१ तिमोथी 6:5 - कोन्छ्‌योककी सुङ

⁵ तमा तुका मी तीकी सेम ना गलुप ताङ टेङ्‍बुला क्‍युर्नी ज्‍यकुप मीतिवी मुला खाँदा क्‍या क्‍यावा किवी। तमा तिवी कोन्‍छ्‍योकला मोवा कितुप ति ख्‍येप्‍साङ वुङ्‍गुप यिन सिनी नोकिवी।

१ तिमोथी 6:5 Iomraidhean Croise

मत्ती 12:33

“दोङ्‍बु ल्‍यामु वोसिन डेलु साङ ल्‍यामु राङ गोर्किवी। दोङ्‍बु मेलोवा वोसिन डेलु साङ मेलोवा राङ गोर्किवी। डेलु ल्‍हानी तीकी दोङ्‍बु चुकै वे सिरुप ति हाक्‍कोकिवी।

मत्ती 21:13

तमा खोकी तिवाला सुङ्‍सुङ, “कोन्‍छ्‍योककी सुङला दुक सिनी टि वे, ‘ङे खाङ्‍बा ति मोपोर कितुप खाङ्‍बा यिन सिनी सिवी।’, यिने ख्‍यिरा याङ तीला ‘च्‍याक्‍पातिवा देतुप फुक’ जोसुङ।”

मत्ती 23:13

“ख्‍यिराङ यहूदी छ्‍योकी गेकेनतिवा ताङ फरिसीतिवाला मोताप सुकुप यिनो, ख्‍यिराङ खोनक्‍पुतिवा! च्‍यिलासिसिन ख्‍यिराङ ति कोन्‍छ्‍योककी ग्‍येल्‍खापकी गोला गोल्‍ज्‍याक ग्‍यम वे। तमा खुरुङ साङ तीकी नाङ्‍ला मुशुकिवी, शुकुप छोलुप मीतिवाला साङ शुक मिज्‍यिवी।

१ कोरिन्‍थी 11:16

दोजो ललाइकी दी ताम्‍ङेला केवुल कितुप नो किवी सिसिन दुका ताम्‍ङेतिवा ङ्‍यिराङ ङ्‍याम मिकिवी, च्‍यिलासिसिन दुका ताम्‍ङेतिवा ङ्‍यिराङ ताङ कोन्‍छ्‍योककी चर्च तेरीकी लुक्‍सुला मे।

२ थेसलोनिकी 3:6

अच्‍युनुपतिवा, दाक्‍पी चोवो येशू ख्रीष्‍टकी मिङला ङ्‍यिराङ ख्‍यिराङला टोङ्‍गु तेरिन। छेरा कितुप ताङ ङ्‍यिरा सिक्‍यावु येन्‍देन मेङ्‍येन्‍दुपतिवा तेरी नेसुर कुतुक दे।

१ तिमोथी 1:6

यिने ललाइ मीतिवा तुका ताम्‍ङेला क्‍युर ज्‍याक्‍नी ताम्‍ङे मेशोलोकला येनी देन वे।

१ तिमोथी 3:3

तमा छ्‍याङ्‍गेले मिकिवु ताङ टिम्‍बु ङ्‍यिर्मु मिकिवु, यिने कुसु ज्‍यम्‍बु वोतुप ताङ थमु मग्‍यकुप ताङ नोरला देर्पा मिकिवु ताङ

१ तिमोथी 3:8

तुक राङ क्‍यानी चर्चला ल्हाटे कितुप मीतिवा साङ नासाम ल्‍यामु तोङ्‍गुप वुङ गोकिवी। तन्‍दा राङ च्‍यिक तन्‍दा राङ च्‍यिक सिरुप ताङ छ्‍याङ्‍गेले कितुप ताङ नोरला देर्पा कितुप मिन,

१ तिमोथी 4:7

कोन्‍छ्‍योकला मोवा मेतुप ताङ तेन्‍दोक मेतुप पेतिवा नेसुर ख्‍युरुङ कुतुक दे। तमा खोला मोवा कितुपला तालिम की।

१ तिमोथी 4:8

च्‍यिलासिसिन जुकी थोक्‍ला तालिम क्‍यावु ति चेयी तिराङ फेन थोकिवी। यिने कोन्‍छ्‍योककी थोक्‍ला तालिम क्‍यावु ति तेरी ताम्‍ङेला फेन थोकिवी, तमा ज्‍युक्‍थमाला कोन्‍छ्‍योककी थाक्‍छ्‍येन नङ्‍गुप नाम्‍साङ मिशिवु मिजी थोप्‍किवी।

१ तिमोथी 6:6

यिन्‍सिनाङ सेमला लो दिवु क्‍यानी कोन्‍छ्‍योकला मोवा कितुप ति ख्‍येप्‍साङ यिन।

२ तिमोथी 3:5

मी मिङ्‍गाला ति कोन्‍छ्‍योकला तेपा कितुप दोके जेवी, यिने कोन्‍छ्‍योकला तेपा क्‍यानी वुङ्‍गुप ओङला ति मेङ्‍येन्‍दुप गिवी। तुका मीतिवा नेसुर कुतुक देता।

२ तिमोथी 3:8

यान्‍नेस ताङ याम्‍ब्रेस मोशाकी तेन्‍दोकला लावु दोके ती मीतिवा साङ टेङ्‍बु वोतुप कोन्‍छ्‍योककी तेन्‍दोकला लङ्‍गिवी। तमा तिवी सेम ति मेलोक्‍पा गलुप ताङ तिवी क्‍यावु तेपा ति टेङ्‍बु मेतुप गिवी।

तीतस 1:11

तिवाला ख चुम्‍नी दे ज्‍यि गोकिवी, च्‍यिलासिसिन तिवा रङगी ख्‍येप्‍साङकी थोक्‍ला तेरुप मेङ्‍गुप येन्‍देन लाप्‍नी तेरी मिछाङतिवी पर्ला मेलोक्‍पा जेवी।

२ पत्रुस 2:15

तिवा लाम थेकाङला युकुप क्‍युर ज्‍याक्‍नी लाम मेटेङ्‍बुला गल्‍नी बओरकी पुज्‍युङ लुङ्‍तेम्‍बा बालमकी दला शुकुप गल वे। ती बालम ति गोमाला लाका मेटेङ्‍बु क्‍यानी टङ्‍गा शोम्‍बुप गा किनोक।

२ पत्रुस 2:3

तिवा देर्पाला ख्‍येल्‍नी ख्‍यिराङला ताम्‍ङे जिनोक जोनी ख्‍यिरा नेसुर ख्‍येप्‍साङ लङ्‍गितो, यिने तिवी खुर गोवु छ्‍येर्पाकी कोर्ला गोमाला के तेन्‍तेन क्‍या वे। तुक क्‍यानी तिवा वुतुङ के ना डिवी।

यहूदा 1:11

ती मीतिवा मोताप सुकुप यिनो! च्‍यिलासिसिन तिवा कयिनकी दला शुसुङ। टङ्‍गी देर्पाला ख्‍येल्‍नी बालामकी दोके मीतिवाला जिनोक जोसुङ। तमा कोरहकी दोके कोन्‍छ्‍योककी तेन्‍दोकला लानी तिवा कोरह दोके ना डिवी।

ज्‍यल्‍का 18:13

तमा दालचिनी ताङ मसला ताङ पोराङ ताङ टी जङ्‍बु खाप पो ताङ टेमा जङ्‍बु खाप मेन, रा गुन्‍डुम छ्‍याङ ताङ नुम ताङ फे ताङ ट, तमा छ्‍युङ्‍मातिवा ताङ लुकतिवा ताङ ततिवा ताङ तखुरतिवा, तमा योक्‍पुतिवा ताङ मक ग्‍यप्‍नी जिम टि वावु मीतिवा यिन।

ज्‍यल्‍का 18:3

च्‍यिलासिसिन ती बेबिलोन ग्‍येसाकी मीतिवी शम्‍डेन क्‍यावु तप्‍की कोन्‍छ्‍योक नेमा ख्‍येलुप ङ्‍यिर्मुकी गुन्‍डुम छ्‍याङ ति तेरी मिरिककी मीतिवी थुसुङ। जम्‍बुलिङकी ग्‍येल्‍वुतिवी साङ ती ग्‍येसाकी मीतिवी मुला शम्‍डेन कितुप लाका मेलोक्‍पा क्‍या वे। ती ग्‍येसाकी मीतिवाला गोवु च्‍यालक ख्‍येमुतिवा छोङ क्‍यानी जम्‍बुलिङकी छोङ्मेनतिवा साङ छ्‍युक्‍पु गल वे।”