२ कोरिन्थी 4:4 - कोन्छ्‌योककी सुङ

⁴ दी जम्‍बुलिङकी ल्‍हलु यिन्‍दुप शैतानकी येशूला तेपा मिकिवु मीतिवी सेम ति क्‍योङ्‍बु जोवु तप्‍की तिवी कोन्‍छ्‍योककी जुजमला फेवु ख्रीष्‍टकी मोवा यिन्‍दुप लेन ल्‍यामुकी वोसिर सल्‍वु ति थोङ मुथुपी।

२ कोरिन्थी 4:4 Iomraidhean Croise

मत्ती 13:22

तमा छेर्माङ दोङ्‍बी पर्ला ख्‍येलुप सेन ति दी मी दोके यिन। तीकी सुङ ङ्‍येन्‍गिवी, यिने दी जम्‍बुलिङकी पप ताङ टोङ्‍बाकी नासामकी ती सुङला क्‍येक्‍नी डेलु मोगोर्वी।

यूहन्‍ना 1:14

तमा ती सुङ ति मी जुजमला दाक्‍पी पर्ला ज्‍युसुङ। खोकी मोवा ङ्‍यिरा थोङ्‍सुङ, तमा ती मोवा ति कोन्‍छ्‍योककी च्‍यिक राङ वोतुप खोकी सेवुकी मोवा यिनोक। खो ति छासे कटिन ताङ टेङ्‍बुकी क्‍येङ नोक।

यूहन्‍ना 1:18

सी साङ नाम्‍साङ कोन्‍छ्‍योकला माथोङ वे। यिने पपा कोन्‍छ्‍योककी मुला च्‍यिक राङ वोतुप खोकी सेवुकी कोन्‍छ्‍योक सु यिन सिरुप ति दाक्‍पुला छ्‍या तेन्‍सुङ।

यूहन्‍ना 12:31

तन्‍दा ति कोन्‍छ्‍योककी दी जम्‍बुलिङला ठिम कितुप तुजे यिन, त कोन्‍छ्‍योककी दी जम्‍बुलिङला ओङ्ज्‍येन कितुप शैतानला तेन तोङ्‍गिवी।

यूहन्‍ना 12:35

तमा येशूकी तिवाला सुङ्सुङ, “तरोङ चेयी पर सेक वोसिर ख्‍यिरा पर्ला लुकिवी, ख्‍यिराङ ती वोसिर वोता सेक फार छुर यु। तुक क्यासिन नक्‍तोमीकी ख्‍यिराङला उप मुथुपी। नक्‍तोमीला युकुपतिवी खुरुङ कनी डोयी वे सिरुप ति हाक्‍मोकोवी।

यूहन्‍ना 12:40

“कोन्‍छ्‍योककी तिवी मिक ति मोथोङ्‍गुप जो वे, तिवी सेम ति क्‍योङ्बु जो वे। तुक क्‍यानी तिवी मिककी मोथोङ्‍गिवी, सेमगी साङ हाक्‍मोकोवी, तमा ङे थाकाला लोक्‍नी मेङ्‍गिवी। मिसियाङ ङे तिवाला टेक ज्‍यितुप्‍जा।”

यूहन्‍ना 12:45

सी ङला थोङ्‍गिवे, तीकी ङला तोङ्‍गुप तीला थोङ्‍गिवी।

यूहन्‍ना 14:30

त याङ ङ ख्‍यिरा मुला ताम्‍ङे अला मलाप, च्‍यिलासिसिन दी जम्‍बुलिङला ओङ्ज्‍येन कितुप शैतान ति वुङ्‍यिन नोक। तीकी ङला काङ साङ ओङ्ज्‍येन कितुप ङार मे।

यूहन्‍ना 15:24

दोजो ङे सी साङ माक्‍यावु लाका ति तिवी पर्ला माक्‍यावु यिन्‍सिन तिवाला दिक्‍पाकी क्‍येन मोफोकुप्‍जा। यिने त याङ तिवी ङे क्‍यावु ती हलेवु लाकातिवा थोङ्‍सुङ, यिन्‍सिनाङ तिवी ङ ताङ ङे पपा ङ्‍यिकरला ङ्‍यिङ्‍मर क्‍यासुङ।

यूहन्‍ना 16:11

कोन्‍छ्‍योककी ठिमकी कोर्ला ति दी जम्‍बुलिङला ओङ्‍ज्‍येन कितुप शैतानला कोन्‍छ्‍योक नेमा पर्च्या ङ्‍येसुङ सिनी हाक्‍को ज्‍यिकिवी।

यूहन्‍ना 8:12

येलुङ येशूकी मीतिवाला “ङ जम्‍बुलिङकी मीतिवाला मिजी तेरुप वोसिर यिन। ङला तिङ्‍योकुपतिवा तफेन्‍ला नक्‍तोमीला मुयुकिवी, यिने तिवाला मिजी तेरुप वोसिर थोप्‍किवी।” सिनी सुङ्‍सुङ।

लोमा छ्‍येतिवी लाका 26:18

ख्‍युरुङ गल्‍नी ख्‍योरो गिपाकी मीतिवाला कोन्‍छ्‍योककी थाकाला ग्‍युर च्‍यी। तमा तिवा नक्‍तोमी वुङ नेसुर ठछ्‍येलीला ग्‍युर्नी शैतानकी ओङ नेसुर कोन्‍छ्‍योककी थाकाला वुङ्‍शी। तुक क्‍यासिन तिवी दिक्‍पा ताकिवी, तमा ङला तेपा क्‍यानी टेङ्‍बु गलुपतिवी पर्ला देतुप ङ्‍येकिवी।’ सिनी सुङ्‍सुङ।

लोमा छ्‍येतिवी लाका 26:23

ङे सिक्‍यावु ति ख्रीष्‍टकी दुक्‍पा खुर गोवु ताङ टुङ्‍नी थल्‍माला ङोसु लानी खोरो गिपा ताङ यहूदी मिन्‍दुप मिरिक यम्‍बाकी मीतिवाला दिक्‍पा ने थर ज्‍यितुप वोसिरकी लाम छ्‍या तेन नङ्‍गिवी सिरुप कोर्ला यिन।”

१ कोरिन्‍थी 10:20

तिवा काङ साङ मिन। ङे सिक्‍यावु ताम्‍ङे ति काङ यिन सिसिन, कोन्‍छ्‍योकला ङो माशेवु मीतिवी कुला छ्‍यो तोङ्‍गुप ति कोन्‍छ्‍योकला मोवा क्‍यावु मिन, यिने र्‍हेन्‍डीला जिन्‍बा पुलुप यिन। तुक क्‍यानी ख्‍यिरा साङ र्‍हेन्‍डीला जिन्‍बा बुलुप मीतिवी दला शुकुप ति ङला गा मलङ्‍गिवी।

२ कोरिन्थी 2:11

तुक क्‍यावु तेन्‍दोक ति शैतानकी दाक्‍पुला च्‍यु छोल मुथुप्‍शी सिनी यिन। च्‍यिलासिसिन तीकी खोनक्‍पु वोतुप च्‍युतिवा दाक्‍पुला तेरी छ्‍या वे।

२ कोरिन्थी 2:12

ङ ख्रीष्‍टकी कोर्ला लेन ल्‍यामु ख्‍याप्‍टाक कितुपला त्रोआसला वुङ्‍गुप पेला चोवोकी ङला खोकी थोक्‍ला शब्‍ज्‍यी कितुप लाम पेन नाङ्‍सुङ।

२ कोरिन्थी 3:11

चेयी पर सेक तिराङ लुवु ठिमला साङ तुका वोसिर वोसिन नरीकी नरी लुवु ठिमला याङ मङ चोके वोसिर ग्‍यकुप वोते।

२ कोरिन्थी 3:14

ती पेला नेज्‍युनी इस्राएलकी मीतिवी सेम ति तन्‍दा सेक साङ क्‍योङ्‍बु राङ गल वे। च्‍यिलासिसिन तसाम सेक साङ मोशाकी ठिम लाप्‍सिन तिवी सेम ति गुकुर ग्‍यपुप दोके राङ वे। ती गुकुर ति ख्रीष्‍टला तेपा क्‍यासिन तिराङ पे थुप्‍किवी।

२ कोरिन्थी 3:18

तमा दाक्‍पु तेरीकी गुकुर पेतुप ङुतुङला चोवो कोन्‍छ्‍योककी वोसिर ति ठछ्‍येली थोङ्‍गिवी। खो नेसुर वुङ्‍गुप वोसिरकी दाक्‍पुला खो दोके जोनी मङ मङ वोसिर ग्‍यकुप जो नङ्‍गिवी। ती तेरी चोवो कोन्‍छ्‍योककी थु चाङ्‍माकी क्‍यावु यिन।

२ कोरिन्थी 4:6

“नक्‍तोमीला ठछ्‍येली डोशी।” सिनी सुङ्‍गुप कोन्‍छ्‍योककी दाक्‍पी सेमला खोकी वोसिर ति ग्‍यक च्‍यिन वे। तमा ती वोसिरकी दाक्‍पुला येशू ख्रीष्‍टकी शालला वोतुप कोन्‍छ्‍योककी मोवा हाक्‍को ज्‍यिकिवी।

गलाती 1:4

येशू ख्रीष्‍ट ति दाक्‍पी पपा कोन्‍छ्‍योककी नोवा नेसुर दी दुक्‍टाकी क्‍येङ्‍गुप जम्‍बुलिङ ने दाक्‍पुला थर्वा नङ्‍गुपला दाक्‍पी दिक्‍पी थोक्‍ला टुङ्‍सुङ।

एफिसी 2:2

ती पेला दी जम्‍बुलिङ ताङ शैतानकी ओङ्‍ज्‍येनला वोतुप मीतिवी दोके ख्‍यिरा साङ लाका मेलोक्‍पा क्‍यासुङ। ती शैतानकी राङ तन्‍दा साङ कोन्‍छ्‌योककी सुङ मेङ्‍येन्‍दुप तिवी खला ओङ्‍ज्‍येन किवी।

एफिसी 6:12

च्‍यिलासिसिन दाक्‍पी ग्‍यकुप मक ति मी ताङ मुला मिन, यिने ओङ्‍ज्‍येन कितुपतिवा ताङ ङार वोतुपतिवा ताङ दी जम्‍बुलिङकी दुक्‍टाकी ङार ताङ देवाच्‍येनला वोतुप डेतिवी मुला यिन।

फिलिप्पी 2:6

खो ति कोन्‍छ्‍योककी जुजमला वोसिनाङ खो कोन्‍छ्‍योक ताङ मुला च्‍यिक्‍पा राङ यिन सिनी खोकी ओङ छोलुप नो माक्‍या,

कलस्सी 1:15

येशू ख्रीष्‍ट ति दाक्‍पी मिककी मोथोङ्‍गुप कोन्‍छ्‍योककी जुजमला वोतुप चोवो यिन। खो ति जम्‍बुलिङला वोतुप तेरी च्‍यालकतिवा सिनाङ थल्‍माला वोतुप कोन्‍छ्‍योककी सेवु यिन।

कलस्सी 1:27

तमा खोकी यहूदी मिन्‍दुप मिरिक यम्‍बाकी मीतिवी पर्ला ती छ्‍याकला वोतुप मोवा ति छासे हलेवु वे सिरुप ताम्‍ङे ति खोरे मीतिवाला हाक्‍को ज्‍यितुपला पेन नङ्‍गुप यिन। ती छ्‍याककी ताम्‍ङे ति ख्‍यिरा मिजीला वोतुप ख्रीष्‍ट यिन। ख्रीष्‍ट ख्‍यिरा मिजीला वोतुप तप्‍की ख्‍यिराङला मोवा वोतुप रेवा ङ्‍येनी वे।

१ तिमोथी 1:11

दाक्‍पी येन्‍देन ति मोलाम नङ्‍गुप कोन्‍छ्‍योक टेङ्‍बुकी मोवा वोतुप लेन ल्‍यामु ताङ मुला डिकिवी। ती ति खोकी ङला चेक तेन नङ्‍नी वे।

तीतस 2:13

ती तप्‍की चोछ्‍येवु कोन्‍छ्‍योक ताङ दिक्‍पा ने थर ज्‍यितुप चोवो येशू ख्रीष्‍ट फेपुप मोवाकी थोक्‍ला दाक्‍पु रेवा क्‍यानी गुनी देकिवी।

हिब्रू 1:3

खोकी सेवुकी कोन्‍छ्‍योककी मोवा छासे चोछ्‍येवु वोतुप ति छ्‍या देन्‍गिवी, तमा खो ति वुतुङ के कोन्‍छ्‍योक दोके राङ यिन। खोकी खोरो ङार छ्‍येवु सुङ नेसुर राङ स ताङ नामगी तेरी च्‍यालकतिवी खला ग्‍येला किवी। मीतिवाला दिक्‍पा ने थरुप लाका सिन्‍सिमा खो देवाच्‍येनला चोछ्‍येवु कोन्‍छ्‍योककी छ्‍याक यावी थाकाला ज्‍यु वे।

हिब्रू 6:4

च्‍यिलासिसिन सी थेङ्‍मा यी कोन्‍छ्‍योककी सुङ टेङ्‍बु थोवु ताङ देवाच्‍येनकी कटिन हाक्‍को वे, तमा कोन्‍छ्‍योककी थु चाङ्‍मा थोप्‍नी वे,

२ पत्रुस 1:19

तुक क्‍यानी कोन्‍छ्‍योककी लुङ्‍तेम्‍बातिवी ङ्‍यिराङला नम्‍दर शेतुप सुङ टेङ्‍बुला साङ ङ्‍यिराङ तेन्‍तेन वे। ती सुङ ति नक्‍तोमीला दिप्‍ली च्‍येतुप दोके यिन। ती दिप्‍ली ति नक्‍तोमी गल्‍नी कर्ज्याङ माशरुप पे सेक बरुप दोके ङ्‍यिरा सेमला ज्‍याक्‍नी ल्‍यामु क्‍यानी हाक्‍कोवा की।

१ यूहन्‍ना 2:11

यिने चुका मी तीकी तेपा कितुप यम्‍बा नुप ताङ नुमला ङ्‍यिङ्‍मर किवे, ती मी ति नक्‍तोमीला राङ युकिवी। तमा खुरुङ कनी डोयी वे सिरुप ति तीकी हाक्‍मोकोवी। च्‍यिलासिसिन दिक्‍पाकी तीला मिक मोथोङ्‍गुप जोवु गिवी।

१ यूहन्‍ना 2:8

यिन्‍सिनाङ ङ ख्‍यिराङला क सम्‍बा यी टिकिन। ती टेङ्‍बु वोतुप क ति येशू ख्रीष्‍टला वे, तमा ख्‍यिरा मिजीला साङ वे। च्‍यिलासिसिन नक्‍तोमी ति गानी सिन्‍सुङ, वोसिर टेङ्‍बु ति वो ग्‍यकिन नोक।

१ यूहन्‍ना 5:19

दाक्‍पु ति कोन्‍छ्‍योककी पुज्‍युङपुमतिवा यिन सिनी दाक्‍पुला छ्‍या वे। यिने दी जम्‍बुलिङ ति तेरी दुक्‍टाकी ओङला शोर्नी वे।