२ कोरिन्थी 3:1 - कोन्छ्‌योककी सुङ

¹ माङ्‍शोक मी ललाइकी खुरुङ ति लाका ल्‍यामु कितुप मी यिन सिनी मी यम्‍बी टिवु यिकी खुर्नी गिवी, यिने ङ्‍यिराङ ख्‍यिरा ते वुङ्‍गुप पेला तुका यिकी खुर वुङ मोगोवी, याङ्‍ना ङ्‍यिराङ दासा यम्‍बाला डोप पेला ख्‍यिरा ङ्‍यिराङला तुका यिकी जो मोगोवी।

२ कोरिन्थी 3:1 Iomraidhean Croise

लोमा छ्‍येतिवी लाका 18:27

तमा ती ज्‍युक्‍ला अपोल्‍लोस अखैयाकी दासाला डोप नो क्‍यासिमा तेपा कितुप मीतिवी तीला ते डोपला टोङ्‍गु बिन्‍सुङ। तमा अखैयाला वोतुप लोमातिवाला “अपोल्‍लोसला ल्‍यामो क्‍यान दाल्‍जा किटे की।” सिनी तिवी यिकी टिनी ताङ्‍सुङ। तेसुर अपोल्‍लोस अखैयाला लेप्‍सिमा कोन्‍छ्‍योककी कटिन थोप्‍नी तेपा क्‍यावुतिवाला दाल्‍जा किटे क्‍यासुङ।

रोमी 16:1

ङ किंक्रियाला वोतुप चर्चला कोन्‍छ्‍योककी थोक्‍ला शब्‍ज्‍यी बुलुप दाक्‍पी नुम फिबी ताङ मुला ख्‍यिराङला ङोशी डेशी कितिन।

१ कोरिन्‍थी 10:33

तुक राङ क्‍यानी ङे साङ काङ क्‍यासिनाङ मी तेरीला सेम गा लोङ्‍गुप नो क्‍यायी। ङ ङरा थोक्‍ला तिराङ मिन, यिने मी तेरीला ल्‍यामु च्‍युङ्‍शी सिरुप नो कितिन। तुक क्‍यानी ती मीतिवा साङ दिक्‍पा ने थर्शी।

१ कोरिन्‍थी 16:3

तमा ङ वासिमा ख्‍यिरा दुम्‍नी ज्‍यकुप बुल्‍वा ति कल्‍नी ख्‍यिरा सेमला गलुप मी मिरा च्‍यिकला यिकी ताङ मुला यरूशलेमला तोङ्‍गुप्‍नो।

१ कोरिन्‍थी 3:10

कोन्‍छ्‍योककी ङला नङ्‍गुप कटिनकी राङ ङ ति खाङ्‍बा जोप मी खामु दोके डम्‍ज्‍यी तिङ्‍यिन। तमा यम्‍बातिवी ती डम्‍ज्‍यी खला खाङ्‍बा जेवी। तमा खाङ्‍बा जोपतिवी चुक क्‍यानी जो गोकिवी सिनी नासाम ल्‍यामु तोङ गोकिवी।

१ कोरिन्‍थी 4:15

येशू ख्रीष्‍टकी कोर्ला ख्‍यिराङला लाम तेरुप मीतिवा याङ तोङ्‍डा च्‍यिथम्‍बा चोयी वोज्‍यिवी, यिने पपा ति च्‍यिक राङ वे। ङे ख्‍यिराङला ख्रीष्‍ट येशूकी थोक्‍ला लेन ल्‍यामु ख्‍याप्‍टाक क्‍यावु तप्‍की ङ ति ख्‍यिरा पपा दोके च्‍युङ वे।

२ कोरिन्थी 10:12

ङ्‍यिराङ खुरुङ तिराङ ङराङ यिन सिनी नासाम तोङ्‍गुप ललाइ मीतिवी मुला च्‍यिक्‍पा राङ च्‍युङ्‍गुप ताङ तिवी मुला डिक्‍नी माल्‍हावी। तिवा खोप्‍रे नासामला तिराङ मी यम्‍बाला ठिम कितुप ताङ मी यम्‍बाला डिक्‍नी ल्‍हेवी सिसिन, तिवा छासे अम्‍बारङ्‍शिङ च्‍युङ्‍गिवी।

२ कोरिन्थी 10:18

सी साङ खुरुङ ति ङराङ यिन सिनी छ्‍ये मोडोवी, यिने चोवोकी ल्‍यामु यिन सिनी चिवु मी तिराङ मी ल्‍यामु च्‍युङ्‍गिवी।

२ कोरिन्थी 10:8

च्‍यिलासिसिन चोवो येशूकी ङ्‍यिराङला चो ओङ्‍ज्‍येन नङ वे, तीकी कोर्ला ङे ल्‍हक्‍पा तेके क्‍यासिनाङ ङ तीकी थोक्‍ला ङोछा मिकी। ती ओङ्‍ज्‍येन ति ख्‍यिराङला ना तोङ्‍गुपला मिन, ख्‍यिरा तेपा रम्‍बु जोपला नङ्‍गुप यिन।

२ कोरिन्थी 12:11

ख्‍यिरा राङ ङला कार क्‍यानी तुका अम्‍बारङ्‍शिङ कितुप जोवु यिन। ख्‍यिरा ङला ताङ्‍देन कि गोवु ति यिन्‍जा, च्‍यिलासिसिन ङ ति काङ मिन्‍सिनाङ खोप्‍राङ ति चोछ्‍येवु लोमा छ्‍ये यिन सिरुप मीतिवा सिनाङ चेयी साङ छ्‍युङा मे।

२ कोरिन्थी 12:19

काङ ख्‍यिरा ङ्‍यिराङला ति खुरुङ र्‍होकुपला तिराङ दी ताम्‍ङे सिक्‍यावु यिन्‍दे सिनी नोकिवी? मिन, ङ्‍यिराङ येशू ख्रीष्‍टला तेपा क्‍यावु मी दोके च्‍युङ्‍नी कोन्‍छ्‍योककी थोङ्‍दाङला दी ताम्‍ङे सिरिन। ङे ङ्‍यिङ्‍ज्‍येवु अच्‍युनुपतिवा, दी तेरी ताम्‍ङेतिवा ख्‍यिराङला तेपा रम्‍बु जोपला ङ्‍यिरा सिक्‍यावु यिन।

२ कोरिन्थी 2:17

मी यम्‍बी दोके ङ्‍यिरा ति कोन्‍छ्‍योककी सुङला ख्‍येमु वोतुप च्‍यालक छोङ कितुप मी दोके मिन। बोरु ङ्‍यिराङ याङ कोन्‍छ्‍योककी तङ्‍गुप तप्‍की खोकी थोङ्‍दाङला ख्रीष्‍टकी थोक्‍ला ताम्‍ङे टेङ्‍बु तिराङ सिवी।

२ कोरिन्थी 5:12

ङ्‍यिरा येलुङ रङगी थोक्‍ला तिराङ तेके कितुप छलुप मिन, बोरु ख्‍यिराङला ङ्‍यिरा कोर्ला तेके कितुपला तुजे बिन वे। तुक क्‍यासिन ख तिराङ ङ राङ यिन सिनी सेम ति मेलोक्‍पा वोतुप मीतिवाला ख्‍यिरा टिलेन तेर थुप्‍किवी।