5 चुक क्यानी ख्रीष्टकी थोक्ला ङ्यिरा छेटाङ बङी खुर्किवे, तुक राङ क्यानी ख्रीष्ट नेमा कोन्छ्योककी ङ्यिराङला छासे क्यानी टोङ्गु नङ्गिवी।
तमा ती पेला यरूशलेमला शिमियोन सिरुप मी यी नोक। ती ति कोन्छ्योककी थोङ्दाङला टेङ्बु वोतुप ताङ कोन्छ्योकला मोवा कितुप मी यिनोक। तीकी कोन्छ्योककी इस्राएलकी मीतिवाला थर ज्यितुप तीला गुनी देनोक, तमा तीला कोन्छ्योककी थु चाङ्मा थोप्नी नोक।
तमा वो ग्यप्लुङ्मे शाऊल ति तला लोक ग्यप्सुङ। ती पेला तीकी दुक सिरुप वोरु यी थोसुङ, “शाऊल, शाऊल, ख्युरुङ ङला च्यिला छेटाङ तेर्किवी?”
दाक्पु कोन्छ्योककी पेजातिवा यिन सिसिन ख्रीष्टकी मुला राङ कोन्छ्योककी ग्येल्खापकी अंश थोप छ्योवु यिन। दोजो दाक्पु ख्रीष्टकी मुला राङ कोन्छ्योककी मोवा थोप्नी वोसिन खोकी मुला राङ दुक्पा साङ खुर गोकिवी।
ङे खक्छ्येवुला कि राङ गोवु लाका ताङ रेवा ति दी यिन। ङ नाम्साङ ङोछाला माख्येल्नी छासे ङाडेङ ङ्येनी शिसिनाङ सेन्बु वोसिनाङ नरी दोके तन्दा साङ ङे मिजी ति ख्रीष्टकी थोक्ला मोवा कितुप डोशी।
दोजो येशू ख्रीष्टला तेपा क्यासिमा ख्यिरा मिजीला काङ टोङ्गु वोसिन, याङ्ना खोकी ङ्यिङ्ज्येकी लोदिमु च्युङ वोसिन, याङ्ना कोन्छ्योककी थु चाङ्माकी ओङला डिक्जोम च्युङ्नी तम्जी ल्यामु वोसिन, याङ्ना ख्यिरा मिजीला मी यम्बी थोक्ला सेम ल्यामु ताङ च्यम्बा वोसिन,
ङला गोवु तेरी ताम्ङेतिवा ति दी यिन, ख्रीष्टला ङो शेवु ताङ खो टुङ्नी ङोसु लावु ओङ ति हाक्कोवु ताङ खोकी दाक्पी थोक्ला दुक्पा खुरुप दोके ङे साङ खोकी थोक्ला शि राङ गोसिनाङ शि थुप्शी।
त याङ ङ ख्यिरा थोक्ला दुक्पा खुरुपला गा कितिन। तमा ख्रीष्टकी जु यिन्दुप चर्चकी थोक्ला खुर गोवु दुक्पा ताङ छेटाङ ति ङे जुला खुर्नी तेरी कितिन।
एन्टिओखिया ताङ आइकोनियन ताङ लुस्त्राला ङे चो छेटाङ ताङ दुक्पा खुर्सुङ सिरुप ति ख्युरुङला साङ छ्या वे। ङला चो छेटाङतिवा ख्येल्सिनाङ ती तेरी छेटाङ नेसुर कोन्छ्योककी ङला र्होक्सुङ।
यिने ख्यिराङ ख्रीष्टकी थोक्ला छेटाङ खुरुपतिवा यिन्दुप तप्की ती पेला गा की। तुक क्यासिन खोकी मोवा छ्या देन्दुप पेला ख्यिराङला मङ लोदिमु ताङ गा लङ्गिवी।