२ कोरिन्थी 13:4 - कोन्छ्‌योककी सुङ

⁴ खो वुतुङ के जुला वोतुप पेला ङार मेतुप च्‍युङ्‍नी ग्‍यङ्‍शिङ लोला कल्‍नी सेसुङ। यिन्‍सिनाङ कोन्‍छ्‍योककी ओङला खो ङोसु राङ ज्‍यु वे। ती दोके ङ्‍यिराङ साङ खो ताङ मुला वोतुप तप्‍की ङार मेतुप वे, यिने खो शेप ने ङोसु लङ्‍गुप दोके ङ्‍यिराङ कोन्‍छ्‍योककी ओङ नेसुर ख्रीष्‍टकी मुला मिजी क्‍याङ्‍नी ख्‍यिराङला ठिम किवी।

२ कोरिन्थी 13:4 Iomraidhean Croise

यूहन्‍ना 10:18

ङे मिजी ति ङ नेमा सी साङ ठोनी डो मुथुपी, यिने ङ ङरा नोवाकी राङ शि ज्‍यितिन। ङे मिजी शि ज्‍यितुप ओङ साङ ङे मुला वे, येलुङ लङ्‍गुप ओङ साङ ङे मुला वे। ती ति ङे पपी ङला कि सिनी क नङ्‍गुप यिन।”

लोमा छ्‍येतिवी लाका 2:36

ती तप्‍की ख्‍यिरा ग्‍यङ्‍शिङला कलुप ती येशूला कोन्‍छ्‍योककी चोवो ताङ ख्रीष्‍ट जो नाङ्‍सुङ सिरुप ताम्‍ङे ति तेरी इस्राएलकी मीतिवी ल्‍यामो क्‍यानी हाक्‍को गोकिवी।”

लोमा छ्‍येतिवी लाका 3:16

ख्‍यिरा थोङ्‍गुप ताङ ङो शेवु दी मी ति येशूकी मिङ नेसुर काङ्‍बा चुनी युक थुपुप गाल्‍सुङ। येशूला तेपा क्‍यावु तप्‍की राङ हारिङ ख्‍यिरा मिककी थोङ्‍यिन दी मी ति टेकुप यिन।

रोमी 1:4

तमा खो ति कोन्‍छ्‍योककी थु चाङ्‍माकी ताम्‍ङे कितुप पेला टुङ्‍गुप मीतिवी नाङ ने ङोसु लानी ङार छ्‍येवु कोन्‍छ्‍योककी सेवु सिनी पङ्‍बु छ्‍या तेन्‍दुप दाक्‍पी चोवो येशू ख्रीष्‍ट यिन।

रोमी 14:9

ख्रीष्‍ट साङ तीकी तेन्‍दोकला राङ टुङ्‍नी ङोसु लासुङ। तुक क्‍यानी ख्रीष्‍ट ति शेप ताङ ङोसु वोतुपतिवा ङ्‍यिकरकी चोवो च्‍युङ्‍सुङ।

रोमी 6:4

तुक क्‍यानी दाक्‍पु बप्‍तिस्‍मा लावु तप्‍की खोकी मुला राङ शिनी मुक्‍तुम ग्‍यपुप यिन। तमा कोन्‍छ्‍योककी मोवाकी थोक्‍ला येशू ख्रीष्‍ट टुङ्‍नी ङोसु लावु दोके दाक्‍पु साङ खो ताङ मुला मिजी सम्‍बा क्‍योङ्‍गिवी।

१ कोरिन्‍थी 1:25

च्‍यिलासिसिन दाक्‍पी थोङ्‍दाङला कोन्‍छ्‍योककी अम्‍बारङ्‍शिङ क्‍यावु दोके थोङ्‍सिनाङ, ती ति मीतिवी रिक्‍पा सिनाङ छासे छ्‍ये वे। कोन्‍छ्‍योक ति काङ कि मुथुपु दोके थोङ्‍सिनाङ मीतिवी ङार सिनाङ छासे छ्‍ये वे।

१ कोरिन्‍थी 15:43

तमा मुक्‍तुम ग्‍यकुप पेला दाक्‍पी जु ति ताङ्‍देन मेतुप ताङ ङार मेतुप डिवी, यिने सेन्‍बु लङ्‍गुप पेला मोवा वोतुप ताङ ङार छ्‍येवु च्‍युङ्‍गिवी।

१ कोरिन्‍थी 2:3

ङ ख्‍यिरा मुला वोतुप पेला काङ साङ कि मुथुवु दोके ताङ छासे ज्‍यिवा लानी र्‍हुकिन वायिन।

१ कोरिन्‍थी 6:14

कोन्‍छ्‍योककी खोरे ओङ नेमा राङ चोवो येशूला टुङ्‍नी ङोसु लाङ्‍सुङ। तुक क्‍यानी दाक्‍पुला साङ खोकी ओङ नेमा शेप ने सेन्‍बु लोङ्‍गिवी।

२ कोरिन्थी 10:10

मी ललाइकी याङ ङ्‍यिराङला “ख्‍यिराङ यिकीतिवा टिकुप पेला ति च्‍युरुवु ताङ छासे रम्‍बु किवी, यिने ङ्‍यिरा चिप्‍ला वोतुप पेला ति रम्‍बु मेतुप ताङ तेन्‍दोक मेतुप ताम्‍ङे तिराङ किवी।” सिनी सिवी।

२ कोरिन्थी 12:10

तुक क्‍यानी ङ ति ख्रीष्‍टकी थोक्‍ला ङार मेतुप पेला ताङ मी मारे तोङ्‍गुप पेला ताङ कलेला ख्‍येलुप पेला ताङ छेटाङला ख्‍येलुप पेला ताङ दुङलला ख्‍येलुप पेला लोदिमु क्‍यानी दे थुप्‍किवी। च्‍यिलासिसिन ङ ङार मेतुप पेला ङार छ्‍येवु च्‍युङ वे।

२ कोरिन्थी 13:9

ङ्‍यिराङ ङार मेतुप वोसिनाङ ख्‍यिराङ ति रम्‍बु वोतुप पेला ङ्‍यिराङ छासे गा लङ्‍गिवी। ख्‍यिराङ तेरी येर्के गल्‍नी ल्‍यामु च्‍युङ्‍शी सिनी ङ्‍यिराङ मोपोर किवी।

फिलिप्पी 3:10

ङला गोवु तेरी ताम्‍ङेतिवा ति दी यिन, ख्रीष्‍टला ङो शेवु ताङ खो टुङ्‍नी ङोसु लावु ओङ ति हाक्‍कोवु ताङ खोकी दाक्‍पी थोक्‍ला दुक्‍पा खुरुप दोके ङे साङ खोकी थोक्‍ला शि राङ गोसिनाङ शि थुप्‍शी।

हिब्रू 5:7

येशू दी जम्‍बुलिङला मी जुजमला ज्‍युवु पेला खुरुङला शेप ने ङोसु लोङ थुपुप कोन्‍छ्‍योकला थोर ग्‍यप्‍नी ङुयी सिरा मोपोर क्‍यावु ति खोकी सेन्‍सुङ। च्‍यिलासिसिन येशूकी टेङ्‍बु क्‍यानी खोला ताङ्‍देन क्‍या नाङ्‍सुङ।

१ पत्रुस 3:18

च्‍यिलासिसिन चोवो येशू ख्रीष्‍ट साङ दिक्‍पातिवी तेन्‍दोकला थेङ्‍मा च्‍यिक टुङ्‍सुङ, खो दिक्‍पा मेसिनाङ मेटेङ्‍बुतिवाला कोन्‍छ्‍योककी मुला तम्‍जी ल्‍यामु जोपला टुङ्‍गुप यिन। खोकी जु ति टुङ सिनाङ खोकी थु ति कोन्‍छ्‍योककी ङोसु लाङ्‍सुङ।

१ पत्रुस 3:22

खो देवाच्‍येनला फेप्‍सुङ, तमा देवाच्‍येनकी लेन क्‍योलुप थुतिवा ताङ ओङ्‍ज्‍येन कितुपतिवा ताङ ङारतिवाला खोरे ओङला ज्‍याक्‍नी खो ति कोन्‍छ्‍योककी यावी थाकाला वोतुप ठीला ज्‍युसुङ।