२ कोरिन्थी 2:3 - कोन्छ्‌योककी सुङ

³ गोमाला ङे ख्‍यिराङला ती यिकी टिवु ति ङ ख्‍यिरा ते वुङ्‍गुप पेला ङला गा लोङ्‍गुप मीतिवी राङ ङला सेम्‍दुक मोलोङ्‍शी सिनी यिन। च्‍यिलासिसिन ङला सेम गा लङ्‍गुप ति ख्‍यिराङ तेरीला सेम गा लङ्‍गुप यिन सिरुप ति ङला तेन्‍तेन वे।

२ कोरिन्थी 2:3 Iomraidhean Croise

१ कोरिन्‍थी 4:21

ख्‍यिरा नासाम काङ वे? ङ ख्‍यिरा ते वुङ्‍गुप पेला ख्‍यिराङला वोरु देन्‍दुपला वुङ्‍गुप की, सेम बोल्‍मु क्‍यानी ङ्‍यिङ्‍ज्‍ये कितुपला वुङ्‍गुप?

२ कोरिन्थी 1:15

ती ताम्‍ङे ति ङला तेन्‍तेन वोतुप तप्‍की गोमाला ङे ख्‍यिराङला ठेतुपला वुङ्‍गुप नो क्‍यायी। तुक क्‍यासिन ङ ख्‍यिरा ते थेङ्‍मा ङ्‍यी वासिमा ख्‍यिराङला लोदिमु च्‍युङ्‍गिवी।

२ कोरिन्थी 1:23

ङे सेम हाक्‍कोवु कोन्‍छ्‍योक पङ्‍बु वे। ङे ख्‍यिराङला वोरु तेन्‍नी ख्‍यिराङला कले मेख्‍येल्‍शी सिनी राङ ङ कोरिन्‍थला माङुवु यिन।

२ कोरिन्थी 12:11

ख्‍यिरा राङ ङला कार क्‍यानी तुका अम्‍बारङ्‍शिङ कितुप जोवु यिन। ख्‍यिरा ङला ताङ्‍देन कि गोवु ति यिन्‍जा, च्‍यिलासिसिन ङ ति काङ मिन्‍सिनाङ खोप्‍राङ ति चोछ्‍येवु लोमा छ्‍ये यिन सिरुप मीतिवा सिनाङ चेयी साङ छ्‍युङा मे।

२ कोरिन्थी 12:21

ङ येलुङ ख्‍यिरा ते वुङ्‍गुप पेला कोन्‍छ्‍योककी ख्‍यिरा दोङ्‍ला ङला मो बेप्‍किते यिन्‍दे सिनी ङला ज्‍यिवा लानी वे। तमा गोमाला लाका मेटेङ्‍बु क्‍यावु ताङ शम्‍डेन कितुप ताङ ङोछा लङ्‍गुप लाका क्‍यानी दिक्‍पा कितुप नेसुर सेम मुग्‍युरुपतिवा बङीकी थोक्‍ला ङला छासे पप लानी वे।

२ कोरिन्थी 13:10

ख्‍यिरा मु नेसुर ङ थाक्‍रिङ्‍बु वोतुप तप्‍की दी यिकी टिकिन वोतो। दीकी तेन्‍दोक ति ङ ख्‍यिरा ते वुङ्‍गुप पेला चोवोकी ङला नङ्‍गुप ओङ्‍ज्‍येन नेसुर ङे ख्‍यिराङला च्‍युरुवु कि मोगोशिता। ती ओङ्‍ज्‍येन ति ख्यिराङला ना तोङ्‍गुपला मिन, तेपा रम्‍बु जोपला यिन।

२ कोरिन्थी 2:9

ङे सिक्‍यावु ति ङ्‍येन्‍गिवे मेङ्‍येन्‍वे ल्‍हापला ताङ ख्‍यिराङ खला ङ्‍येमु वोतुप मेतुप हाक्‍कोवुला राङ ङे ती यिकी ति ख्‍यिराङला टिवु यिनो।

२ कोरिन्थी 7:12

तुक क्‍यानी ङे ती यिकी टिवु ति लाका मेलोवा कितुप मी थोक्‍ला मिन, याङ्‍ना मी यम्‍बी खुरुङला लाका मेलोवा क्‍यानी सेम्‍दुक वोतुप मी थोक्‍ला साङ मिन। यिने कोन्‍छ्‍योककी थोङ्‍दाङला ङ्‍यिराङला ख्‍यिरा चो टेन्‍दा किनोक सिरुप ति छ्‍या देन्‍दुपला टिवु यिन।

२ कोरिन्थी 7:16

तमा ङे ख्‍यिराङला छासे लो तेन्‍दुप तप्‍की ङला गा लानी वे।

२ कोरिन्थी 7:6

यिन्‍सिनाङ तीतस ङ्‍यिरा ते वासिमा यिछ्‍येतुप मीतिवाला टोङ्‍गु नङ्‍गुप कोन्‍छ्‍योककी ङ्‍यिराङला टोङ्‍गु नाङ्‍सुङ।

२ कोरिन्थी 7:8

ङे ख्‍यिराङला यिकी टिन तङ्‍नी ख्‍यिराङला सेम्‍दुक लासिनाङ तीकी कोर्ला ङे लाका मेलोवा क्‍यायिन सिनी नासाम मोतोङ, च्‍यिलासिसिन ती यिकीकी चेयी पर सेक तिराङ ख्‍यिराङला सेम ना च्‍यिनी वे सिरुप ति ङला छ्‍या वे।

२ कोरिन्थी 8:22

तीतसकी मुला यम्‍बा नुप मिरा च्‍यिक साङ ङ्‍यिरा ख्‍यिरा ते तोङ्‍यिन वोतो। तीला ङ्‍यिरा थेङ्‍मा अलायी सेक तिन्‍नी ल्‍हासिमा छासे ङर्मा क्‍यानी दाल्‍जा कितुप थोङ्‍सुङ। तीकी ख्‍यिराङला छासे लो तेन्‍दुप तप्‍की मङ ङार छ्‍येवु गल वे।

गलाती 5:10

ख्‍यिराङ तेरी यम्‍बा थाकाला मोडोवी सिनी ङ चोवो कोन्‍छ्‍योकला तेन्‍तेन वे। यिने सी खोकी मुला वोतुप मीला लुनी टिन डिवे, तीला कोन्‍छ्‍योककी पर्च्या फोकिवी।

२ थेसलोनिकी 3:4

ङ्‍यिरा ख्‍यिराङला काङ की सिक्‍यावे, ती ति ख्‍यिरा कियी साङ वे, ती लाका ति तिङ्‍ला साङ किवी सिनी ङ्‍यिराङला छासे तेन्‍तेन वे।

फिलेमोन 1:21

ख्‍युरुङ ङे खला ङ्‍येन्‍गिवी सिनी रेवा क्‍यानी ङ दी यिकी ति टिकिन वोतो। ख्‍योरो ङे सिक्‍यावु सिनाङ ल्‍हक्‍पा किवी सिरुप ति ङला नो वे।