१ तिमोथी 6:20 - कोन्छ्‌योककी सुङ

²⁰ आङ तिमोथी, कोन्‍छ्‍योककी ख्‍युरुङला काङ लाका चेक तेन नङ वे, ती ति ल्‍यामो क्‍यानी र्‍होक्‍नी ज्‍योक। तेन्‍दोक मेतुप ताम्‍ङेतिवा क्‍युर्नी ज्‍योक। तिवी रिक्‍पा वोतुप यिन सिवी, यिने ती वुतुङ्‍की रिक्‍पा मेतुप मीतिवी ताम्‍ङे नेसुर कुतुक दे।

१ तिमोथी 6:20 Iomraidhean Croise

लोमा छ्‍येतिवी लाका 16:1

तेसुर पावलतिवा डर्बी ताङ लुस्‍त्राला साङ गाल। तमा लुस्‍त्राला तीकी तिमोथी सिरुप लोमाला ठेसुङ। ती तिमोथीकी आमा ति येशूला तेपा कितुप ताङ यहूदी गिपा यिनोक, पपा ति ग्रीककी मी यिनोक।

लोमा छ्‍येतिवी लाका 17:18

ती पेला इपिक्‍युरी ताङ स्‍तोइ सिरुप शेवा खावा वोतुप मीतिवी पर्ला ललाइकी पावल ताङ मुला केवुल क्‍यासुङ। तिवी पर्ला ललाइकी “दी पेतेक पेतेक सिरुप मी तीकी काङ सिक्‍यावु यिनाङ?” सिनी सिक्‍यासुङ। तमा यम्‍बातिवी “दी याङ छ्‍यिग्‍यपकी ल्‍हलुतिवी कोर्ला ख्‍याप्‍टाक कितुप मी दोके थोङ्‍गिनोक।” सिनी सिक्‍यासुङ। च्‍यिलासिसिन पावलकी येशू ताङ खो ङोसु लावु कोर्ला ख्‍याप्‍टाक क्‍यानोक।

लोमा छ्‍येतिवी लाका 17:21

तिवी तुक सिनी टिवु तेन्‍दोक ति एथेन्‍सकी मीतिवा ताङ ते देतुप छ्‍यिग्‍यपकी मीतिवी ति ताम्‍ङे सम्‍बा ङ्‍येन्‍दुप ताङ शेतुप मिसिन यम्‍बा लाका काङ साङ मिकिनोक।

रोमी 1:22

तुक क्‍यानी मीतिवी ङ च्‍यङ्‍बु यिन सिनी सिवी, यिने तिवा अम्‍बारङ्‍शिङ कितुप राङ गल वे।

रोमी 3:2

ख्‍येप्‍साङ ति बङी वे। ती ति काङ यिन सिसिन थल्‍माला कोन्‍छ्‍योककी यहूदीतिवाला खोकी सुङ टेङ्‍बु ति चेक तेन नङ्‍गुप यिन।

१ कोरिन्‍थी 2:6

यिन्‍सिनाङ कोन्‍छ्‍योकला तेपा रम्‍बु वोतुपतिवाला ताम्‍ङे कितुप पेला ङ्‍यिराङ दी रिक्‍पाकी कोर्ला राङ ख्‍याप्‍टाक किवी। दी रिक्‍पा ति दी जम्‍बुलिङकी रिक्‍पा ति मिन, जम्‍बुलिङकी ओङ्‍ज्‍येन कितुप मीतिवी रिक्‍पा साङ मिन। तिवी रिक्‍पा याङ वुतुङ के तोर्नी डिवी।

१ कोरिन्‍थी 3:19

च्‍यिलासिसिन दी जम्‍बुलिङकी रिक्‍पा ति कोन्‍छ्‍योककी थोङ्‍दाङला काङ साङ मिन। ती तप्‍की कोन्‍छ्‍योककी सुङला दुक सिनी टि वे, “रिक्‍पा वोतुपतिवी च्‍यङ्‍बु क्‍यानी लाका मेलोवा क्‍यावु तप्‍की ती ति खुरुङ राङ ना डिवी”

कलस्सी 2:18

ङ्‍यिरा ज्‍यल्‍का थोङ्‍गुप यिन सिनी मी यम्‍बाला छ्‍या देन्‍दुपला कुसु ज्‍यम्‍बु जोप दुक्‍टातिवा ताङ देवाच्‍येनकी लेन क्‍योलुप थुला तेन्‍दुप मीतिवा सी साङ ख्‍यिराङला थोपुप छ्‍यक्‍तक तोर्नी डोप मोजोशी। तिवा ति सेम दुक्‍टा नेसुर तेन्‍दोक मेताला ङ राङ छ्‍ये यिन सिनी सिवी,

कलस्सी 2:8

ख्‍यिराङ च्‍याङ्‍से देता! सी साङ खोप्‍रे च्‍यु ताङ रिक्‍पा नेसुर जिनोक जोवु ताम्‍ङेतिवा लाप्‍नी ख्‍यिराङला मुलुशिता। तुका ताम्‍ङेतिवा ख्रीष्‍ट नेमा वावु मिन, यिने मीतिवी लुक्‍सु ताङ जम्‍बुलिङला वोतुप ङार नेसुर वावु यिन।

२ थेसलोनिकी 1:4

ख्‍यिराङ चो छेटाङ ताङ शैतानकी खोक्‍पा ल्‍हाप ताम्‍ङेतिवा ख्‍येल्‍सिनाङ येशूला तेपा रम्‍बु क्‍या देतुप ताङ हम क्‍यानी देतुप तप्‍की ङ्‍यिराङ कोन्‍छ्‍योकला तेपा कितुप चर्चकी मीतिवी पर्ला तेके कियी वे।

२ थेसलोनिकी 2:15

ती तप्‍की अच्‍युनुपतिवा, तेपा रम्‍बु क्‍यानी ङ्‍यिरा ख्‍याप्‍टाक क्‍यावु सुङ याङ्‍ना ङ्‍यिरा तङ्‍गुप यिकी नेसुर ख्‍यिराङला ङ्‍येतुप येन्‍देनला युसा।

१ तिमोथी 1:11

दाक्‍पी येन्‍देन ति मोलाम नङ्‍गुप कोन्‍छ्‍योक टेङ्‍बुकी मोवा वोतुप लेन ल्‍यामु ताङ मुला डिकिवी। ती ति खोकी ङला चेक तेन नङ्‍नी वे।

१ तिमोथी 1:2

वुतुङ के तेपा कितुप आङ तिमोथीला टिवु यिनो। पपा कोन्‍छ्‍योक ताङ दाक्‍पी चोवो येशू ख्रीष्‍ट नेमा ख्‍युरुङला कटिन ताङ च्‍यम्‍बा ताङ लोदिमु वुङ्‍शी।

१ तिमोथी 1:4

तमा तिवाला यहूदी गिपाकी पगावा हङ्‍गावाकी काङ काङ क्‍यासुङ, तिवा सु सु यिन सिरुप कोर्ला साङ ङ्‍याम अला माकी सिनी क तेरुपला यिन। च्‍यिलासिसिन तुक क्‍यावु ति कोन्‍छ्‍योककी खोरे नोवाला क्‍यावु लाकाकी थोक्‍ला ताम्‍ङे कितुप सिनाङ केवुल तिराङ क्‍यावु यिन।

१ तिमोथी 1:6

यिने ललाइ मीतिवा तुका ताम्‍ङेला क्‍युर ज्‍याक्‍नी ताम्‍ङे मेशोलोकला येनी देन वे।

१ तिमोथी 1:9

ती ठिम ति मी टेङ्‍बुकी थोक्‍ला मिन, यिने ठिमला मुयुकुपतिवा ताङ सिक्‍यावु ताम्‍ङेला मेङ्‍येन्‍दुपतिवा ताङ कोन्‍छ्‍योकला मेतेन्‍दुपतिवा ताङ दिक्‍छेनतिवा ताङ मेटेङ्‍बुतिवा ताङ कोन्‍छ्‍योकला मारे तोङ्‍गुपतिवा ताङ पपाआमा ताङ मी यम्‍बाला सेतुप मीतिवी थोक्‍ला ताङ

१ तिमोथी 4:7

कोन्‍छ्‍योकला मोवा मेतुप ताङ तेन्‍दोक मेतुप पेतिवा नेसुर ख्‍युरुङ कुतुक दे। तमा खोला मोवा कितुपला तालिम की।

१ तिमोथी 6:11

यिने ख्‍युरुङ ति कोन्‍छ्‍योककी गिपा यिन्‍दुप तप्‍की तुका ताम्‍ङे मेलोवातिवा नासाम माताङ्‍नी टेङ्‍बु ताङ मोवा ताङ तेपा ताङ ङ्‍यिङ्‍ज्‍ये ताङ हम क्‍यानी देतुप ताङ कुसु ज्‍यम्‍बु कितुप छोल।

१ तिमोथी 6:14

ङ ख्‍युरुङला क तेरिन। दाक्‍पी चोवो येशू ख्रीष्‍ट माफेवा सेक ख्‍युरुङ ल्‍यामु क्‍यानी खोकी सुङला वोतुप क दोके मिजी क्‍योङ। तमा सी साङ ख्‍युरुङला मेटेङ्‍बु ताङ क्‍येन तेर मुथुपी।

२ तिमोथी 2:1

तुक क्‍यानी आङो, ख्‍युरुङ ख्रीष्‍ट येशूकी नङ्‍गुप कटिनला तेपा रम्‍बु क्‍यानी देता।

२ तिमोथी 2:16

कोन्‍छ्‍योकला मोवा मेतुप जम्‍बुलिङकी गो ताङ चा मेतुप ताम्‍ङेतिवा माङ्‍येना। च्‍यिलासिसिन तुका ताम्‍ङेतिवी कोन्‍छ्‍योकला मङ मङ मोवा मेतुप जेवी।

तीतस 1:14

तमा यहूदीतिवी जोवु फेन मोथोवु पे ताङ ताम्‍ङे मेटेङ्‍बु कितुप मीतिवी योक कुतुप ताम्‍ङेला तिवा ङ्‍याम मिकिशी।

तीतस 1:4

येशू ख्रीष्‍टला तेपा कितुप च्‍यिक राङ वोतुप ङे आङ तीतसला दी यिकी टिवु यिनो। पपा कोन्‍छ्‍योक ताङ दाक्‍पुला दिक्‍पा ने थर ज्‍यितुप येशू ख्रीष्‍टकी कटिन ताङ लोदिमु ख्‍युरुङला नङ्‍शी।

तीतस 1:9

खोरो लापुप सुङ टेङ्‍बुला रम्‍बु क्‍यानी युक गोकिवी। तुक क्‍यासिन तीकी सुङ टेङ्‍बुला लापुप दोके येन्‍देन तेर थुप्‍किवी। तमा सुङ टेङ्‍बुकी तेन्‍दोकला लङ्‍गुपतिवाला टेङ्‍बु काङ यिन सिरुप ति लोप साङ थुप्‍किवी।

तीतस 3:9

यिने ताम्‍ङे अम्‍बारङ्‍शिङ कितुप ताङ गिपाकी कोर्ला फेन मोथोवु ताम्‍ङे कितुप ताङ खाँदा कितुप ताङ ठिमकी कोर्ला थमु ग्‍यकुपतिवी नेसुर क्‍योक्‍से की, च्‍यिलासिसिन दी ताम्‍ङेतिवा ति ख्‍येप्‍साङ मेतुप ताङ तेर्मे यिन।

ज्‍यल्‍का 3:3

ती तप्‍की गोमाला ख्‍योरो लापुप ताङ थोवु ताम्‍ङे ति नासाम तोङ। तमा तीला ङ्‍येन्‍नी दिक्‍पा ने ग्‍युर। ख्‍युरुङ मालासिन ङ ख्‍यिरा हाक्‍माकोवा क्‍यानी शार्क्येक वुङ्‍यिनो। ङ चो पेला गिवी सिरुप तुजे ति ख्‍यिरा हाक्‍मोकोतो।