२ कोरिन्थी 1:10 - कोन्छ्‌योककी सुङ

¹⁰ खोकी ङ्‍यिराङला तुका शेप ने र्‍होक नाङ्‍सुङ। तमा तन्‍दा साङ र्‍होक नङ्‍गिवी। तुक क्‍यानी येलुङ ज्‍युक्‍ला ङ्‍यिराङला र्‍होक नङ्‍गुप खोला ङ्‍यिरा तेरी रेवा क्‍या वे।

२ कोरिन्थी 1:10 Iomraidhean Croise

लोमा छ्‍येतिवी लाका 26:21

ती तप्‍की यहूदीतिवी ङला ल्‍हङाङ नाङ्‍ला जिम्‍नी सेतुप छाल्‍सुङ।

रोमी 15:31

ङ यहूदियाला वोतुप तेपा मिकिवु मीतिवी लक नेसुर थर थुप्‍शी, तमा यरूशलेमला वोतुप कोन्‍छ्‍योकला तेपा कितुप मीतिवी थोक्‍ला ङे शब्‍ज्‍यी क्‍यावु ति मीतिवी सेमला डोशी।

२ कोरिन्थी 1:9

वुतुङ के ङ्‍यिरा याङ त शेप पेला लेप्‍सुङ सिनी नो क्‍यायी। यिने ती ति ङ्‍यिरा खुरुङला राङ रेवा क्‍यावु मिन, शेपतिवाला सेन्‍बु लोङ्‍गुप कोन्‍छ्‍योकला तिराङ रेवा कि थुप्‍शी सिनी तुकै च्‍युङ्‍गुप यिन।

२ कोरिन्थी 6:9

ङ्‍यिराङ ति ङो मेशेवु दोके वोसिनाङ मी तेरीकी ङो शेवु च्‍युङ वे। शितु छ्‍येनी वोसिनाङ सेन्‍बु लुनी वे। छ्‍येर्पा खुर्सिनाङ माशी वे।

१ तिमोथी 4:10

तीकी थोक्‍ला राङ दाक्‍पु हुर्ताक ताङ टेमु कियी वे, च्‍यिलासिसिन दाक्‍पी रेवा ति ङोसु वोतुप कोन्‍छ्‍योकला वे। खो ति मी तेरीकी कोन्‍छ्‍योक यिन, खोकी खक्‍छ्‍येवुला तेपा कितुप मीतिवाला दिक्‍पा ने थर ज्‍यिकिवी।

२ तिमोथी 4:17

यिने चोवो येशू ङे मिजीला ज्‍युनी ङला ङार नङ्‍सुङ। तीकी तेन्‍दोक ति यहूदी मिन्‍दुप मिरिक यम्‍बाकी मीतिवा तेरीला कोन्‍छ्‍योककी सुङ ख्‍याप्‍टाक क्‍यानी तिवाला ती सुङ तेरी हाक्‍को ज्‍यितुपला यिन। तमा खोकी ङला ठिम्‍खाङकी सेतुप छ्‍येर्पा नेसुर र्‍होक्‍सुङ।

२ पत्रुस 2:9

तुक क्‍यानी खोकी सुङला युकुपतिवा छेटाङला ख्‍येलुप पेला र्‍होकुप ताङ खोकी सुङला मुयुकुपतिवाला ठिम कितुप तुजे सेक छ्‍येर्पा बिन्‍नी टानी ज्‍योकुप ति कोन्‍छ्‍योकला छ्‍या वे।