२ कोरिन्थी 2:9 - कोन्छ्‌योककी सुङ

⁹ ङे सिक्‍यावु ति ङ्‍येन्‍गिवे मेङ्‍येन्‍वे ल्‍हापला ताङ ख्‍यिराङ खला ङ्‍येमु वोतुप मेतुप हाक्‍कोवुला राङ ङे ती यिकी ति ख्‍यिराङला टिवु यिनो।

२ कोरिन्थी 2:9 Iomraidhean Croise

२ कोरिन्थी 10:6

ख्‍यिरा ख्रीष्‍टकी कतिवा तेरी ङ्‍येन्‍दुप छे सिन्‍सिमा खोकी कला मेङ्‍येन्‍दुपतिवा तेरीला ङ्‍यिराङ ठिम कितुपला टडिक क्‍यानी देतिनो।

२ कोरिन्थी 2:3

गोमाला ङे ख्‍यिराङला ती यिकी टिवु ति ङ ख्‍यिरा ते वुङ्‍गुप पेला ङला गा लोङ्‍गुप मीतिवी राङ ङला सेम्‍दुक मोलोङ्‍शी सिनी यिन। च्‍यिलासिसिन ङला सेम गा लङ्‍गुप ति ख्‍यिराङ तेरीला सेम गा लङ्‍गुप यिन सिरुप ति ङला तेन्‍तेन वे।

२ कोरिन्थी 2:4

ङे छासे दुक्‍पा क्‍यानी सेमला दुङल खुरिन ताङ मिकला मिक्‍च्‍युर तोङ्‍यिन सिरा ख्‍यिरा थोक्‍ला ती यिकी ति टियिन। ती ति ख्‍यिराङला सेम्‍दुक लोङ्‍गुपला टिवु मिन, यिने ख्‍यिराङला ङे छासे ङ्‍यिङ्‍ज्‍ये क्‍यावु ति हाक्‍कोशी सिनी टिवु यिन।

२ कोरिन्थी 2:8

तुक क्‍यानी ख्‍यिरा तीला छासे क्‍यानी ङ्‍यिङ्‍ज्‍ये कितुप ति छ्‍या तेन सिनी ङ ख्‍यिराङला ठाकुरे सिरिन।

२ कोरिन्थी 8:2

तिवा चो खोक्‍पा ल्‍हाप दुक्‍पातिवाला ख्‍येल्‍सिनाङ छासे सेम गा कितुप ताङ माङ्‍शोक मीतिवा पेराङ्‍बु वोसिनाङ दुक्‍पाला ख्‍येलुप मीतिवाला सेम्‍बा सेमगी दाल्‍जा किटे क्‍यासुङ।

२ कोरिन्थी 8:24

तुक क्‍यानी ख्‍यिरा तिवाला ङ्‍यिङ्‍ज्‍ये क्‍यानी पङ्‍बु छ्‍या तेन। तुक क्‍यासिन ङ्‍यिरा च्‍यिला ख्‍यिरा कोर्ला तेके क्‍यानोक सिरुप ति चर्चतिवी साङ हाक्‍को थुप्‍शी।

फिलिप्पी 2:12

ती तप्‍की ङे ङ्‍यिङ्‍ज्‍येवु अच्‍युनुपतिवा, ङ ख्‍यिरा मुला वोतुप पेला ख्‍यिरा ङे खला ङ्‍येन्‍सुङ। ती दोके त ङ मेतुप पेला मङ ङे ताम्‍ङे ङ्‍येन्‍नी सेमला ज्‍यिवा खुर्नी कोन्‍छ्‍योकला ताङ्‍देन क्‍यानी खोरुङ दिक्‍पा ने थरुप लाका तेरी सिन्‍दा कितुपला टेमु किसा।

फिलिप्पी 2:22

यिने तिमोथी खोङ्‍तेर्मु वोतुप ति ख्‍यिराङला साङ छ्‍या वे। तीकी चुक क्‍यानी पुज्‍युङकी पपाला शब्‍ज्‍यी किवे, तुक राङ क्‍यानी ङ ताङ मुला लेन ल्‍यामु ख्‍याप्‍टाक कितुपला दाल्‍जा क्‍यासुङ।

२ थेसलोनिकी 3:14

सी दी ङ्‍यिरा तङ्‍गुप यिकीला टिवु ताम्‍ङे ति मेङ्‍येन्‍वे, तुका मीतिवा ल्‍यामो क्‍यानी ङो शेनी ज्‍योक। तिवी मुला तम्‍जी साङ माजो। तमा तिवा ङोछाला ख्‍येल्‍शी।

फिलेमोन 1:21

ख्‍युरुङ ङे खला ङ्‍येन्‍गिवी सिनी रेवा क्‍यानी ङ दी यिकी ति टिकिन वोतो। ख्‍योरो ङे सिक्‍यावु सिनाङ ल्‍हक्‍पा किवी सिरुप ति ङला नो वे।