला खोकी ग्‍येल्‍खापला टडिक क्‍यानी वे।

२ पत्रुस 3:11

दी तेरी च्‍यालकतिवा ना डिवी सिरुप हाक्‍कोनी ख्‍यिरा मिजी ति चुक क्‍यानी टेङ्‍बु ताङ कोन्‍छ्‍योककी सुङला युक गोकिवी सिरुप ति नासाम तोङ।

१ यूहन्‍ना 3:14

दाक्‍पुला याङ शेप छ्‍येर्पा मिन, मिजी सम्‍बा थोप्‍नी वे सिरुप ति छ्‍या राङ वे। च्‍यिलासिसिन दाक्‍पी याङ अच्‍युनुपतिवाला ङ्‍यिङ्‍ज्‍ये क्‍या वे। सी खोरो अच्‍युनुपला ङ्‍यिङ्‍ज्‍ये मिकिवे, ती ति शेप ति शितोक लुकिवी।

१ यूहन्‍ना 3:19

तुक क्‍यासिन दाक्‍पु ति टेङ्‍बुकी गिपा यिन सिनी हाक्‍कोकिवी, तमा कोन्‍छ्‍योककी थोङ्‍दाङला साङ दाक्‍पु तेन्‍तेन च्‍युङ्‍गिवी।

१ यूहन्‍ना 3:2

ङे ङ्‍यिङ्‍ज्‍येवुतिवा, तन्‍दा दाक्‍पु कोन्‍छ्‍योककी पुज्‍युङपुम यिन। दाक्‍पुला ज्‍युक्‍ला काङ ख्‍येल्‍गिवी सिरुप ति तन्‍दा सेक छ्‍या मे, यिने येशू फेवु पेला खो चुकै नोक सिरुप ति दाक्‍पी मिककी राङ थोङ्‍गिवी। तमा दाक्‍पु खो दोके राङ डिवी।