२ कोरिन्थी 4:12 - कोन्छ्‌योककी सुङ

¹² तुक क्‍यानी ङ्‍यिरा मिजीला ति शेपकी लाका किवी, यिने ख्‍यिराङला ति सेन्‍बु वोतुप मिजीकी लाका किवी।

२ कोरिन्थी 4:12 Iomraidhean Croise

लोमा छ्‍येतिवी लाका 20:24

यिन्‍सिनाङ ङे कि गोवु लाका तेरी सिन्‍दा कितुप ताङ कोन्‍छ्‍योककी कटिन वोतुप लेन ल्‍यामुकी कोर्ला पङ्‍बु तेरुपला चोवो येशू नेमा ङला चेक तेन नङ्‍गुप लाका तेरी कि थुप्‍सुङ सिसिन ङे मिजी ति काङ साङ मिन।

१ कोरिन्‍थी 4:10

ए, ङ्‍यिराङ याङ ख्रीष्‍टकी थोक्‍ला रिक्‍पा मेतुप च्‍युङ्‍सुङ, यिने ख्‍यिराङ ति खोकी जोसालेन्‍सिन रिक्‍पा वोतुप च्‍युङ्‍सुङ। ङ्‍यिराङ ङार मेतुप गल वे, यिने ख्‍यिराङ ति ङार वोतुप गल वे। ख्‍यिराङला ताङ्‍देन ङ्‍येनी वे, यिने ङ्‍यिराङला याङ मीतिवी मारे ताङ्‍सुङ।

२ कोरिन्थी 12:15

ङ ख्‍यिरा थोक्‍ला छासे गा क्‍यानी ङे मुला वोतुप तेरी डोसुम तोङ्‍गुप ताङ ङे मिजी साङ तेरिन। ङे ख्‍यिराङला तुका मङ्‍मु ङ्‍यिङ्‍ज्‍ये क्‍यासिनाङ ख्‍यिरा ङला ङ्‍यिङ्‍ज्‍ये मिकिवी?

२ कोरिन्थी 13:9

ङ्‍यिराङ ङार मेतुप वोसिनाङ ख्‍यिराङ ति रम्‍बु वोतुप पेला ङ्‍यिराङ छासे गा लङ्‍गिवी। ख्‍यिराङ तेरी येर्के गल्‍नी ल्‍यामु च्‍युङ्‍शी सिनी ङ्‍यिराङ मोपोर किवी।

२ कोरिन्थी 4:11

वुतुङ के ङ्‍यिरा दी शिनी डोप मिजीला येशूकी मिजी थोङ्‍शी सिनी ङ्‍यिराङ माशिवा सेक नरी खोकी थोक्‍ला शेपला ख्‍येल्‍गिवी।

२ कोरिन्थी 4:13

कोन्‍छ्‍योककी सुङला “ङे तेपा क्‍यायी, तुक क्‍यानी ङ लपिन।,” सिरुप तीला कोन्‍छ्‍योककी थु चाङ्‍मा वोतुप दोके ङ्‍यिराङला साङ ती थु चाङ्‍मा वे। तुक क्‍यानी ङ्‍यिराङ साङ कोन्‍छ्‍योकला तेपा क्‍यानी ती ताम्‍ङे लप्‍किवी।

फिलिप्पी 2:17

ख्‍यिरा कोन्‍छ्‍योकला तेपा क्‍यावु ताङ शब्‍ज्‍यी क्‍यावु ति जिन्‍बा बुलुप दोके राङ यिन। ती जिन्‍बाकी थोक्‍ला ङ शि राङ गोसिनाङ शि थुप्‍किवी। तमा ख्‍यिराङ तेरीकी मुला ङ छासे गा कितिन।

फिलिप्पी 2:30

च्‍यिलासिसिन तीकी ख्रीष्‍टकी थोक्‍ला शि राङ गोसिनाङ लाका क्‍यासुङ, तमा ङे थोक्‍ला ख्‍यिरा कि मुथुपु शब्‍ज्‍यी कितुपला तो मिसिन शिसुङ।

१ यूहन्‍ना 3:16

ङ्‍यिङ्‍ज्‍ये काङ यिन सिरुप ति चुक क्‍यानी हाक्‍कोकिवी सिसिन, येशू ख्रीष्‍टकी दाक्‍पी थोक्‍ला मिजी नङ्‍गुप ल्‍हासिमा हाक्‍कोकिवी। तुक क्‍यानी दाक्‍पी साङ रङगी अच्‍युनुपतिवी थोक्‍ला मिजी तेर गोकिवी।