२ कोरिन्थी 4:5 - कोन्छ्‌योककी सुङ

⁵ ङ्‍यिराङ रङगी कोर्ला ख्‍याप्‍टाक मिकिवी, यिने येशू ख्रीष्‍ट तिराङ चोवो यिन सिरुप ताङ ङ्‍यिराङ ति येशूकी थोक्‍ला शब्‍ज्‍यी कितुप ख्‍यिरा योक्‍पु यिन सिनी ख्‍याप्‍टाक किवी।

२ कोरिन्थी 4:5 Iomraidhean Croise

मत्ती 23:8

यिने ख्‍यिराङला सी साङ गेकेन सिनी सि माज्‍यी। च्‍यिलासिसिन ख्‍यिरा गेकेन ति च्‍यिक राङ वे, ख्‍यिराङ ति तेरी अच्‍युनुपतिवा यिन।

मत्ती 3:11

ङ याङ ख्‍यिराङला दिक्‍पा ने सेम ग्‍युरुपकी थोक्‍ला छ्‍यु थ्‍वोनी बप्‍तिस्‍मा तेरिन, यिने ङे तिङ्‍ला फेपुप ति ङ सिनाङ ओङ छ्‍येवु वे। तुक क्‍यानी ङ याङ खोकी शप्‍चे साङ खुर छ्‍योवु मे। खोकी ख्‍यिराङला चाङ्‍मा जोपला कोन्‍छ्‍योककी थु चाङ्‍मा ताङ मे थ्‍वोनी बप्‍तिस्‍मा नङ्‍गिवी।

यूहन्‍ना 7:18

खोरो राङ लापुप मी तीकी मीतिवा नेसुर ताङ्‍देन छोल्‍गिवी, यिने खोरुङला तोङ्‍गुप तीला मोवा कितुप नो वोतुप मी ति टेङ्‍बु वे, तीकी काङ साङ जिनोक मोजोवी।

लोमा छ्‍येतिवी लाका 10:36

इस्राएलकी मीतिवी थोक्‍ला कोन्‍छ्‍योककी नङ्‍गुप सुङ ति ख्‍यिराङला साङ छ्‍या वे। ती सुङ ति येशू ख्रीष्‍ट नेमा सुङ्‍गुप कोन्‍छ्‍योक ताङ मीतिवी पर्ला वोतुप लोदिमुकी लेन ल्‍यामु यिन। तमा येशू ति तेरीकी चोवो यिन।

लोमा छ्‍येतिवी लाका 2:36

ती तप्‍की ख्‍यिरा ग्‍यङ्‍शिङला कलुप ती येशूला कोन्‍छ्‍योककी चोवो ताङ ख्रीष्‍ट जो नाङ्‍सुङ सिरुप ताम्‍ङे ति तेरी इस्राएलकी मीतिवी ल्‍यामो क्‍यानी हाक्‍को गोकिवी।”

लोमा छ्‍येतिवी लाका 5:31

तमा इस्राएलकी मीतिवाला सेम ग्‍युर ज्‍यितुपला ताङ तिवाला तिवी दिक्‍पा ता ज्‍यितुपला खोला राङ ग्‍येल्‍वु ताङ दिक्‍पा ने थर ज्‍यितुप जोनी कोन्‍छ्‍योककी यावी थाकाला चोछ्‍येवु जोनी ज्‍याक्‍सुङ।

१ कोरिन्‍थी 1:23

यिन्‍सिनाङ ङ्‍यिराङ ति ग्‍यङ्‍शिङला कल्‍नी टुङ्‍गुप येशू ख्रीष्‍टकी कोर्ला सुङ ख्‍याप्‍टाक किवी। ती सुङ ङ्‍येन्‍दुप पेला यहूदीतिवी दी ताम्‍ङे ति कोन्‍छ्‍योकला मारे तोङ्‍गुप यिन सिनी सिवी, ग्रीकतिवी दी ताम्‍ङे ति फेन मोथोवु यिन सिनी सिवी।

१ कोरिन्‍थी 10:33

तुक राङ क्‍यानी ङे साङ काङ क्‍यासिनाङ मी तेरीला सेम गा लोङ्‍गुप नो क्‍यायी। ङ ङरा थोक्‍ला तिराङ मिन, यिने मी तेरीला ल्‍यामु च्‍युङ्‍शी सिरुप नो कितिन। तुक क्‍यानी ती मीतिवा साङ दिक्‍पा ने थर्शी।

१ कोरिन्‍थी 12:3

तुक क्‍यानी ख्‍यिरा दी ताम्‍ङे ति हाक्‍कोवा की। कोन्‍छ्‍योककी थु चाङ्‍मा नेमा ताम्‍ङे कितुप सी साङ “येशूला मोताप सुकुप यिन।” सिनी सि मुथुपी। तमा खोकी थु चाङ्‍मा नेमा तिराङ मिसिन यम्‍बा सी साङ “येशू ति चोवो यिन।” सिनी सि मुथुपी।

१ कोरिन्‍थी 15:47

थल्‍माकी मी आदम ति जम्‍बुलिङकी थला नेसुर जोवु यिन। तमा ती ज्‍युक्‍ला वावु मी येशू ख्रीष्‍ट ति देवाच्‍येन नेमा वावु यिन।

१ कोरिन्‍थी 2:2

च्‍यिलासिसिन ती पेला ङे येशू ख्रीष्‍टकी कोर्ला ताङ खो ग्‍यङ्‍शिङला कल्‍नी टुङ्‍गुप कोर्ला तिराङ मिसिन ताम्‍ङे यम्‍बा काङ साङ कितुप नो माक्‍या।

१ कोरिन्‍थी 4:15

येशू ख्रीष्‍टकी कोर्ला ख्‍यिराङला लाम तेरुप मीतिवा याङ तोङ्‍डा च्‍यिथम्‍बा चोयी वोज्‍यिवी, यिने पपा ति च्‍यिक राङ वे। ङे ख्‍यिराङला ख्रीष्‍ट येशूकी थोक्‍ला लेन ल्‍यामु ख्‍याप्‍टाक क्‍यावु तप्‍की ङ ति ख्‍यिरा पपा दोके च्‍युङ वे।

१ कोरिन्‍थी 8:6

दाक्‍पी थोक्‍ला ति पपा कोन्‍छ्‍योक च्‍यिक राङ वे। खोकी सुङ नेसुर राङ जम्‍बुलिङला वोतुप च्‍यालकतिवा तेरी ज्‍येसुङ। दाक्‍पु साङ कोन्‍छ्‍योककी थोक्‍ला मिजी क्‍योङ्‍यिन वे। तमा येशू ख्रीष्‍ट तिराङ दाक्‍पी तेपा क्‍यावु चोवो यिन। खो नेसुर राङ कोन्‍छ्‍योककी जम्‍बुलिङला वोतुप तेरी च्‍यालकतिवा ज्‍ये नाङ्‍सुङ। तमा दाक्‍पुला मिजी नङ्‍गुप साङ येशू ख्रीष्‍ट राङ यिन।

२ कोरिन्थी 1:19

च्‍यिलासिसिन सिलास ताङ तिमोथी ताङ ङे ख्‍यिराङला ख्‍याप्‍टाक क्‍यावु कोन्‍छ्‍योककी सेवु येशू ख्रीष्‍ट साङ पर्साला “यिन”, पर्साला “मिन” सिनी ताम्‍ङे ङ्‍यी कितुप मिन। यिने खो ति नरी “यिन” सिरुप तिराङ वे।

२ कोरिन्थी 1:24

ङ्‍यिरा ख्‍यिराङला चुक क्‍यानी तेपा कि गोकिवी सिनी ओङ्‍ज्‍येन कितुपला कार क्‍यावु मिन, यिने ख्‍यिराङला गा लोङ्‍गुपला राङ ङ्‍यिराङ ख्‍यिरा मुला लाका कितिनो। च्‍यिलासिसिन ख्‍यिराङ याङ येशूला तेपा रम्‍बु वे।

गलाती 5:13

ङे अच्‍युनुपतिवा, कोन्‍छ्‍योककी ख्‍यिराङला कताङ नङ्‍गुप तेन्‍दोक ति ख्‍यिराङला रङ्‍ज्‍येन नङ्‍गुपला यिन। तुक क्‍यानी ख्‍यिराङ दिक्‍पा कितुप क्‍युर्नी च्‍यिककी च्‍यिकला ङ्‍यिङ्‍ज्‍ये क्‍यानी शब्‍ज्‍यी की।

फिलिप्पी 1:15

वुतुङ के ललाइ अच्‍युनुपतिवा ति ठतोक लानी खाँदा कियी सिरा लेन ल्‍यामु ख्‍याप्‍टाक क्‍यासुङ, ललाइकी नासाम ल्‍यामो तङ्‍नी ख्रीष्‍टकी कोर्ला लेन ल्‍यामु ख्‍याप्‍टाक क्‍यासुङ।

फिलिप्पी 2:11

तमा पपा कोन्‍छ्‍योककी मोवाकी थोक्‍ला तेरीकी ख नेमा येशू ख्रीष्‍ट राङ चोवो यिन सिनी मी मिङ्‍गाला खलाङ किवी।

२ तिमोथी 2:10

तुक क्‍यानी कोन्‍छ्‍योककी पेतुपतिवी थोक्‍ला ङ हम क्‍यानी देतिन। ती ति तिवाला साङ येशू ख्रीष्‍टकी नङ्‍गुप थर्वा ताङ नाम्‍साङ मिशिवु मोवा ङ्‍ये थुप्‍शी सिनी यिन।

तीतस 1:11

तिवाला ख चुम्‍नी दे ज्‍यि गोकिवी, च्‍यिलासिसिन तिवा रङगी ख्‍येप्‍साङकी थोक्‍ला तेरुप मेङ्‍गुप येन्‍देन लाप्‍नी तेरी मिछाङतिवी पर्ला मेलोक्‍पा जेवी।

२ पत्रुस 2:3

तिवा देर्पाला ख्‍येल्‍नी ख्‍यिराङला ताम्‍ङे जिनोक जोनी ख्‍यिरा नेसुर ख्‍येप्‍साङ लङ्‍गितो, यिने तिवी खुर गोवु छ्‍येर्पाकी कोर्ला गोमाला के तेन्‍तेन क्‍या वे। तुक क्‍यानी तिवा वुतुङ के ना डिवी।