२ कोरिन्थी 4:7 - कोन्छ्‌योककी सुङ

⁷ यिने ङ्‍यिरा ख्‍याप्‍टाक क्‍यावु खक्‍छ्‍येवु लेन ल्‍यामु ति छ्‍यकुप थली नेक्‍योक नाङ्‍ला ज्‍याङ वे। तीकी तेन्दोक ति तेरी सिनाङ ओङ्‍ज्‍येन छ्‍ये ति ङ्‍यिरा नेसुर वावु मिन, कोन्‍छ्‍योक नेमा वावु यिन सिनी छ्‍या देन्‍दुपला यिन।

२ कोरिन्थी 4:7 Iomraidhean Croise

मत्ती 13:44

“कोन्‍छ्‍योककी ग्‍येल्‍खाप ति शिङ खला बानी ज्‍यकुप क्‍येङ्‍येन दोके यिन। मी च्‍यिककी ती ङ्‍येनी ते राङ बानी ज्‍योकिवी, तमा गा लानी खोरो खाङ्‍बा गल्‍नी खोरो मुला वोतुप टोङ्‍बातिवा तेरी चोनी ती शिङ ति ङ्‍येवी।

मत्ती 13:52

तमा खोकी तिवाला सुङ्‍सुङ, “कोन्‍छ्‍योककी ग्‍येल्‍खापकी कोर्ला लापुप तेरी यहूदी छ्‍योकी गेकेनतिवा ति समा च्‍यालक ज्‍यकुप दासा नाङ ने नागुङ छ्‍येर्मु वोतुप च्‍यालक सम्‍बातिवा ताङ ङ्‍यिङ्‍बातिवा पाङ्‍ला थेन्‍दुप खाङ्‍बी ज्‍यिन्‍दाक दोके यिन।”

यूहन्‍ना 16:33

ङे दी ताम्‍ङे ख्‍यिराङला सिक्‍यावु ति ख्‍यिराङ ङे मुला लुनी ख्‍यिरा सेमला लोदिमु ङ्‍येशी सिनी यिन। जम्‍बुलिङला ख्‍यिराङला छेटाङ ख्‍येल्‍गितो, यिने ख्‍यिराङ ङाडेङ की। च्‍यिलासिसिन जम्‍बुलिङकी ओङ्‍ज्‍येन खला ङे ग्‍येल्‍निङ सिन वे।”

१ कोरिन्‍थी 1:28

तोजो तिराङ मिन, मीतिवी छ्‍ये यिन सिनी सिक्‍यावु मीतिवाला तेन्‍दोक मेतुप जो नङ्‍गुपला कोन्‍छ्‍योककी दी जम्‍बुलिङला तेरीकी ङ्‍यिङ्‍मर क्‍यावु ताङ तेरीकी मर्च्या क्‍यावु मीतिवाला पेन नाङ्‍सुङ।

२ कोरिन्थी 10:10

मी ललाइकी याङ ङ्‍यिराङला “ख्‍यिराङ यिकीतिवा टिकुप पेला ति च्‍युरुवु ताङ छासे रम्‍बु किवी, यिने ङ्‍यिरा चिप्‍ला वोतुप पेला ति रम्‍बु मेतुप ताङ तेन्‍दोक मेतुप ताम्‍ङे तिराङ किवी।” सिनी सिवी।

२ कोरिन्थी 13:4

खो वुतुङ के जुला वोतुप पेला ङार मेतुप च्‍युङ्‍नी ग्‍यङ्‍शिङ लोला कल्‍नी सेसुङ। यिन्‍सिनाङ कोन्‍छ्‍योककी ओङला खो ङोसु राङ ज्‍यु वे। ती दोके ङ्‍यिराङ साङ खो ताङ मुला वोतुप तप्‍की ङार मेतुप वे, यिने खो शेप ने ङोसु लङ्‍गुप दोके ङ्‍यिराङ कोन्‍छ्‍योककी ओङ नेसुर ख्रीष्‍टकी मुला मिजी क्‍याङ्‍नी ख्‍यिराङला ठिम किवी।

२ कोरिन्थी 4:1

तुक क्‍यानी कोन्‍छ्‍योककी ङ्‍यिराङला च्‍यम्‍बा क्‍यानी खोला शब्‍ज्‍यी कितुप ती लाका नङ्‍गुप तप्‍की ङ्‍यिराङ यिछ्‍येता कि मोगोवी।

२ कोरिन्थी 5:1

दाक्‍पुला छ्‍या वे, दाक्‍पी जु ति ती जम्‍बुलिङला देतुपला ग्‍यावु कुर दोके यिन। दी ति ना डिवी, यिने कोन्‍छ्‍योककी दाक्‍पुला जु सम्‍बा नङ्‍नी वे। ती ति देवाच्‍येनला नरीकी नरी देतुप खाङ्‍बा यिन। ती खाङ्‍बा ति मी लाक्‍पी जोवु मिन।

२ कोरिन्थी 6:10

सेम्‍दुक लासिनाङ नरी गा लानी वे। पेराङ्‍बु वोसिनाङ मी बङीला छ्‍युक्‍पु जो थुपुप वे। काङ मेतुप दोके वोसिनाङ तेरी वोतुप दोके वे।

एफिसी 2:5

दाक्‍पु दिक्‍पाला शोर्नी शिसिनाङ खोकी कटिन नेमा राङ दाक्‍पुला दिक्‍पा ने थर च्‍यिसुङ।

एफिसी 3:8

खोला तेपा कितुप मीतिवा तेरीकी पर्ला ङ ति तेरी सिनाङ छ्‍युङा यिन्‍सिनाङ ख्रीष्‍टकी मोलाम नङ्‍गुप ग्‍यक्‍चेकी लेन ल्‍यामु ति यहूदी मिन्‍दुप मिरिक यम्‍बातिवाला ख्‍याप्‍टाक कितुपला ङला दी कटिन ति नङ्‍गुप यिन।

कलस्सी 1:27

तमा खोकी यहूदी मिन्‍दुप मिरिक यम्‍बाकी मीतिवी पर्ला ती छ्‍याकला वोतुप मोवा ति छासे हलेवु वे सिरुप ताम्‍ङे ति खोरे मीतिवाला हाक्‍को ज्‍यितुपला पेन नङ्‍गुप यिन। ती छ्‍याककी ताम्‍ङे ति ख्‍यिरा मिजीला वोतुप ख्रीष्‍ट यिन। ख्रीष्‍ट ख्‍यिरा मिजीला वोतुप तप्‍की ख्‍यिराङला मोवा वोतुप रेवा ङ्‍येनी वे।

कलस्सी 2:12

बप्‍तिस्‍मा लङ्‍गुप पेला ख्‍यिराङ ख्रीष्‍टकी मुला राङ मुक्‍तुम ग्‍यपुप दोके यिन। तमा ख्रीष्‍टला शेप ने ङोसु लोङ्‍गुप कोन्‍छ्‍योककी ङारला ख्‍यिरा तेपा क्‍यावु तप्‍की ख्‍यिराङ साङ ख्रीष्‍टकी मुला सेन्‍बु लानी वे।

कलस्सी 2:3

ख्रीष्‍टला राङ कोन्‍छ्‍योककी तेरी येन्‍देन ताङ रिक्‍पा ति बानी ज्‍यकुप टोङ्‍बा दोके क्‍यानी ज्‍याक्‍नी वे।

१ थेसलोनिकी 1:5

च्‍यिलासिसिन ङ्‍यिरा ख्‍याप्‍टाक क्‍यावु लेन ल्‍यामु ति ख्‍यिरा ते सुङला तिराङ बिन्‍दुप मिन, यिने ओङ ताङ कोन्‍छ्‍योककी थु चाङ्‍मा नेमा तेन्‍तेन क्‍यानी बिन्‍दुप यिन। ङ्‍यिराङ ख्‍यिरा पर्ला वोतुप पेला चुक क्‍यानी ख्‍यिराङला दाल्‍जा किटे क्‍यासुङ सिरुप ति ख्‍यिराङला राङ छ्‍या वे।

१ थेसलोनिकी 4:4

ख्‍यिराङ दाक दाक्‍पुला टेङ्‍बु क्‍यानी रङगी पेर्मीला ताङ्‍देन की,

२ तिमोथी 2:20

दी ताम्‍ङे साङ नासाम तोङा। मी छ्‍येतिवी खाङ्‍बा सेर ताङ ङुलकी नेक्‍योक तिराङ मेवी, यिने शिङ ताङ थली नेक्‍योक साङ गिवी। ती नाङ्‍ला सेर ताङ ङुलकी नेक्‍योक ति नाथोप डेन्‍बु वुङ्‍गुप पेला थोकिवी, शिङगी नेक्‍योक ताङ यम्‍बा नेक्‍योकतिवा यम्‍बा पेला थोकिवी।