२ कोरिन्थी 3:7 - कोन्छ्‌योककी सुङ

⁷ कोन्‍छ्‍योककी मोशाला दे येम्‍ज्‍येला टिवु ठिम नङ्‍गुप पेला खोकी मोवा नेमा वुङ्‍गुप वोसिर ति मोशाकी ङुतुङला ठछ्‍येली गाल्‍सुङ। ती तप्‍की ती ठछ्‍येली ति चेयी पर सेक तिराङ देनी गलुप यिन्‍सिनाङ इस्राएलकी मीतिवी मोशाकी ङुतुङला ल्‍ह ल्‍हावा दे माथुप। तुक क्‍यानी मीला शि ज्‍यितुप ठिम ङ्‍यिङ्‍बाकी शब्‍ज्‍यी कितुप लाकाला साङ तुका वोसिर वोसिन,

२ कोरिन्थी 3:7 Iomraidhean Croise

लोमा छ्‍येतिवी लाका 6:15

तमा ठिम्‍खाङला जोम्‍बुपतिवा तेरीकी स्‍तिफनसला छ्‍योर छ्‍योर्मे ल्‍हासालेन्‍सिन तीकी ङो ति देवाच्‍येनकी लेन क्‍योलुप थुकी ङो दोके ठछ्‍येली थोङ्‍सुङ।

रोमी 10:4

च्‍यिलासिसिन कोन्‍छ्‍योककी ठिमला गोवु तेरी ताम्‍ङेतिवा ख्रीष्‍टकी छे च्‍यिसुङ। तुक क्‍यानी सी खोला तेपा किवे, तिवा कोन्‍छ्‍योककी थोङ्‍दाङला टेङ्‍बु ङ्‍येकिवी।

रोमी 4:15

च्‍यिलासिसिन मोशाकी ठिमला वोतुप कतिवा मेङ्‍येन्‍दुपतिवा कोन्‍छ्‍योककी पर्च्याला ख्‍येल्‍गिवी, यिने ठिम मेतुप यिन्‍सिन ठिमला मेङ्‍येन्‍दुप साङ मेवी।

रोमी 5:20

मोशाकी ठिम ति जम्‍बुलिङला वावु दुक्‍चे क्‍येनतिवा बङी फेलुपला यिन। यिन्‍सिनाङ दिक्‍पा बङी फेलुप तप्‍की कोन्‍छ्‍योककी कटिन साङ मङ फेल्‍सुङ।

रोमी 7:10

तमा कोन्‍छ्‍योककी मिजी तेरुपला थाक्‍छ्‍येन नङ्‍गुप क वासिमा ङ ति शेपला ख्‍येलुप यिन सिनी ङे हाक्‍कोसुङ।

रोमी 7:22

ङे सेमगी दिङ नेज्‍युनी कोन्‍छ्‍योककी ठिमला वोतुप दोके लाका कितुप गा लासिनाङ

रोमी 7:5

तोङ्‍ला दाक्‍पु दिक्‍पी ओङला मिजी क्‍योङ्‍यिन वोतुप पेला ठिम नेसुर दाक्‍पुला लाका मेलोवा कितुप नासाम वानी तीकी दाक्‍पुला ज्‍युक्‍ला शि ज्‍यितुप दिक्‍पा कि च्‍यिसुङ।

१ कोरिन्‍थी 13:10

यिने कोन्‍छ्‍योककी तेरी ताम्‍ङेतिवा हाक्‍कोवु तुजे लेप्‍सिमा दाक्‍पी हाक्‍माकोवु ताम्‍ङेतिवा तेरी हाक्‍कोकिवी।

२ कोरिन्थी 3:3

वुतुङ के ख्‍यिराङ ति ख्रीष्‍टकी टिवु यिकी यिन। ती यिकी क्‍योलुप ति ङ्‍यिराङ राङ यिन। ती यिकी ति नक्‍ची थ्‍वोनी टिवु मिन, ङोसु वोतुप कोन्‍छ्‍योककी थु चाङ्‍माकी टिवु यिन। दे येम्‍ज्‍येला टिवु मिन, मी सेमला टिवु यिनो।

२ कोरिन्थी 3:6

खोकी ङ्‍यिराङला खो ताङ ङ्‍यिरा पर्ला थाक्‍छ्‍येवु ठिम सम्‍बाकी थोक्‍ला शब्‍ज्‍यी कितुप ङार नाङ्‍सुङ। दी थाक्‍छ्‍येवु ठिम सम्‍बा ति यिकीला टिवु मिन, कोन्‍छ्‍योककी थु चाङ्‍माकी टिवु यिन। यिकीला टिवु ठिमकी मीला शि ज्‍यिकिवी, यिने कोन्‍छ्‍योककी थु चाङ्‍माकी याङ मिजी नङ्‍गिवी।

२ कोरिन्थी 3:8

मिजी थोपुप कोन्‍छ्‍योककी थु चाङ्‍माकी शब्‍ज्‍यी कितुप लाकाला याङ मङ चोके वोसिर वोते?

गलाती 3:10

तमा मोशाकी ठिमला तिराङ तेन्‍नी टेङ्‍बु च्‍युङ्‍गुप छोलुपतिवा तेरीला पर्च्या फोकिवी। च्‍यिलासिसिन कोन्‍छ्‍योककी सुङला दुक सिनी टि वे, “मोशाकी ठिमला वोतुप क तेरीला नरी मेङ्‍येन्‍दुप मीतिवाला पर्च्या फोकिवी।”

गलाती 3:21

तुकै यिन्‍सिन काङ मोशाकी ठिम ति कोन्‍छ्‍योककी थाक्‍छ्‍येन नङ्‍गुप ताम्‍ङेला मिडिकिवी? तुकै मिन। मोशाकी ठिमकी दाक्‍पुला मिजी सम्‍बा तेर थुपुप यिन्‍सिन दाक्‍पु ति मोशाकी ठिमला देनी राङ टेङ्‍बु च्‍युङ थुपुप ति यिन्‍जा।

हिब्रू 12:18

ख्‍यिराङ वावु दासा ति गोमाला इस्राएलकी मीतिवा सीनै रीला गलुप दोके मिन। ती दासाला ति थो तोङ थुपुप ताङ मे छेन्‍दी बरुप ताङ मुक्‍पा नक्‍पु छुपुप ताङ नक्‍तोमी ताङ छासे लुङ छ्‍यर्वा ग्‍यकुप ताङ

हिब्रू 3:3

यिन्‍सिनाङ खाङ्‍बा सिनाङ खाङ्‍बा जोप मीला मङ ताङ्‍देन वोतुप दोके मोशा सिनाङ येशूला मङ छासे ताङ्‍देन कि छ्‍योवु वे।

हिब्रू 9:4

ते सेरकी पोके ताङ सेर थ्‍वोनी कोर्नी जोवु कोन्‍छ्‍योककी थाक्‍छ्‍येतुप तेर्गाम नोक। तीकी नाङ्‍ला मन्‍न देवु सेरकी नेक्‍योक ताङ ज्‍योक ग्‍यावु हारूनकी पेर्का नोक, तमा कोन्‍छ्‍योककी थाक्‍छ्‍येन नङ्‍गुप ताम्‍ङेतिवा नङ्‍गुप पेला मोशाला बिन्‍दुप ठिम च्‍यिथम्‍बातिवा टिवु दे येम्‍ज्‍ये ङ्‍यी साङ नोक।