२ कोरिन्थी 3:5 - कोन्छ्‌योककी सुङ

⁵ चुका लाका साङ ङ्‍यिरा राङ क्‍यावु यिन सिनी सि मुथुपी। ङ्‍यिराङला लाका कितुप ङार ति कोन्‍छ्‍योक नेमा राङ ङ्‍येतुप यिन।

२ कोरिन्थी 3:5 Iomraidhean Croise

लूका 21:15

च्‍यिलासिसिन ती पेला ङ ख्‍यिराङला लपुप ताम्‍ङे ताङ रिक्‍पा तेरिन, तुक क्‍यानी ख्‍यिरा चुका डतिवी साङ ख्‍यिरा ताम्‍ङेकी तेन्‍दोकला लङ मुथुपी, तमा तिवी ख्‍यिरा ताम्‍ङे टेके मिन सिनी सि मुथुपी।

लूका 24:49

ल्‍होसा, ङे पपी थाक्‍छ्‍येन नङ्‍गुप ति ङ ख्‍यिराङला तोङ्‍यिनो। यिने ख्‍यिराङ कोन्‍छ्‍योक नेमा ओङ माथोपा सेक्‍ला दी ग्‍येसाला राङ देता।”

यूहन्‍ना 15:5

ङ ति गुन्‍डुम दोङ्‍बु यिन, ख्‍यिराङ ति तीकी येल्‍का यिन। सु ङे मुला देकिवे, तमा ङ तीकी मुला देसिन तीकी डेलु बङी गोर्किवी। ङ नेसुर क्‍येङ्‍सु गल्‍सिन ख्‍यिरा काङ साङ कि मुथुपी।

रोमी 15:18

येशू ख्रीष्‍टकी ङे मिजी नेमा यहूदी मिन्‍दुप मिरिक यम्‍बाकी मीतिवाला खला ङ्‍येमु जोपला काङ क्‍या नाङ्‍वे, ती तिराङ मिसिन यम्‍बा काङ साङ ताम्‍ङे लपुप ङाडेङ मिकी। ती लाका ति ङे ख्‍याप्‍टाक क्‍यावु सुङ ताङ ङे क्‍यावु लाका ताङ,

१ कोरिन्‍थी 15:10

यिन्‍सिनाङ ङ तन्‍दा दुकै च्‍युङ्‍गुप ति कोन्‍छ्‍योककी कटिन नेसुर राङ च्‍युङ्‍गुप यिन। खोकी ङला नङ्‍गुप कटिन ति तेर्मेला मागल। ङे याङ यम्‍बा लोमा छ्‍येतिवा सिनाङ मङ टेमु क्‍यायिन। ती ति ङे राङ क्‍यावु मिन, यिने ङे मुला वोतुप कोन्‍छ्‍योककी कटिन नेमा क्‍यावु यिन।

१ कोरिन्‍थी 3:10

कोन्‍छ्‍योककी ङला नङ्‍गुप कटिनकी राङ ङ ति खाङ्‍बा जोप मी खामु दोके डम्‍ज्‍यी तिङ्‍यिन। तमा यम्‍बातिवी ती डम्‍ज्‍यी खला खाङ्‍बा जेवी। तमा खाङ्‍बा जोपतिवी चुक क्‍यानी जो गोकिवी सिनी नासाम ल्‍यामु तोङ गोकिवी।

१ कोरिन्‍थी 3:6

दी ति चुशिङ जुवु पे दोके यिन। चुशिङ ति ङे चुयिन, तमा छ्‍यु ति अपोल्‍लोसकी लुक्‍सुङ, यिने तीला ग्‍या ज्‍यितुप ति याङ कोन्‍छ्‍योक राङ यिन।

२ कोरिन्थी 12:9

यिने चोवोकी ङला दुक सुङ्‍सुङ, “ङे कटिन ति ख्‍युरुङला गोवु सिनाङ मङ ल्‍हक्‍पा वे। च्‍यिलासिसिन ङे ङार ति ङार मेतुपतिवी खला राङ तेरी छेकिवी।” तुक क्‍यानी ख्रीष्‍टकी ओङ ति ङे मिजीला लुशी सिनी ङ छासे गा क्‍यानी ङार मेतुपकी थोक्‍ला तेके किवी।

२ कोरिन्थी 2:16

ती टी जङ्‍बु ति ना डोपतिवी थोक्‍ला नरीकी नरी शेप तेन्‍दोक यिन, दिक्‍पा ने थरुपतिवी थोक्‍ला मिजी थोपुप तेन्‍दोक यिन। तमा तुका लाका ग्‍येर्पु कितुप ति सु वे रो?

२ कोरिन्थी 4:7

यिने ङ्‍यिरा ख्‍याप्‍टाक क्‍यावु खक्‍छ्‍येवु लेन ल्‍यामु ति छ्‍यकुप थली नेक्‍योक नाङ्‍ला ज्‍याङ वे। तीकी तेन्दोक ति तेरी सिनाङ ओङ्‍ज्‍येन छ्‍ये ति ङ्‍यिरा नेसुर वावु मिन, कोन्‍छ्‍योक नेमा वावु यिन सिनी छ्‍या देन्‍दुपला यिन।

फिलिप्पी 2:13

च्‍यिलासिसिन कोन्‍छ्‍योककी ख्‍यिराङला खोरे नोवाला वोतुप दोके कितुप नासाम तोङ्‍गुप ताङ ती दोके लाका कितुप ओङ नाङ्‍नी ख्‍यिरा मिजी नेमा लाका कियी वे।

फिलिप्पी 4:13

च्‍यिलासिसिन ख्रीष्‍टकी नङ्‍गुप ङार नेसुर राङ ङ तेरी ताम्‍ङे कि थुप्‍किवी।

२ तिमोथी 2:2

मी मङ्‍मुकी मिङ्‍गाला ङे ख्‍युरुङला येन्‍देन बिन्‍दुप ताम्‍ङे ति खोङ्‍तेर्मु वोतुप मी यम्‍बाला साङ लोप। तमा तिवी येलुङ मी यम्‍बातिवाला लोप थुप्‍शी।

याकूब 1:17

ल्‍यामु वोतुप ताङ काङ साङ ङ्‍युङ्‍मु मेतुप कटिनकी ङ्‍येम्‍बातिवा तेरी पपा कोन्‍छ्‍योक नेमा गिवी। खोकी वोसिर तेरी ज्‍येनी नाङ्‍सुङ। खो ति नाम्‍साङ मोफोवी, तमा उलाकी नक्‍तोमी फोवु दोके मोफोवी।