२ कोरिन्थी 2:2 - कोन्छ्‌योककी सुङ

² च्‍यिलासिसिन ङे ख्‍यिराङला सेम्‍दुक लाङ्‍सिन ती ङे सेम्‍दुक लङ्‍गुप मी तीकी मिसिन यम्‍बा सी ङला गा लोङ थुप्‍किवी रो?

२ कोरिन्थी 2:2 Iomraidhean Croise

मत्ती 19:22

ती ताम्‍ङे थोसिमा ती मी ति सेम्‍दुक लानी गाल्‍सुङ, च्‍यिलासिसिन तीकी मुला नोर टोङ्‍बा बङी नोक।

रोमी 12:15

गा कितुपतिवी मुला गा की, सेम्‍दुक कितुपतिवी मुला सेम्‍दुक की।

१ कोरिन्‍थी 12:26

दोजो जुकी येन्‍लक च्‍यिकला दुक्‍पा ख्‍येल्‍सिन यम्‍बा तेरी येन्‍लकतिवी साङ दुक्‍पा खुर गोकिवी। तमा येन्‍लक च्‍यिकला ताङ्‍देन च्‍युङ्‍सिन यम्‍बा येन्‍लकतिवा तेरीला गा लङ्‍गिवी।

२ कोरिन्थी 1:14

यिने तिङ्‍ला ति ख्‍यिरा तेरी हाक्‍को थुप्‍किवी सिनी ङ रेवा कितिन। तुक क्‍यानी दाक्‍पी चोवो येशू फेवु तुजेला ङ्‍यिरा ख्‍यिरा थोक्‍ला तेके क्‍यावु दोके ख्‍यिरा ङ्‍यिरा थोक्‍ला तेके किवितो।

२ कोरिन्थी 11:29

ललाइ ङार मेतुप वोसिन ङ साङ ङार मेतुप च्‍युङ्‍सुङ, ललाइकी मी यम्‍बाला दिक्‍पा कि च्‍यिसिन ङे सेमला छासे पप लासुङ।

२ कोरिन्थी 7:8

ङे ख्‍यिराङला यिकी टिन तङ्‍नी ख्‍यिराङला सेम्‍दुक लासिनाङ तीकी कोर्ला ङे लाका मेलोवा क्‍यायिन सिनी नासाम मोतोङ, च्‍यिलासिसिन ती यिकीकी चेयी पर सेक तिराङ ख्‍यिराङला सेम ना च्‍यिनी वे सिरुप ति ङला छ्‍या वे।