२ कोरिन्थी 13:3 - कोन्छ्‌योककी सुङ

³ च्‍यिलासिसिन ख्रीष्‍ट ङे मिजी नेमा ताम्‍ङे किवी सिरुप पङ्‍बु ति ख्‍यिरा छोल्‍गितो। खोकी ख्‍यिरा पर्ला ठिम क्‍या नङ्‍गुप पेला खो ङार मेतुप मिन, ङार छ्‍येवु वोतुप ति हाक्‍कोकिवी।

२ कोरिन्थी 13:3 Iomraidhean Croise

मत्ती 10:20

ती पेला लपुप ति ख्‍यिराङ मिन, यिने ख्‍यिराङ नेसुर सुङ्‍गुप ख्‍यिरा पपा कोन्‍छ्‍योककी थु चाङ्‍मा यिन।

लूका 21:15

च्‍यिलासिसिन ती पेला ङ ख्‍यिराङला लपुप ताम्‍ङे ताङ रिक्‍पा तेरिन, तुक क्‍यानी ख्‍यिरा चुका डतिवी साङ ख्‍यिरा ताम्‍ङेकी तेन्‍दोकला लङ मुथुपी, तमा तिवी ख्‍यिरा ताम्‍ङे टेके मिन सिनी सि मुथुपी।

१ कोरिन्‍थी 7:40

ङे नासामला ती पुम्‍पेजा तीकी जेन्‍दी माक्‍यावा क्‍यानी देसिन तीला मङ किर्मु गिवी। कोन्‍छ्‍योककी थु चाङ्‍मा ङे मुला ज्‍यु वोतुप तप्‍की ङे दी ताम्‍ङे सि थुप्‍किवी।

२ कोरिन्थी 10:1

ङ ख्‍यिरा चिप्‍ला वोतुप पेला ज्‍यिवा क्‍यानी ताम्‍ङे कि मुथुपी, यिने थाक्‍रिङ्‍बु वोतुप पेला ति ख्‍यिरा थोक्‍ला ङाडेङ क्‍यानी ताम्‍ङे किवी सिनी ख्‍यिरा ङला सिवी। ङ पावल ति ख्रीष्‍टकी दोके कुसु ज्‍यम्‍बु ताङ च्‍यम्‍बा क्‍यानी ख्‍यिराङला ठाकुरे सिरिन।

२ कोरिन्थी 10:4

ङ्‍यिरा थमु ग्‍यकुप लक्‍च्‍येतिवा ति दी जम्‍बुलिङकी दोके मिन, यिने कोन्‍छ्‍योककी ङार यिन। तीकी कोन्‍छ्‍योककी तेन्‍दोकला लङ्‍गुप दुक्‍टाकी ओङ्‍ज्‍येनतिवा तेरी ना तोङ्‍गिवी, तमा तेन्‍दोक मेतुप खाँदा लोङ्‍गुप ताम्‍ङेतिवा साङ ना तोङ्‍गिवी।

२ कोरिन्थी 12:12

ङ वुतुङ के लोमा छ्‍ये यिन सिरुप ति छ्‍या देन्‍दुपला ख्‍यिरा पर्ला छासे डेकला देनी हलेवु ततिवा ताङ हलेवु लाकातिवा ताङ ङार छ्‍येवु लाकातिवा क्‍यावु यिन।

२ कोरिन्थी 2:10

ख्‍यिरा सुला माफ तेर्किवे, ङ साङ तीला माफ तेरिनो। दोजो ङे ललाइला काङ रे च्‍यिक रे ताम्‍ङेला माफ बिन्‍सिन ती ति ख्रीष्‍टकी थोङ्‍दाङला ख्‍यिरा थोक्‍ला ङे माफ बिन्‍दुप यिन।

२ कोरिन्थी 2:6

ख्‍यिरा पर्ला मी माङ्‍शोक नेसुर तुका मीला याङ चुका परकी छ्‍येर्पा कल्‍सिनाङ ग्‍यावा यिन।

२ कोरिन्थी 9:8

कोन्‍छ्‍योककी ख्‍यिराङला तेरी मोलाम ति छासे क्‍यानी नङ्‍गिवी। तुक क्‍यानी ख्‍यिराङला तेरी गोवु च्‍यालकतिवा छासे क्‍यानी च्‍युङ्‍नी गोवु सिनाङ मङ छाछिङी डिवी, तमा ख्‍यिरा मी यम्‍बाला ल्‍यामु कितुपला तेर थुप्‍किवी।