१ तिमोथी 6:2 - कोन्छ्‌योककी सुङ

² ख्‍यिराङ तेपा कितुप योक्‍पुतिवा ज्‍यिन्‍दाककी वोक्‍ला लाका कितुप पेला तिवा दाक्‍पी तेपा कितुप अच्‍युनुप राङ यिन सिनी ताङ्‍देन कितुप ताङ तिवाला मङ ल्‍यामु क्‍यानी शब्‍ज्‍यी की। च्‍यिलासिसिन ख्‍यिरा लाका ल्‍यामु क्‍यासिमा ज्‍यिन्‍दाकला ख्‍येप्‍साङ वुङ्‍गिवी। ती ज्‍यिन्‍दाक ति तेपा कितुप ख्‍यिरा ङ्‍यिङ्‍ज्‍येवु अच्‍युनुपतिवा यिन। दी ताम्‍ङे ति ख्‍यिराङ ल्‍यामु क्‍यानी येन्‍देन तेरुप ताङ ख्‍याप्‍टाक की।

१ तिमोथी 6:2 Iomraidhean Croise

मत्ती 23:8

यिने ख्‍यिराङला सी साङ गेकेन सिनी सि माज्‍यी। च्‍यिलासिसिन ख्‍यिरा गेकेन ति च्‍यिक राङ वे, ख्‍यिराङ ति तेरी अच्‍युनुपतिवा यिन।

मत्ती 25:40

तमा ङे तिवाला दुक सिवी, ‘वुतुङ के ङ ख्‍यिराङला सिरिन, ख्‍यिरा दे वोतुपतिवी पर्ला तेरी सिनाङ छ्‍युङा मिरा च्‍यिकला काङ क्‍यावे, ती ति ङला राङ क्‍यावु यिन।’

मत्ती 6:24

“सी साङ ज्‍यिन्‍दाक ङ्‍यीला शब्‍ज्‍यी कि मुथुपी। च्‍यिलासिसिन तीकी ज्‍यिन्‍दाक च्‍यिकला ति ङ्‍यिङ्‍मर किवी, च्‍यिकला ति ङ्‍यिङ्‍ज्‍ये किवी। याङ्‍ना च्‍यिकला ति ताङ्‍देन किवी, च्‍यिकला ति मो बेप्‍किवी। ती दोके ख्‍यिराङ कोन्‍छ्‍योक ताङ टोङ्‍बा ङ्‍यिकरला शब्‍ज्‍यी कि मुथुपी।”

लोमा छ्‍येतिवी लाका 1:15

ती पेला ते तेपा कितुपतिवा मी मिरा सयी च्‍यिक ताङ खल ज्‍यिक चोयी जोम्‍नोक। तमा पत्रुसकी तिवी पर्ला टङी लानी सिक्‍यासुङ,

रोमी 11:17

दोजो नाठुङ वुङगी जैतुन दोङ्‍बी येल्‍का च्‍येनी वुतुङ्‍की जैतुन दोङ्‍बी येल्‍का च्‍येतुप दासाला थिसुङ सिसिन ती नाठुङ वुङगी जैतुन दोङ्‍बी येल्‍काला ख्‍वो वानी डेलु गोर्किवी।

रोमी 8:29

खोकी जम्‍बुलिङ ज्‍येङ्‍गुप सिनाङ गोमाला के खोरे ङो शेवु मीतिवाला पेनी खोरे पुज्‍युङकी जुजम दोके च्‍युङ्‍गुपला जो नाङ्‍सुङ। तुक क्‍यानी ती पुज्‍युङ ति नुपतिवी नाङ्‍ला तेरी सिनाङ छ्‍ये च्‍युङ्‍गुप यिन।

गलाती 5:6

दाक्‍पु ख्रीष्‍टला तेपा क्‍यासिन च्‍येतुप लुक्‍सु तेन्‍सिनाङ मातेन्‍सिनाङ काङ साङ ख्‍येपर मे, यिने ताम्‍ङे च्‍यिक ति काङ यिन सिसिन ङ्‍यिङ्‍ज्‍ये नेसुर दाक्‍पी मिजीला तेपा छ्‍या देन गोकिवी।

एफिसी 1:1

टसी देलेक! दी यिकी ति कोन्‍छ्‌योककी नोवा नेसुर ख्रीष्‍ट येशूकी लोमा छ्‌ये च्‍युङ्‍गुप ङ पावलकी छ्‍योक नेसुर येशू ख्रीष्‍टला तेपा क्‍यानी खोङ्‍तेर्मु वोतुप एफिससकी मीतिवाला टिवु यिनो।

एफिसी 1:15

तुक क्‍यानी ङ मोपोर कितुप पेला नरी ख्‍यिराङला टेन्‍नी कोन्‍छ्‌योकला थुचिछे बुलिन। च्‍यिलासिसिन चोवो येशूला ख्‍यिरा तेपा क्‍यावु ताङ तेरी तेपा कितुप मीतिवाला ख्‍यिरा च्‍यम्‍बा क्‍यावु ति ङे हाक्‍कोसुङ।

एफिसी 3:6

ती छ्‍याकला वोतुप ताम्‍ङेकी तेन्‍दोक ति लेन ल्‍यामु नेसुर राङ यहूदी मिन्‍दुप मिरिक यम्‍बातिवाला साङ यहूदीतिवाला थोपुप कोन्‍छ्‌योककी मोलाम ति मुला राङ थोप्‍नी वे। तमा दाक्‍पु तेरी येशू ख्रीष्‍ट ताङ मुला जु च्‍यिक्‍पा राङ च्‍युङ्‍नी खोकी खोरे मीतिवाला थाक्‍छ्‌येन नङ्‍गुप साङ मुला राङ थोप्‍नी वे।

कलस्सी 1:2

कलस्‍सेला देतुप कोन्‍छ्‍योकला तेपा कितुप चाङ्‍मा ताङ खोङ्‍तेर्मु वोतुप अच्‍युनुपतिवाला टिवु यिनो। दाक्‍पी पपा कोन्‍छ्‍योककी ख्‍यिराङला कटिन ताङ लोदिमु नङ्‍शी।

कलस्सी 1:4

च्‍यिलासिसिन ख्‍यिरा ख्रीष्‍ट येशूला तेपा क्‍यावु ताङ कोन्‍छ्‍योककी चाङ्‍मा वोतुप मीतिवाला ङ्‍यिङ्‍ज्‍ये क्‍यावु ति ङ्‍यिरा थोसुङ।

कलस्सी 4:1

ज्‍यिन्‍दाकतिवा, ख्‍यिरा साङ देवाच्‍येनला रङगी ज्‍यिन्‍दाक वे सिरुप ति हाक्‍कोनी रङगी लावातिवाला ख्‍ये मापेवा क्‍यानी टेङ्‍बु किसा।

२ थेसलोनिकी 1:3

अच्‍युनुपतिवा, ख्‍यिरा थोक्‍ला ङ्‍यिराङ नरी कोन्‍छ्‍योकला थुचिछे बुल राङ गोकिवी। च्‍यिलासिसिन ख्‍यिरा येशूला क्‍यावु तेपा ति ङ्‍यिमा तक्‍पा रम्‍बु डोयी वे। तमा ख्‍यिरा च्‍यिककी च्‍यिकला मङ मङ ङ्‍यिङ्‍ज्‍ये साङ छासे कियी वे।

१ तिमोथी 4:11

तीकी कोर्ला मीतिवाला क बिन, तमा तिवाला लोप।

१ तिमोथी 5:1

ख्‍युरुङ सिनाङ मी गावाला वोरु मादेन, यिने पपाला दोके टोङ्‍गु बिन। ख्‍युरुङ सिनाङ छ्‍युङातिवाला ति रङगी नुपतिवाला दोके क्‍यानी खाखो की।

तीतस 2:1

यिने तीतस ख्‍युरुङ ति येन्‍देन टेङ्‍बु तिराङ लोप।

तीतस 2:15

तुक क्‍यानी ख्‍युरुङ दी तेरी ताम्‍ङेतिवा मीतिवाला येन्‍देन बिन, ओङ्‍ज्‍येन ताङ मुला टोङ्‍गु बिन्‍नी वोरु तेन। तमा सी साङ ख्‍युरुङला ङ्‍यिङ्‍मर मिकिशी।

तीतस 3:8

दी ताम्‍ङे ति टेङ्‍बु यिन, ख्‍यिराङ दी ताम्‍ङेला ङार की सिनी ङ नो कितिन। तुक क्‍यानी सी कोन्‍छ्‍योकला तेपा किवे, तिवी लाका ल्‍यामु कितुपला ङ्‍याम्‍ले किशी। तुक कितुप ति मीतिवी थोक्‍ला छासे ल्‍यामु ताङ ख्‍येप्‍साङ वोतुप यिन।

हिब्रू 3:1

तुक क्‍यानी कोन्‍छ्‍योककी कताङ नङ्‍गुप चाङ्‍मा वोतुप अच्‍युनुपतिवा, दाक्‍पी ख्‍याप्‍टाक क्‍यावु लोमा छ्‍ये ताङ कोङ्‍यार छ्‍ये यिन्‍दुप येशूला नासाम तोङ।

हिब्रू 3:14

दाक्‍पी गोमाला तेपा कितुप पेला तेन्‍तेन क्‍यावु ताम्‍ङेला तिङ्‍ला सेक डेकला देसिन दाक्‍पु ख्रीष्‍टला वोतुप ति तेरी मुला राङ थोप्‍किवी।

१ पत्रुस 5:1

तमा ख्‍यिराङ चर्चकी मीतिवी पर्ला गोमा कितुपतिवाला ङ गोङ्‍बा शोयी। ङ साङ चर्चकी गोमा कितुप मी यिन, तमा ख्रीष्‍टकी छेटाङ खुरुप थोक्‍ला साङ पङ्‍बु तेरुप मी यिन। ज्‍युक्‍ला ख्रीष्‍टकी मोवा छ्‍या देन्‍दुप पेला ख्‍यिरा मुला राङ ङला साङ ती मोवा ति थोप्‍किवी।

२ पत्रुस 2:10

खक्‍छ्‍येवुला शम्‍डेन कितुप नासाम ताङ्‍नी मेटेङ्‍बु कितुप ताङ खोकी ओङ्‍ज्‍येनला मारे तोङ्‍गुपतिवाला खोकी ठिम क्‍या नङ्‍गिवी। तिवा ङ राङ यिन सिनी काङ साङ ज्‍यिवा माक्‍यानी मेलोवा किवी, तमा मोवा वोतुप ओङ्‍ज्‍येनतिवाला साङ ज्‍यिवा माक्‍यानी मारे तोङ्‍गिवी।

यहूदा 1:8

तुक राङ क्‍यानी तिवी साङ मिलाम थोङ्‍नी खोप्‍रे जु ति मेटेङ्‍बु जेवी, तमा चोवोकी ओङ्‍ज्‍येनला साङ मेङ्‍येन्‍दिवी, देवाच्‍येनकी लेन क्‍योलुप थुतिवाला साङ मारे तोङ्‍गिवी।