१ तिमोथी 6:9 - कोन्छ्‌योककी सुङ

⁹ यिने छ्‍युक्‍पु डोप नो कितुपतिवा शैतानकी जिनोकला ख्‍येल्‍नी तोर्वाला ख्‍येलुप दोके डिवी। तमा तिवा अम्‍बारङ्‍शिङ कितुप ताङ मीला ना तोङ्‍गुप नासाम तिराङ तङ्‍नी खोरो राङ खुरुङला मेताला जोनी ना डिवी।

१ तिमोथी 6:9 Iomraidhean Croise

मत्ती 13:22

तमा छेर्माङ दोङ्‍बी पर्ला ख्‍येलुप सेन ति दी मी दोके यिन। तीकी सुङ ङ्‍येन्‍गिवी, यिने दी जम्‍बुलिङकी पप ताङ टोङ्‍बाकी नासामकी ती सुङला क्‍येक्‍नी डेलु मोगोर्वी।

मत्ती 19:22

ती ताम्‍ङे थोसिमा ती मी ति सेम्‍दुक लानी गाल्‍सुङ, च्‍यिलासिसिन तीकी मुला नोर टोङ्‍बा बङी नोक।

मत्ती 26:15

तिवाला “दोजो ङे ख्‍यिराङला येशूला जिम बिन्‍सुङ सिसिन ख्‍यिरा ङला काङ तेर्किवी?” सिनी टिसुङ। तमा तिवी ङुलकी डप्‍बु खल सुम ङोनी तीला बिन्‍सुङ।

मत्ती 6:19

“ख्‍यिरा थोक्‍ला जम्‍बुलिङला टोङ्‍बा माशोम। जम्‍बुलिङला याङ मुक्‍पा ग्‍यकिवी, च छ्‍यानी ना डिवी, कुर्मेनकी कुनी डिवी।

मर्कूस 4:19

यिने जम्‍बुलिङकी पप ताङ टोङ्‍बाकी नासाम ताङ यम्‍बा ताम्‍ङेकी देर्पाकी ती सुङला क्‍येक्‍नी डेलु मोगोर्वी।

लूका 12:21

रङगी थोक्‍ला तिराङ टोङ्‍बा शम्‍नी कोन्‍छ्‍योककी थोङ्‍दाङला छ्‍युक्‍पु मेतुपतिवा ति दुकै राङ डितो।”

लूका 21:35

च्‍यिलासिसिन ती तुजे ति तेरी जम्‍बुलिङला देतुपतिवी खला ख्‍येल्‍गितो।

लोमा छ्‍येतिवी लाका 8:20

ती थोसिमा पत्रुसकी दुक सिक्‍यासुङ, “ख्‍योरो टोङ्‍बा याङ ख्‍योरो लोला राङ ना डोशी, च्‍यिलासिसिन कोन्‍छ्‍योककी कटिन ति टङ्‍गा तेनी ङ्‍यो थुप्‍किवी सिनी ख्‍योरो नासाम ताङ्‍नोक।

एफिसी 4:22

तुक क्‍यानी ख्‍यिरा मिजी ङ्‍यिङ्‍बा नेसुर वुङ्‍गुप किताङ नालु ति मज्‍या ङ्‍यिङ्‍बा पिनी क्‍युरुप दोके क्‍यानी क्‍युर। ती मिजी ङ्‍यिङ्‍बा ति जिनोक जोप नासाम दुक्‍टा नेसुर वावु तप्‍की ना डिवी।

१ तिमोथी 1:9

ती ठिम ति मी टेङ्‍बुकी थोक्‍ला मिन, यिने ठिमला मुयुकुपतिवा ताङ सिक्‍यावु ताम्‍ङेला मेङ्‍येन्‍दुपतिवा ताङ कोन्‍छ्‍योकला मेतेन्‍दुपतिवा ताङ दिक्‍छेनतिवा ताङ मेटेङ्‍बुतिवा ताङ कोन्‍छ्‍योकला मारे तोङ्‍गुपतिवा ताङ पपाआमा ताङ मी यम्‍बाला सेतुप मीतिवी थोक्‍ला ताङ

१ तिमोथी 3:7

तुका मी ति येशूला तेपा माक्‍यावु मीतिवी थोङ्‍दाङला साङ ल्‍यामु वुङ गोकिवी। तुक क्‍यासिन मीतिवा तीकी तेन्‍दोकला मलाङ्‍गिवी, तमा शैतानकी ओङला साङ मेख्‍येल्‍वी।

१ तिमोथी 6:10

च्‍यिलासिसिन टङ्‍गा डेवाला चा कितुप नासाम नेसुर राङ तेरी परकी दिक्‍पातिवा गिवी। टङ्‍गी देर्पाला ख्‍येल्‍नी ललाइ मीतिवा तेपा कितुप क्‍युर्नी ज्‍योकिवी, तमा तिवी सेमला छासे पप लङ्‍गिवी।

१ तिमोथी 6:17

दी जम्‍बुलिङकी मी छ्‍युक्‍पुतिवाला दुक सिनी क बिन, “अम्‍बारङ्‍शिङ माकी, चेयी पर सेक तिराङ लुवु टोङ्‍बाला मिन, यिने दाक्‍पुला गोवु तेरी च्‍यालकतिवा लोदिमुकी थोक्‍ला ग्‍यक्‍चे क्‍यानी नङ्‍गुप कोन्‍छ्‍योकला तिराङ रेवा की।”

२ तिमोथी 2:26

तमा तिवा सेम ङ्‍येनी शैतानकी ओङ नेसुर थर्नी कोन्‍छ्‍योककी नोवाला युक थुप्‍किवी।

तीतस 2:12

ती कटिनकी राङ दाक्‍पु ति कोन्‍छ्‍योकला गा मलङ्‍गुप लाका ताङ तेपा मिकिवु मीतिवी दोके जम्‍बुलिङकी च्‍यालकतिवाला ङ्‍यिङ्‍ज्‍ये कितुप क्‍युर्नी दी जम्‍बुलिङला देतुप पेला खुरुङला डेकला ज्‍योकुप ताङ टेङ्‍बु वोतुप कोन्‍छ्‍योकला गा लङ्‍गुप मिजी क्‍योङ्‍गुपला येन्‍देन नङ्‍गिवी।

२ पत्रुस 2:3

तिवा देर्पाला ख्‍येल्‍नी ख्‍यिराङला ताम्‍ङे जिनोक जोनी ख्‍यिरा नेसुर ख्‍येप्‍साङ लङ्‍गितो, यिने तिवी खुर गोवु छ्‍येर्पाकी कोर्ला गोमाला के तेन्‍तेन क्‍या वे। तुक क्‍यानी तिवा वुतुङ के ना डिवी।

यहूदा 1:11

ती मीतिवा मोताप सुकुप यिनो! च्‍यिलासिसिन तिवा कयिनकी दला शुसुङ। टङ्‍गी देर्पाला ख्‍येल्‍नी बालामकी दोके मीतिवाला जिनोक जोसुङ। तमा कोरहकी दोके कोन्‍छ्‍योककी तेन्‍दोकला लानी तिवा कोरह दोके ना डिवी।