२ कोरिन्थी 2:1 - कोन्छ्‌योककी सुङ

¹ तुक क्‍यानी ङे ख्‍यिराङला वोरु तेन्‍नी ख्‍यिरा सेम मेलोक्‍पा मोडोशी सिनी राङ ङ ख्‍यिरा ते येलुङ मेङ्‍गुप तेन्‍तेन क्‍यायी।

२ कोरिन्थी 2:1 Iomraidhean Croise

लोमा छ्‍येतिवी लाका 11:29

तुक क्‍यानी एन्‍टिओखियाला देतुप तेपा कितुप मीतिवी दाक दाक्‍पी काङ अछ्‍योवु ति टङ्‍गा दुनी यहूदियाला देतुप तेपा कितुपतिवी थोक्‍ला कल तोङ्‍गुप सिनी तेन्‍तेन क्‍यासुङ।

लोमा छ्‍येतिवी लाका 15:2

तुक क्‍यानी पावल ताङ बारनाबास यहूदी मिन्‍दुप मिरिक यम्‍बाकी मीतिवी साङ यहूदीतिवी दोके च्‍येतुप लुक्‍सु कि गोकिवी सिरुप कोर्ला ताम्‍ङे माडिक्‍नी च्‍यिककी च्‍यिकला लप्‍सिर ग्‍यक्‍टी चेसुङ। तमा तेकी तेपा कितुप मीतिवी पावल ताङ बारनाबास ताङ यम्‍बा तेपा कितुप मीतिवाला पेनी ती ताम्‍ङेकी केवुल कितुपला यरूशलेमला लोमा छ्‍येतिवा ताङ गोमा कितुप मी छ्‍येतिवी ते तोङ्‍सा क्‍यासुङ।

लोमा छ्‍येतिवी लाका 15:37

ती पेला बारनाबासकी मर्कूस सिरुप यूहन्‍नाला साङ मुला राङ टिनी डोप नो क्‍यासुङ।

१ कोरिन्‍थी 2:2

च्‍यिलासिसिन ती पेला ङे येशू ख्रीष्‍टकी कोर्ला ताङ खो ग्‍यङ्‍शिङला कल्‍नी टुङ्‍गुप कोर्ला तिराङ मिसिन ताम्‍ङे यम्‍बा काङ साङ कितुप नो माक्‍या।

१ कोरिन्‍थी 4:21

ख्‍यिरा नासाम काङ वे? ङ ख्‍यिरा ते वुङ्‍गुप पेला ख्‍यिराङला वोरु देन्‍दुपला वुङ्‍गुप की, सेम बोल्‍मु क्‍यानी ङ्‍यिङ्‍ज्‍ये कितुपला वुङ्‍गुप?

१ कोरिन्‍थी 5:3

ङ ख्‍यिरा मु नेसुर थाक्‍रिङ्‍बु वोसिनाङ ङे सेम ति ख्‍यिरा मुला राङ वे। ती तप्‍की ङ ख्‍यिरा पर्ला मेसिनाङ वोतुप दोके क्‍यानी तुका लाका मेलोवा कितुप मीला ङे ठिम क्‍यायिन।

२ कोरिन्थी 1:23

ङे सेम हाक्‍कोवु कोन्‍छ्‍योक पङ्‍बु वे। ङे ख्‍यिराङला वोरु तेन्‍नी ख्‍यिराङला कले मेख्‍येल्‍शी सिनी राङ ङ कोरिन्‍थला माङुवु यिन।

२ कोरिन्थी 13:10

ख्‍यिरा मु नेसुर ङ थाक्‍रिङ्‍बु वोतुप तप्‍की दी यिकी टिकिन वोतो। दीकी तेन्‍दोक ति ङ ख्‍यिरा ते वुङ्‍गुप पेला चोवोकी ङला नङ्‍गुप ओङ्‍ज्‍येन नेसुर ङे ख्‍यिराङला च्‍युरुवु कि मोगोशिता। ती ओङ्‍ज्‍येन ति ख्यिराङला ना तोङ्‍गुपला मिन, तेपा रम्‍बु जोपला यिन।

२ कोरिन्थी 2:4

ङे छासे दुक्‍पा क्‍यानी सेमला दुङल खुरिन ताङ मिकला मिक्‍च्‍युर तोङ्‍यिन सिरा ख्‍यिरा थोक्‍ला ती यिकी ति टियिन। ती ति ख्‍यिराङला सेम्‍दुक लोङ्‍गुपला टिवु मिन, यिने ख्‍यिराङला ङे छासे ङ्‍यिङ्‍ज्‍ये क्‍यावु ति हाक्‍कोशी सिनी टिवु यिन।

तीतस 3:12

अर्तिमास ताङ तुखिकसला ख्‍योरो ते तोङ्‍गुप पेला ख्‍युरुङ निकोपोलिसला ङे ते यिन्‍ज्‍यिक मिन्‍ज्‍यिक शोक। च्‍यिलासिसिन ङ गुन्‍बी ल ति तेराङ देतुप सिनी नासाम तङ्‍यिन।