२ कोरिन्थी 1:11 - कोन्छ्‌योककी सुङ

¹¹ तीकी थोक्‍ला ख्‍यिरा ङ्‍यिराङला मोपोर क्‍यानी दाल्‍जा किटे किसा। तुक क्‍यासिन ख्‍यिराङ बङीकी क्‍यावु मोपोर नेसुर कोन्‍छ्‍योककी ङ्‍यिराङला मोलाम नङ्‍गुप तप्‍की मी बङीकी कोन्‍छ्‍योकला थुचिछे बुल्‍गिवी।

२ कोरिन्थी 1:11 Iomraidhean Croise

लोमा छ्‍येतिवी लाका 12:5

पत्रुस चोन्‍खाङला वोतुप पेला चर्चकी मीतिवा तेरीकी तीकी थोक्‍ला कोन्‍छ्‍योकला मोपोर क्‍यासुङ।

२ कोरिन्थी 4:15

दी तेरी ताम्‍ङेतिवा ख्‍यिरा थोक्‍ला राङ च्‍युङ्‍गुप यिन। तुक क्‍यानी कोन्‍छ्‍योककी कटिन ति मी बङीला ङ्‍येकिवी, तमा तिवी कोन्‍छ्‍योकला थुचिछे पुल्‍नी मङ खोला मोवा किवी।

२ कोरिन्थी 9:14

तन्‍दा कोन्‍छ्‍योककी ख्‍यिराङला छासे कटिन नङ्‍गुप तप्‍की तिवी ख्‍यिराङला ङ्‍यिङ्‍ज्‍ये क्‍यानी ख्‍यिरा थोक्‍ला मोपोर किवी।

फिलिप्पी 1:19

च्‍यिलासिसिन ख्‍यिरा क्‍यावु मोपोर ताङ येशू ख्रीष्‍ट नेमा वावु थु चाङ्‍माकी दाल्‍जा क्‍यानी ङ दी चोन्‍खाङ ने थर थुप्‍किवी सिरुप ति ङला छ्‍या वे।

कलस्सी 4:3

तमा ङ्‍यिरा थोक्‍ला साङ मोपोर किसा। कोन्‍छ्‍योककी सुङ ख्‍याप्‍टाक कितुपला खोकी दाक्‍पी थोक्‍ला गो पेनी ख्रीष्‍टकी छ्‍याकला वोतुप ताम्‍ङेतिवा ख्‍याप्‍टाक कि थुप्‍शी। तीकी थोक्‍ला राङ ङ चोन्‍खाङला शोर्नी वे।

१ थेसलोनिकी 5:25

अच्‍युनुपतिवा, ङ्‍यिरा थोक्‍ला साङ मोपोर किसा।

२ थेसलोनिकी 3:1

त तेरी सिनाङ तिङ्‍ला अच्‍युनुपतिवा, ङ्‍यिरा थोक्‍ला मोपोर किसा। कोन्‍छ्‍योककी लेन ल्‍यामु ति ख्‍यिरा पर्ला टम्‍बुप दोके टिम्‍बु क्‍यानी टम्‍शी, तमा दासा तेरीकी मीतिवी ताङ्‍देन क्‍यानी ङ्‍येन्‍शी,

फिलेमोन 1:22

तमा यम्‍बा साङ ताम्‍ङे च्‍यिक वे। ख्‍यिरा क्‍यावु मोपोरकी ङ ख्‍यिरा ते वुङ थुप्‍किवी सिरुप ति ङे रेवा क्‍या वे। तुक क्‍यानी ङे थोक्‍ला देतुप दासा यी टडिक क्‍यानी ज्‍योका।

हिब्रू 13:18

ङ्‍यिरा थोक्‍ला साङ नरी मोपोर किसा। ङ्‍यिरा सेम टेङ्‍बु वे सिरुप ति तेन्‍तेन वे। ङ्‍यिराङ ति नरी खोङ्‍तेर्मु क्‍यानी मिजी क्‍योङ्‍गुप नो वे।