२ कोरिन्थी 4:3 - कोन्छ्‌योककी सुङ

³ ङ्‍यिरा ख्‍याप्‍टाक क्‍यावु लेन ल्‍यामु ति बानी ज्‍याक्‍सिन ती ति ना गल्‍नी पर्च्या ख्‍येलुपतिवी थोक्‍ला तिराङ यिन।

२ कोरिन्थी 4:3 Iomraidhean Croise

मत्ती 11:25

ती पेला येशूकी दुक सुङ्‍नी मोपोर क्‍या नाङ्‍सुङ, “ओ पपा, देवाच्‍येन ताङ जम्‍बुलिङकी चोवो, ङ पपाला थुचिछे बुलिन। च्‍यिलासिसिन पपी दी ताम्‍ङे ति रिक्‍पा वोतुप ताङ लापुप मीतिवाला छ्‍याकला ज्‍याक्‍नी आङा टिक्‍पे दोके मालापुप मीतिवाला छ्‍या तेन्‍सुङ।

रोमी 2:16

दी ताम्‍ङे ति ङे ख्‍याप्‍टाक क्‍यावु लेन ल्‍यामुला सिक्‍यावु दोके येशू ख्रीष्‍ट नेसुर कोन्‍छ्‍योककी मीतिवी क्‍यावु छ्‍याकला वोतुप ताम्‍ङेतिवा तेरीकी खला ठिम कितुप तुजेला ठछ्‍येली हाक्‍कोकिवी।

१ कोरिन्‍थी 1:18

ख्रीष्‍ट दाक्‍पी दिक्‍पी थोक्‍ला ग्‍यङ्‍शिङला कल्‍नी टुङ्‍गुप कोर्ला लेन ल्‍यामु ख्‍याप्‍टाक कितुप पेला तेपा माक्‍यानी ना डोपतिवी “ती ति तेर्मे यिन।” सिनी सिवी, यिने दाक्‍पु दिक्‍पा ने थरुपतिवी याङ “ती ति कोन्‍छ्‍योककी नङ्‍गुप ङार यिन।” सिनी सिवी।

१ कोरिन्‍थी 2:6

यिन्‍सिनाङ कोन्‍छ्‍योकला तेपा रम्‍बु वोतुपतिवाला ताम्‍ङे कितुप पेला ङ्‍यिराङ दी रिक्‍पाकी कोर्ला राङ ख्‍याप्‍टाक किवी। दी रिक्‍पा ति दी जम्‍बुलिङकी रिक्‍पा ति मिन, जम्‍बुलिङकी ओङ्‍ज्‍येन कितुप मीतिवी रिक्‍पा साङ मिन। तिवी रिक्‍पा याङ वुतुङ के तोर्नी डिवी।

२ कोरिन्थी 2:12

ङ ख्रीष्‍टकी कोर्ला लेन ल्‍यामु ख्‍याप्‍टाक कितुपला त्रोआसला वुङ्‍गुप पेला चोवोकी ङला खोकी थोक्‍ला शब्‍ज्‍यी कितुप लाम पेन नाङ्‍सुङ।

२ कोरिन्थी 3:14

ती पेला नेज्‍युनी इस्राएलकी मीतिवी सेम ति तन्‍दा सेक साङ क्‍योङ्‍बु राङ गल वे। च्‍यिलासिसिन तसाम सेक साङ मोशाकी ठिम लाप्‍सिन तिवी सेम ति गुकुर ग्‍यपुप दोके राङ वे। ती गुकुर ति ख्रीष्‍टला तेपा क्‍यासिन तिराङ पे थुप्‍किवी।

२ कोरिन्थी 4:4

दी जम्‍बुलिङकी ल्‍हलु यिन्‍दुप शैतानकी येशूला तेपा मिकिवु मीतिवी सेम ति क्‍योङ्‍बु जोवु तप्‍की तिवी कोन्‍छ्‍योककी जुजमला फेवु ख्रीष्‍टकी मोवा यिन्‍दुप लेन ल्‍यामुकी वोसिर सल्‍वु ति थोङ मुथुपी।

१ थेसलोनिकी 1:5

च्‍यिलासिसिन ङ्‍यिरा ख्‍याप्‍टाक क्‍यावु लेन ल्‍यामु ति ख्‍यिरा ते सुङला तिराङ बिन्‍दुप मिन, यिने ओङ ताङ कोन्‍छ्‍योककी थु चाङ्‍मा नेमा तेन्‍तेन क्‍यानी बिन्‍दुप यिन। ङ्‍यिराङ ख्‍यिरा पर्ला वोतुप पेला चुक क्‍यानी ख्‍यिराङला दाल्‍जा किटे क्‍यासुङ सिरुप ति ख्‍यिराङला राङ छ्‍या वे।

१ तिमोथी 1:11

दाक्‍पी येन्‍देन ति मोलाम नङ्‍गुप कोन्‍छ्‍योक टेङ्‍बुकी मोवा वोतुप लेन ल्‍यामु ताङ मुला डिकिवी। ती ति खोकी ङला चेक तेन नङ्‍नी वे।