२ कोरिन्थी 1:6 - कोन्छ्‌योककी सुङ

⁶ ङ्‍यिराङला दुक्‍पा ङ्‍येतुप ति ख्‍यिराङला टोङ्‍गु ताङ थर्वा ङ्‍येतुपला यिन। ङ्‍यिराङला टोङ्‍गु ङ्‍येतुप ति ख्‍यिराङला साङ टोङ्‍गु ङ्‍येतुपला यिन। तमा ती टोङ्‍गु नेसुर राङ ङ्‍यिरा दोके ख्‍यिरा साङ दुक्‍पा खुरुप ताङ हम क्‍यानी दे थुप्‍किवी।

२ कोरिन्थी 1:6 Iomraidhean Croise

लोमा छ्‍येतिवी लाका 21:5

यिन्‍सिनाङ तेसुर ङ्‍यिराङ क्‍येनी डोप पेला लेप्‍सिमा तिवा तेरी पेजापेर्मीतिवा ताङ क्‍यानी ङ्‍यिराङला क्‍योलुपला ग्‍येसाकी फिला सेक वासुङ। तमा ग्‍येम्‍छो गारीला पुमुङ चुनी मुला राङ मोपोर क्‍यानी तेरी क्‍येयिन।

रोमी 8:28

कोन्‍छ्‍योकला ङ्‍यिङ्‍ज्‍ये कितुपतिवा ताङ खोकी नोवा नेसुर पेतुप मीतिवाला ख्‍येल वुङ्‍गुप छेटाङ दुङल ताङ लोदिमु काङ वोसिनाङ खोकी ती तेरी मुला राङ ल्‍यामु जो नङ्‍गिवी सिरुप ति दाक्‍पुला छ्‍या वे।

२ कोरिन्थी 1:4

खोकी ङ्‍यिराङला तेरी परकी दुक्‍पा ख्‍येलुप पेला टोङ्‍गु नङ्‍गिवी। तुक क्‍यानी ङ्‍यिरा साङ खोकी नङ्‍गुप टोङ्‍गु नेमा मी ललाइला दुक्‍पा ख्‍येल्‍सिन तिवाला टोङ्‍गु तेर थुप्‍किवी।

२ कोरिन्थी 12:15

ङ ख्‍यिरा थोक्‍ला छासे गा क्‍यानी ङे मुला वोतुप तेरी डोसुम तोङ्‍गुप ताङ ङे मिजी साङ तेरिन। ङे ख्‍यिराङला तुका मङ्‍मु ङ्‍यिङ्‍ज्‍ये क्‍यासिनाङ ख्‍यिरा ङला ङ्‍यिङ्‍ज्‍ये मिकिवी?

२ कोरिन्थी 5:5

दी तेरी दाक्‍पी थोक्‍ला टडिक क्‍या नङ्‍गुप ति कोन्‍छ्‍योक राङ यिन। ती थाक्‍छ्‍येतुपकी थोक्‍ला खोकी दाक्‍पुला थु चाङ्‍मा नङ्‍नी वे।

एफिसी 3:1

ती तप्‍की ङ पावल ख्‍यिराङ यहूदी मिन्‍दुप मिरिक यम्‍बातिवी थोक्‍ला चोन्‍खाङला शोर्नी वे।

एफिसी 3:13

तुक क्‍यानी ङ ख्‍यिराङला गोङ्‍बा शोयी, ख्‍यिरा थोक्‍ला ङे छेटाङ खुर्सुङ सिनी ख्‍यिराङ यिछ्‍येता माकी। दी ति ख्‍यिरा थोक्‍ला छासे ताङ्‍देन वोतुप ताम्‍ङे यिन।

फिलिप्पी 1:19

च्‍यिलासिसिन ख्‍यिरा क्‍यावु मोपोर ताङ येशू ख्रीष्‍ट नेमा वावु थु चाङ्‍माकी दाल्‍जा क्‍यानी ङ दी चोन्‍खाङ ने थर थुप्‍किवी सिरुप ति ङला छ्‍या वे।

२ तिमोथी 2:10

तुक क्‍यानी कोन्‍छ्‍योककी पेतुपतिवी थोक्‍ला ङ हम क्‍यानी देतिन। ती ति तिवाला साङ येशू ख्रीष्‍टकी नङ्‍गुप थर्वा ताङ नाम्‍साङ मिशिवु मोवा ङ्‍ये थुप्‍शी सिनी यिन।