२ कोरिन्थी 11:1 - कोन्छ्‌योककी सुङ

¹ ङे चे चेयी ताम्‍ङे अम्‍बारङ्‍शिङ क्‍यासिनाङ ख्‍यिराङ हम क्‍यानी दे सिरुप ति ङला रेवा वे। ङ येलुङ सिरिन, ख्‍यिराङ हम क्‍यानी दे।

२ कोरिन्थी 11:1 Iomraidhean Croise

मत्ती 17:17

तमा येशूकी “ओ तेपा माक्‍यानी सेम दुक्‍टा गलुप मीतिवा! ङ नम सेक ख्‍यिरा मुला देतुप्‍जा? नम सेक ङ ख्‍यिराङला हम क्‍यानी देतुप्‍जा? ती पेजाला दे टिनी शोक।” सिनी सुङ्‍सुङ।

लोमा छ्‍येतिवी लाका 18:14

तमा पावलकी लप्‍तुछ्‍येप पेला ती गलियोन तीकी यहूदीतिवाला दुक सिक्‍यासुङ, “ओ यहूदीतिवा, वुतुङ के ख्‍यिरा क्‍यावु दी ताम्‍ङे ति मीला मेलोक्‍पा जोप याङ्‍ना लाका दुक्‍टा कितुप ताम्‍ङे यिन्‍सियाङ ङे ङ्‍येन राङ गोकिवी।

लोमा छ्‍येतिवी लाका 26:29

यिने पावलकी सिक्‍यासुङ, “कोले क्‍यान यिन्‍सिनाङ शार्क्येक यिन्‍सिनाङ ग्‍येल्‍वुला तिराङ मिन, हारिङ ङला च्‍याटोक माग्‍यप्‍सिन ङे ताम्‍ङे ङ्‍येन्‍दुपतिवा तेरी ङ दोके राङ येशूला तेपा किशी सिनी ङ कोन्‍छ्‍योकला मोपोर कितिन।”

१ कोरिन्‍थी 1:21

जम्‍बुलिङकी मीतिवी खोरो रिक्‍पाकी कोन्‍छ्‍योकला ङो माशेवु तप्‍की दाक्‍पुला खोकी रिक्‍पा नाङ्‍सुङ। खोकी रिक्‍पा नेसुर दाक्‍पी ख्‍याप्‍टाक क्‍यावु सुङ ति तेर्मे यिन सिरुपतिवी पर्ला सी ती सुङला तेपा किवे, तिवाला कोन्‍छ्‍योककी र्‍होकुप नो क्‍यासुङ।

१ कोरिन्‍थी 3:18

सी साङ खोरो राङ खुरुङला क्‍येन फोकुप मोजोशी। ख्‍यिराङ सु दी जम्‍बुलिङला रिक्‍पा वोतुप यिन सिनी नोकिवे, ती ति रिक्‍पा मेतुप दोके च्‍युङ्‍शी। तुक क्‍यासिन ख्‍यिराङ रिक्‍पा वोतुप च्‍युङ्‍गिवी।

१ कोरिन्‍थी 4:10

ए, ङ्‍यिराङ याङ ख्रीष्‍टकी थोक्‍ला रिक्‍पा मेतुप च्‍युङ्‍सुङ, यिने ख्‍यिराङ ति खोकी जोसालेन्‍सिन रिक्‍पा वोतुप च्‍युङ्‍सुङ। ङ्‍यिराङ ङार मेतुप गल वे, यिने ख्‍यिराङ ति ङार वोतुप गल वे। ख्‍यिराङला ताङ्‍देन ङ्‍येनी वे, यिने ङ्‍यिराङला याङ मीतिवी मारे ताङ्‍सुङ।

१ कोरिन्‍थी 4:8

ए, त याङ ख्‍यिराङला गोवु च्‍यालकतिवा तेरी थोप्‍नी ख्‍यिराङ छ्‍युक्‍पु गाल्‍सुङ। ए, त याङ ङ्‍यिराङ मेसिनाङ ख्‍यिराङ ग्‍येल्‍वु दोके च्‍युङ्‍सुङ। वुतुङ के ख्‍यिराङ ग्‍येल्‍वु यिन्‍दुप यिन्‍सियाङ ङ्‍यिराङ साङ ख्‍यिरा मुला राङ ग्‍येल्‍वु कितुप ङ्‍येतुप्‍जा।

२ कोरिन्थी 11:19

ख्‍यिराङ रिक्‍पा वोतुप तप्‍की अम्‍बारङ्‍शिङ वोतुप मीतिवी सिक्‍यावु ताम्‍ङेला साङ गा क्‍यानी हम क्‍या देकिवी।

२ कोरिन्थी 11:21

ङ ङोछा लासिनाङ ती ताम्‍ङे किवी, ङ्‍यिरा याङ तिवी दोके काङ साङ कि मुथुपी। यिने मी ललाइकी तेके किवी सिसिन, ङ साङ तेके राङ कितिन। ङला ती तेके कितुप ति अम्‍बारङ्‍शिङ यिन सिनी छ्‍या वे।

२ कोरिन्थी 11:4

च्‍यिलासिसिन मी ललाइ वानी ङ्‍यिरा ख्‍याप्‍टाक क्‍यावु येशू सिनाङ यम्‍बा येशूकी कोर्ला ख्‍याप्‍टाक क्‍यासुङ सिसिन, याङ्‍ना ख्‍यिराङला थोपुप कोन्‍छ्‍योककी थु चाङ्‍मा सिनाङ यम्‍बा थुकी कोर्ला ख्‍याप्‍टाक क्‍यासुङ सिसिन, याङ्‍ना ख्‍यिरा सेमला लावु सिनाङ यम्‍बा लेन ल्‍यामुकी कोर्ला ख्‍याप्‍टाक क्‍यासुङ सिसिन ख्‍यिराङ तिवी ताम्‍ङेला जोल्‍हमु क्‍यानी सेमला लङ्‍गिवी।

२ कोरिन्थी 12:11

ख्‍यिरा राङ ङला कार क्‍यानी तुका अम्‍बारङ्‍शिङ कितुप जोवु यिन। ख्‍यिरा ङला ताङ्‍देन कि गोवु ति यिन्‍जा, च्‍यिलासिसिन ङ ति काङ मिन्‍सिनाङ खोप्‍राङ ति चोछ्‍येवु लोमा छ्‍ये यिन सिरुप मीतिवा सिनाङ चेयी साङ छ्‍युङा मे।

२ कोरिन्थी 5:13

दोजो ङ्‍यिराङ ङ्‍येन्‍बु यिन्‍सिन ती ति कोन्‍छ्‍योककी थोक्‍ला राङ ङ्‍येन्‍बु वोतुप यिन, ङ्‍यिरा सेम थिला वोसिन ख्‍यिरा थोक्‍ला राङ सेम थिला वोतुप यिन।

हिब्रू 5:2

ती कोङ्‍यार छ्‍ये तीकी खोरो साङ दिक्‍पा कि थुप्‍किवी। ती तप्‍की टेङ्‍बुला ङो माशेनी लाम नोरुपतिवाला तीकी कुसु ज्‍यम्‍बु क्‍यानी टोङ्‍गु तेर थुप्‍किवी।