१ तिमोथी 6:3 - कोन्छ्‌योककी सुङ

³ दोजो मी ललाइकी येन्‍देन मेटेङ्‍बुतिवा लोप्‍किवी, यिने दाक्‍पी चोवो येशू ख्रीष्‍टकी खक्‍छ्‍येवु सुङ ताङ दाक्‍पी मोवा कि गोवु येन्‍देनकी मुला मिडिकिवी सिसिन,

१ तिमोथी 6:3 Iomraidhean Croise

मत्ती 22:21

येशूकी तुक सुङ्‍सिमा तिवी “कैसरकी ति यिन।” सिनी सिक्‍यासुङ। तमा येशूकी तिवाला सुङ्‍सुङ, “तुकै यिन्‍सिन कैसरकी ति कैसरला ते, कोन्‍छ्‍योककी ति कोन्‍छ्‍योकला राङ पुल।”

मत्ती 28:20

तमा ख्‍यिराङला ङे क बिन्‍दुप तेरी ताम्‍ङेतिवा तिवाला लाप्‍नी ङ्‍येन च्‍यी। वुतुङ के ङ दी जम्‍बुलिङ ना मागाला सेक ख्‍यिरा मुला राङ नरी देतिनो।”

रोमी 16:17

अच्‍युनुपतिवा, ङ ख्‍यिराङला ठाकुरे सिनी गोङ्‍बा शोयी। ख्‍यिराङला लापुप कोन्‍छ्‍योककी सुङगी तेन्‍दोकला लानी ख्‍यिरा पर्ला क्‍येन तेरुप ताङ क्‍येङ्‍सु जोप मीतिवाला ल्हो। तमा तिवा नेसुर क्‍येङ्‍सु दे।

१ थेसलोनिकी 4:8

तुक क्‍यानी सी दी ताम्‍ङेतिवा मेङ्‍येन्‍वे, तीकी मीला माङ्‍येन्‍दुप मिन, ख्‍यिराङला थु चाङ्‍मा नङ्‍गुप कोन्‍छ्‍योकला माङ्‍येन्‍दुप यिन।

१ तिमोथी 1:10

शम्‍डेन कितुपतिवा ताङ ख्‍योक्‍पेजा ख्‍योक्‍पेजी मुला ङोजु मेतुप लाका कितुप ताङ मीतिवाला लुनी चोङ्‍गुपतिवा ताङ जिनोक जोपतिवा ताङ जिनोक जोनी न क्‍योलुपतिवा ताङ येन्‍देन टेङ्‍बुकी तेन्‍दोकला लङ्‍गुपतिवी थोक्‍ला यिन।

१ तिमोथी 1:3

ङ माकेडोनिया डोप पेला ख्‍युरुङला ङे एफिससला राङ दे सिक्‍यावु तेन्‍दोक ति तेकी येन्‍देन मेटेङ्‍बु लोपुप मीतिवाला तुक माकी सिनी क तेरुपला यिन।

१ तिमोथी 1:6

यिने ललाइ मीतिवा तुका ताम्‍ङेला क्‍युर ज्‍याक्‍नी ताम्‍ङे मेशोलोकला येनी देन वे।

२ तिमोथी 1:13

येशू ख्रीष्‍ट नेसुर वुङ्‍गुप तेपा ताङ ङ्‍यिङ्‍ज्‍ये नेसुर ङे ख्‍युरुङला बिन्‍दुप येन्‍देन टेङ्‍बुला सिक्‍यावु दोके लुमु से।

२ तिमोथी 4:3

च्‍यिलासिसिन तुका तुजे यी गितो। ती तुजेला मीतिवा येन्‍देन टेङ्‍बुला सेमला मोडोवु ताङ खुरुङला सेमला गलुप ताम्‍ङे तिराङ ङ्‍येन्‍दुप नो कितुप ताङ दाक दाक्‍पुला सेमला डोप येन्‍देन लोपुप गेकेनतिवा तिराङ बङी कतोङ्‍गिवी।

तीतस 1:1

दी यिकी ति कोन्‍छ्‍योककी लावा ताङ चोवो येशूकी लोमा छ्‍ये ङ पावलकी तङ्‍गुप यिन। कोन्‍छ्‍योककी पेतुपतिवाला टेङ्‍बुला तेपा कि ज्‍यितुप ताङ खोकी रिक्‍पा वोतुप सुङ ति ल्‍यामु क्‍यानी हाक्‍को ज्‍यितुपला कोन्‍छ्‍योककी ङला लोमा छ्‍ये जो नाङ्‍सुङ।

तीतस 1:9

खोरो लापुप सुङ टेङ्‍बुला रम्‍बु क्‍यानी युक गोकिवी। तुक क्‍यासिन तीकी सुङ टेङ्‍बुला लापुप दोके येन्‍देन तेर थुप्‍किवी। तमा सुङ टेङ्‍बुकी तेन्‍दोकला लङ्‍गुपतिवाला टेङ्‍बु काङ यिन सिरुप ति लोप साङ थुप्‍किवी।

तीतस 3:8

दी ताम्‍ङे ति टेङ्‍बु यिन, ख्‍यिराङ दी ताम्‍ङेला ङार की सिनी ङ नो कितिन। तुक क्‍यानी सी कोन्‍छ्‍योकला तेपा किवे, तिवी लाका ल्‍यामु कितुपला ङ्‍याम्‍ले किशी। तुक कितुप ति मीतिवी थोक्‍ला छासे ल्‍यामु ताङ ख्‍येप्‍साङ वोतुप यिन।